ເຢຍລະມັນພົບຜູ່ເສຍຊີວິດຍ້ອນໂຄວິດເພີ່ມສູງຂຶ້ນ

ພ​ະນັກ​ງານ​ໃນ​ຊາປານະກິດສະຖານ​ຂອງ​ເຢຍລະ​ມັນ ຕ້ອງ​ໄດ້ນຳ​ໂລງ​ສົບ​ມາ​ຊ້ອນ​ທັບ​ກັນ​ເປັນ​ຊັ້ນ ຫຼັງ​ປະເທດ​ກຳ​ລັງ​ຕໍ່ສູ້​ກັບ​ການ​ເສຍຊີວິດ​ຈາກ​ການ​ແຜ່ລະບາດ​ຂອງ​ເຊື້ອ​ໂຄ​ວິດ ທີ່​ເພີ່ມ​ສູງ​ຂຶ້ນ​ໃນ​ຮອບສອງ​ຂອງ​ການ​ແຜ່ລະ​ບາດ.

ເ​ຢິ​ຣົກ ຊານ​ດັກ ຜູ້​ຈັດການ​ຊາປານະກິດ​ສະຖານ​ໃນ​ເມືອງ​ໄມ​ເຊີນ ລັດ​ຊັກ​ເຊີນ ຂອງ​ເຢຍ​ລະມັນ ກ່າວ​ວ່າ​ຜົນ​ກະທົບ​ຈາກ​ການ​ແຜ່​ລະ​ບາດ​ໃນ​ເດືອນ​ພ​ະຈິກທີ່​ຜ່ານມາ ເຮັດໃຫ້​ມີ​ຜູ້​ເສຍຊີວິດ​ຈາກ​ໄວ​ຣັສ​ມໍລະນະ​ດັ່ງ​ກ່າວ​ເພີ່ມ​ສູງ​ຂຶ້ນ​ໃນ​ອັດຕາ​ທີ່​ບໍ່​ຄາດ​ຄິດ (ຂະນະ​ນີ້​ເຮົາ​ມີ​ຜູ້​ຕິດ​ເຊື້ອ​ໂຄ​ໂຣ​ນາ​ໄວ​ຣັສ​ຈຳນວນ​ຫລາຍ ຊຶ່ງ​ມັນຜິດ​ປົກກະຕິຫຼາຍ) ຊານ​ດັກ​ກ່າວ.

“ເຮົາ​ມີ​ຜູ້​ເສຍຊີວິດ​ຫລາຍຂຶ້ນກວ່າ 2 ເທົ່າ ໂດຍ​ປົກກະຕິ​ມີ​ຜູ້​ເສຍຊີວິດ​ຈາກ​ສາ​ເຫດ​ຕ່າງ​ໆ ບໍ່​ວ່າ​ຈະ​ເປັນ​ຫົວ​ໃຈ​ລົ້ມ​ເຫລວ ຫລື​ ລະບົບ​ໄຫຼ​ວຽນ​ເລືອດ​ລົ້ມ​ເຫລວ ແຕ່​ຜູ້​ທີ່​ເສຍຊີວິດ​ຈາກ​ໄວ​ຣັສໂຄ​ໂຣ​ນາ​ນັ້ນ​ເພີ່ມ​ຂຶ້ນ​ເປັນ​ພິເສດ ເພີ່ມ​ຂຶ້ນ 100 ເປີເຊັນ​ ຊຶ່ງ​ອັດຕາ​ການ​ເສຍຊີວິດ​ເພີ່ມ​ຂຶ້ນ​ເປັນ​ສອງ​ເທົ່າ​ຈາກ​ເມື່ອ​ກ່ອນ” ທ່ານ​ກ່າວ​ເພີ່ມເຕີ່ມ.

ພາຍ​ໃນ​ສະຖານ​ທີ່ຊາປານະກິດສົບແຫ່ງ​ນີ້​ມີພະ​ນັກ​ງານ​ຫຼາຍ​ສິບ​ຄົນ ໂດຍ​ປົກກະຕິ​ແລ້ວ​ພວກເຂົາ​ຈະ​ເຮັດວຽກ ໂດຍ​ແບ່ງ​ເປັນ 2 ກະ ຕັ້ງ​ແຕ່​ວັນ​ຈັນ​ຮອດວັນ​ສຸກ​ ແຕ່​ດ້ວຍ​ສະຖານທີ່ຊາປານະກິດສົບ​ໃນ​ຕອນ​ນີ້​ມັນເຮັດ​ໃຫ້​ພວກ​ເຂົາ​ຕ້ອງ​ເຮັດວຽກ​ໜັກ​ຂຶ້ນ​ກວ່າ​ເກົ່າ ຊານ​ດັກ​ ເວົ້າ​ວ່າ “ພວກ​ເຮົາ​ເຮັດວຽກ​ຕະຫລອດ​ເວລາ​ຕັ້ງ​ແຕ່​ວັນ​ຈັນຮອດ​ວັນ​ອາທິດ.

ການ​ແຜ່ລະ​ບາດ​ຂອງ​ເຊື້ອ​ພະຍາດໂຄວິດ​ເຮັດໃຫ້​ມີ​ຫຼາຍ​ມາດ​ຕະການ​ຖືກ​ບັງຄັບ​ໃຊ້ ເພື່ອ​ປ້ອງ​ກັນ​ການ​ແຜ່ລະ​ບາດ ເຮັດໃຫ້ຍາດພີ່ນ້ອງ​ບໍ່​ໄດ້ຮັບ​ອະນຸຍາດ​ໃຫ້​ໄປ​ຢ້ຽມ​ຄົນປ່ວຍ​ທີ່​ໂຮງໝໍ ແລະ​ ເມື່ອ​ຜູ້​ປ່ວຍ​ເສຍຊີວິດ ຍາດພີ່ນ້ອງ ແລະ ​ຄົົນທີ່​ຮັກ​ຂອງພວກເຂົາກໍ​ບໍ່​ອາດ​ໄດ້​ເຫັນ​ໜ້າ ຈັບ​ມື ຫລື ​ບອກ​ລາ​ເປັນ​ເທື່ອ​ສຸດ​ທ້າຍ​ໄດ້.

ທັງ​ນີ້​ປະເທດ​ເຢຍ​ລະມັນ​ເປັນ​ປະເທດ​ທີ່​ມີ​ຜູ້​ຕິດ​ເຊື້ອ​ທັງຫມົດ​ກວ່າ 2,050,099 ຄົນ ຮັກສາ​ຫາຍ​ແລ້ວ 1,691,700 ຄົນ ແລະ​ ມີ​ຜູ້​ເສຍຊີວິດ​ທັງຫມົດ​ກວ່າ 47,440ຄົນ ຈາກ​ລາຍ​ງານ​ຜູ້​ເສຍຊີວິດ​ຈາກ​ໂຄ​ວິດ  ໃນ​ເຢຍລະມັນ​​ເພີ່ມ​ສູງຂຶ້ນ​​ຫລາຍ ຕັ້ງ​ແຕ່​ຕົ້ນ​ເດືອນ​ທັນວາ ແລະ ​ເມື່ອ​ວັນທີ 13 ມັງ​ກອນ​ທີ່​ຜ່ານມາ ມີຍ​ອດ​ຜູ້​ເສຍຊີວິດ​ລາຍ​ມື້ ສູງ​ເປັນ​ປະຫວັ​ດສາດ​ເຖິງ 1,244 ຄົນຕໍ່ມື໊.

ຂໍ້ມູນຈາກ : nypost

Related Posts

Leave a Reply

Your email address will not be published. Required fields are marked *