ດ່ວນ! ແຂວງສາລະວັນ ເພີ່ມ +1 ກໍລະນີ

ອີງຕາມການລາຍງານຂອງຄະນະສະເພາະກິດ ວ່າ: ວັນທີ 16 ເມສາ 2021 ໄດ້ກວດພົບຜູ້ຕິດເຊື້ອພະຍາດໂຄວິດ-19 ເພີ່ມ 1 ກໍລະນີ.

ເປັນກໍລະນີຢັ້ງຢືນທີ 54 ເພດຊາຍ, ອາຍຸ: 32 ປີ, ສັນຊາດ: ລາວ, ອາຊີບ: ຂາຍຜັກຢູ່ເຂດລາດພ້າວ, ປະເທດໄທ.

ໂດຍມີປະຫວັດການເດີນທາງດັ່ງນີ້:

– ຄອບຄົວຜູ້ກ່ຽວ ມີທັງໝົດ 8​ ຄົນ.

– ສະພາບໂດຍລວມ ຜູ້ກ່ຽວບໍ່ມີພະຍາດປະຈໍາຕົວ ແລະ ເປັນຄົນມີສຸຂະພາບແຂງແຮງ

ວັນທີ 11 ເມສາ 2021- ຜູ້ກ່ຽວເດີນທາງ ມາ ສປປ ລາວ ໂດຍຂື້ນລົດທົວ ຈາກລາດພ້າວ, ປະເທດໄທ ເວລາ 23:00​ ໂມງ ແລະ ລັກລອບຂ້າມມາ ທາງດ່ານປະເພນີປາກສະພານ, ເມືອງລະຄອນເພັງ, ແຂວງສາລະວັນ ໂດຍເຮືອຫາງຍາວ ພ້ອມດ້ວຍໝູ່ 1 ຄົນ ເຊິ່ງເປັນເພດຍິງ ໄວກາງຄົນ, ພ້ອມດຽວກັນ ກໍ່ມີຄົນມາຮັບເອົາພວກກ່ຽວຢູ່ດ່ານ ດ້ວຍລົດຮູນໃດ ບໍ່ຮູ້ທະບຽນລົດ ແລະ ມານອນພັກຢູ່ເຮືອນເຈົ້າຂອງລົດ.

ວັນທີ 12 ເມສາ 2021

– ເວລາ 3:00 ໂມງເຊົ້າ ເຈົ້າຂອງລົດຮູນໃດ ໄດ້ຂັບລົດມາສົ່ງພວກກ່ຽວ ຢູ່ເມືອງຄົງເຊໂດນ.

– ເວລາ 4:00 ໂມງເຊົ້າ ເມຍຂອງກໍລະນີທີ 54 ໄດ້ຮັບເອົາຜູ້ກ່ຽວ ກັບບ້ານນາເຕີຍ, ເມືອງຄົງເຊໂດນ, ແຂວງສາລະວັນ.

– ເວລາ 4:20 ໂມງເຊົ້າ ຜູ້ຮ່ວມເດີນທາງ ທີ່ເປັນເພດຍິງໄວກາງຄົນ ໄດ້ຂຶ້ນລົດໂດຍສານ ຈາກເມືອງຄົງເຊໂດນ ມຸ່ງໜ້າສູ່ ຫຼັກ 35 ແຂວງສະຫວັນນະເຂດ ເຊິ່ງບໍ່ຮູ້ທະບຽນ ແລະ ປະເພດລົດໂດຍສານ.

ວັນທີ 13 ເມສາ 2021

– ນາຍບ້ານພົບວ່າຜູ້ກ່ຽວ (ກໍລະນີທີ 54) ລັກລອບເຂົ້າມາ ຈຶ່ງໄດ້ນຳສົ່ງໄປຈຳກັດບໍລິເວນຢູ່ສູນໂຄກສະຫວາດ, ເມືອງຄົງເຊໂດນ ວັນທີ 14​ ເມສາ 2021

– ໄດ້ເກັບຕົວຢ່າງສົ່ງກວດໂຮງໝໍແຂວງຈຳປາສັກ.ວັນທີ 15 ເມສາ 2021

– ຜົນກວດພົບເຊື້ອ COVID-19- ປະຈຸບັນ ເຂົ້ານອນແຍກປ່ຽວ, ຕິດຕາມອາການ ແລະ ປິ່ນປົວຢູ່ໂຮງໝໍແຂວງສາລະວັນ.

Related Posts

Leave a Reply

Your email address will not be published. Required fields are marked *