ນະຄອນຫຼວງວຽງຈັນ ສັ່ງປິດສະຖານທີ່ທີ່ມີຄວາມສ່ຽງແຜ່ເຊື້ອໂຄວິດ-19 ດ່ວນ!

ນະຄອນຫຼວງວຽງຈັນ ສັ່ງປິດສະຖານທີ່ທີ່ມີຄວາມສ່ຽງແຜ່ເຊື້ອໂຄວິດ-19 ດ່ວນ!

# ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຂັ້ນນະຄອນຫຼວງວຽງຈັນ ຈຶ່ງອອກຄຳສັ່ງດັ່ງນີ້:

1. ສືບຕໍ່ເພີ່ມທະວີການຈັດຕັ້ງປະຕິບັດບັນດາມາດຕະການ ຕາມຄຳແນະນຳເພີ່ມເຕີມຂອງຄະນະສະເພາະກິດ ຂັ້ນສູນກາງ ສະບັບເລກທີ 3443/ສພ, ລົງວັນທີ 12 ເມສາ 2021, ແຈ້ງການຂອງກະຊວງຖະແຫຼງຂ່າວ,ວັດທະນະທຳ ແລະ ທ່ອງທ່ຽວ ສະບັບເລກທີ 337/ຖວທ, ລົງວັນທີ 13 ເມສາ 202I ແລະ ແຈ້ງການຂອງຄະນະສະເພາະກິດ ຂັ້ນນະຄອນຫຼວງວຽງຈັນ ສະບັບເລກທີ 003/ສພກ.ນວ, ລົງວັນທີ 13 ເມສາ 2021 ຢ່າງເຂັ້ມງວດ2. ຫ້າມເຄື່ອນໄຫວກິດຈະການ ທີ່ບໍ່ມີໃບອະນຸຍາດດໍາເນີນທຸລະກິດ ດັ່ງລຸ່ມນີ້:

-ຮ້ານ Funny 89, ບ້ານທ່າສະຫວ່າງ, ເມືອງໄຊທານີ-ຮ້ານນວດ 1111 , ບ້ານໜອງບອນ, ເມືອງໄຊເສດຖາ3. ປິດຊົ່ວຄາວກິດຈະການ ແລະ ສະຖານທີ່ດັ່ງລຸ່ມນີ້:

-ໂຮງແຮມເຈືອງ 2, ບ້ານສີບຸນເຮືອງ, ເມືອງຈັນທະບູລີ

-ຮ້ານບັນເທີງວ໋ອດຄຼັບ, ບ້ານຮ່ອງໄກ່ແກ້ວ, ເມືອງຈັນທະບູລີ-ຮ້ານ Karaoke 8118, ບ້ານຮ່ອງໄກ່ແກ້ວ, ເມືອງຈັນທະບູລີ.

-ຮ້ານເຂົ້າປຽກໄກ່ຜູ້ໂອກ, ບ້ານຮ່ອງໄກ່ແກ້ວ, ເມືອງຈັນທະບູລີ

-ບ້ານໂພນສະຫວ່າງ, ເມືອງຈັນທະບູລີ (ເຮືອນຜູ້ຕິດເຊື້ອ)

-ໂຮງຮຽນພາສາອັງກິດ Vientiane College ບ້ານໜອງບອນ, ເມືອງໄຊເສດຖາ

– ໂຮງຮຽນມິດຕະພາບ ລາວ-ຫວຽດ, ບ້ານໂພນພະເນົາ, ເມືອງໄຊເສດຖາ (ບ່ອນນ້ອງສາວຜູ້ຕິດເຊື້ອເຂົ້າຮຽນ)

4. ໂຈະຊົ່ວຄາວການເຂົ້າຮ່ວມກິດຈະກຳ ແລະ ພິທີກຳທາງສາສະໜາ ຂອງປະຊາຊົນ ຢູ່ວັດສີເມືອງ, ເມືອງສີສັດຕະນາກ

5. ສຳລັບຮ້ານອາຫານ, ກິດຈະການ ແລະ ສະຖານທີ່ອື່ນໆ ທີ່ມີຜູ້ໃຊ້ບໍລິການ ກິນ, ດື່ມ ແລະ ຈັດກິດຈະກຳທີ່ເຕົ້າໂຮມຄົນຈຳນວນຫຼາຍ ແມ່ນໃຫ້ປະຕິບັດມາດຕະການປ້ອງກັນພະຍາດ COVID-19 ຂອງຄະນະສະເພາະກິດວາງອອກ ຢ່າງເຂັ້ມງວດ (ຮັກສາໄລຍະຫ່າງ, ວັດແທກອຸນຫະພູມ, ມີນ້ຳຢາລ້າງມື, ມີຜ້າອັດປາກ-ດັງ) ໃນໄລຍະນີ້ ຖ້າບໍ່ຈຳເປັນ ແມ່ນໃຫ້ຊາວນະຄອນຫຼວງວຽງຈັນ ຫຼີກລ້ຽງການກິນອາຫານຢູ່ຮ້ານ, ໃຫ້ຊື້ໄປກິນຢູ່ເຮືອນເອົາ.

6. ມອບໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19ຂັ້ນເມືອງ ສົມທົບກັບເຈົ້າໜ້າທີ່ຕຳຫຼວດ, ຂະແໜງການ ແລະ ອຳນາດການປົກຄອງບ້ານທີ່ກ່ຽວຂ້ອງ ເປັນເຈົ້າການບັງຄັບໃຊ້ຄຳສັ່ງສະບັບນີ້ ຢ່າງເຂັ້ມງວດ

7. ຄໍາສັ່ງສະບັບນີ້ ມີຜົນສັກສິດນັບແຕ່ວັນລົງລາຍເຊັນເປັນຕົ້ນໄປ🔍ມັກອ່ານ #ອິນໄຊລາວ ຢ່າລືມກົດ Like 👍 ຫຼື Follow ⭐ ເຮົາແດ່🇱🇦 fb.me/InsideLaos📝 m.me/insidelaos#InsideLaos

Related Posts

Leave a Reply

Your email address will not be published. Required fields are marked *