ຊົມເຊີຍເຈົ້າໜ້າທີ່ ກວດກາເຂັ້ມງວດເພື່ອຄວາມປອດໄພຂອງປະຊາຊົນ

ເປັນທີ່ຮູ້ກັນດີວ່າໄລຍະນີ້ມີຄົນລັກເຂົ້າບ້ານເຮົາບໍ່ດີແນ່ນອນ ນອກຈາກຜິດກົດໝາຍແລ້ວຍັງສ່ຽງຕໍ່ສຸຂະພາບ ແລະຊີວິດຂອງຫຼາຍໆຄົນ ເນື່ອງຈາກການລະບາດຂອງພະຍາດໂຄວິດ-19 ຍັງບໍລາມືງ່າຍໆ, ດ້ວຍເຫດນີ້ໃນໄລຍະບຸນປີໃໝ່ເຖິງຈະເປັນຊ່ວຍເວລາພັກຂອງຫຼາຍໆຄົນ ແຕ່ເຈົ້າໜ້າທີ່ຍັງອອກລ່າຕາເວັນກວດກາຄວາມເປັນລະບຽບຮຽບຮ້ອຍຂອງບ້ານເມືອງ.

ພັທ ສີໄພ ເມິງຄໍາມ່ວນ ຫົວໜ້າ ປກສ ກຸ່ມເກົ້າລ້ຽວ ເມືອງສີໂຄດຕະບອງ ນວ ໄດ້ໃຫ້ຮູ້ວ່າ: ໃນໄລຍະສະເຫຼີມສະຫຼອງບຸນປີໃໝ່ລາວ ພສ 2564 ນີ້ ປກສ ກຸ່ມເກົ້າລ້ຽວ ໄດ້ເອົາໃຈໃສ່ຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຮອບໃໝ່ ໂດຍປະຕິບັດຕາມແຈ້ງການ, ຄໍາສັ່ງຢ່າງເຂັ້ມງວດ ເພື່ອຮັບປະກັບຄວາມສະຫງົບ ໂດຍພື້ນຖານ.

ທ່ານ ຫົວໜ້າ ປກສ ກຸ່ມເກົ້າລ້ຽວ ໃຫ້ຮູ້ອີກວ່າ: ເພື່ອເຮັດໃຫ້ບຸນປີໃໝ່ລາວ ພສ 2564 ມີຄວາມເບີກບານມ່ວນຊື່ນ ແລະ ປັດສະຈາກການແຜ່ລະບາດຂອງພະຍາດໂຄວິດ-19 ຄະນະ ປກສ ກຸ່ມເກົ້າລ້ຽວໄດ້ນໍາເອົາ ຄໍາແນະນໍາເລກທີ 3443/ສພກ, ລົງວັນທີ 12 ເມສາ 2021 ໃນການຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19, ແຈ້ງການຂອງລັດຖະມົນຕີກະຊວງຖະແຫຼງຂ່າວວັດທະນາທໍາ ແລະ ທ່ອງທ່ຽວ ເລກທີ 337/ຖວທ ລົງວັນທີ 13 ເມສາ 2021 ເລື່ອງການປິດສະຖານທີ່ບັນເທິງ, ຮ້ານກິນດື່ມ, ຮ້ານຄາລາໂອເກະ ແລະ ອື່ນໆ ໂດຍສົມທົບກັບພາກສ່ວນກ່ຽວຂ້ອງລົງໂຄສະນາເຜີຍແຜ່ ໃຫ້ພໍ່ແມ່ປະຊາຊົນໄດ້ຮັບຮູ້, ໃຫ້ຄວາມຮ່ວມມື ແລະ ພ້ອມກັນສະກັດກັ້ນ ແລະ ຕ້ານການແຜ່ລະບາດພະຍາດໂຄວິດ 19 ເພື່ອບໍ່ໃຫ້ແຜ່ລະບາດເປັນວົງກວ້າງ.

ນອກຈາກນີ້ ຍັງໄດ້ສຸມໃສ່ວຽກງານປ້ອງກັນຊາຍແດນ ໂດຍສົມທົບກັບ ທຸກເຫຼົ່າລົບວິຊາສະເພາະ ອອກກວດກາລາດຕະເວນຕາມຊາຍແດນ; ພ້ອມທັງ ໄດ້ແຕ່ງຕັ້ງສະມາຄົມປ່າມົງ ເພື່ອກຳນົດຈຸດຈອດເຮືອ, ເລກໝາຍເຮືອ ແລະ ໂມງເຂົ້າ-ອອກເຮືອຢ່າງລະອຽດ ເພື່ອສະກັດກັ້ນການລັກລອບເຂົ້າເມືອງຕາມຊາຍແດນ ຖ້າພົບເຫັນກໍລະນີລັກລອບຂ້າມຊາຍແດນ ຈະແມ່ນໄດ້ກັກຕົວໄວ້ ແລ້ວນຳສົ່ງໃຫ້ໜ່ວຍງານສະເພາະກິດ ນວ ເພື່ອນຳສົ່ງຕົວເຂົ້າສູນກັກກັ້ນພະຍາດຢ່າງໄວ.

ນອກນີ້ ຫົວໜ້າ ປກສ ກຸ່ມເກົ້າລ້ຽວ ຍັງໄດ້ຮຽກຮ້ອງມາຍັງປະຊາຊົນທຸກຊັ້ນຄົນ ເພື່ອປ້ອງກັນຕົນເອງຈາກພະຍາດໂຄວິດ-19 ກ່ອນຈະອອກຈາກບ້ານໃຫ້ທຸກຄົນ ໃສ່ຜ້າປິດປາກ, ລ້າງມືດ້ວຍເຈວທີ່ມີແອວກໍຮໍ ແລະ ຮັກສາໄລຍະຫ່າງ ຫຼີ້ກລ່ຽງການຊຸມແຊວ ແລະ ໄປສະຖານຊຸມຊົົນແອອັດຕ່າງໆ.

Related Posts

Leave a Reply

Your email address will not be published. Required fields are marked *