ຢ່າລັກນຳເຂົ້າ…!!! ເຈົ້າໜ້າພາສີຢຶດ-ທຳລາຍໄກ່ແຊ່ແຂງ ທີ່ລັກລອບນຳເຂົ້າຜິດລະບຽບ

ໂດຍອີງຕາມບົດບັນທຶກຢຶດ ແລະ ມອບສິນຄ້າຜະລິດຕະພັນໄກ່ແຊ່ແຂງຂອງໜ່ວຍງານກວດກາສິນຄ້າພາສີປະຈໍາດ່ານພາສີສາກົນຂົວມິດຕະພາບ1 ສະບັບເລກທີ 068, ລົງວັນທີ 9 ເມສາ 2021,

ໃນວັນເສົາທີ 10 ເມສາຜ່ານມາ, ທີ່ສະຖານທີ່ດ່ານກັກກັນສັດດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ, ເຈົ້າໜ້າທີ່ພາສີປະຈຳດ່ານຮ່ວມກັບເຈົ້າໜ້າທີ່ສັດ ຕະວະແພດ, ເຈົ້າໜ້າທີ່ ຕມ, ກະສິກຳ, ສາທາ ແລະ ຂະແໜງການກ່ຽວຂ້ອງປະຈໍາດ່ານສາກົນຂົວມິດຕະພາບ1.

ໂດຍການນໍາພາຂອງທ່ານ ດາວວອນ ດວງມະໂນ ຫົວໜ້າໜ່ວຍງານ ສະຖານທີ່ດ່ານກັກກັນສັດດົງໂພສີ ນວ,ພ້ອມດ້ວຍພະນັກງານວິຊາການ ແລະ ຂະແໜງການກ່ຽວຂ້ອງປະຈໍາດ່ານສາກົນຂົວມິດຕະພາບ1 ໄດ້ຈັດພິທີ ທຳລາຍຜະລິດຕະພັນໄກ່ແຊ່ແຂງ (ສິ້ນສ່ວນໄກ່) ຈຳນວນ 13 ເປົາລວມນໍ້າໜັກ 615 ກິໂລກຣາມ, ຄິດເປັນມູນຄ່າປະມານ 12 ລ້ານກວ່າກີບ, ຊຶ່ງແມ່ນເຈົ້າໜ້າທີ່ພາສີປະຈຳດ່ານຢຶດໄດ້ຈາກແມ່ຄ້າທີ່ລັກລອບນໍາເຂົ້າຊຸກເຊື່ອງຜິດລະບຽບກົດໝາຍ ແລະ ບໍ່ມີໃບອະນຸຍາດຕາມເຕັກນິກວິຊາການ ແລະ ອື່ນໆ.

ທີ່ມາ: ເພຈ ກະຊວງ ການເງິນ

Related Posts

Leave a Reply

Your email address will not be published. Required fields are marked *