ຕາມຄາດຄົນທີ່ຄູ່ຄວນກັບ ປາກຽວ ເປັນນັກມວຍຮຸ່ນນ້ອງດີກຣີແຊັມ WBC ຄູ່ຊົກປີ 2021

ເປັນທີ່ແນ່ນອນແລ້ວວ່າ ແມນນີ ປາກຽວ ນັກມວຍຊາວຟິລິບປິນ ຂວັນໃຈຊາວອາຊີ ເລີ່ມນັບຖອຍຫຼັງຂຶ້ນຊົກໃນປີ 2021 ພົບກັບ ໄຣອັນ ກາເຊຍ ເຈົ້າຂອງແຊັມສະພາມວຍໂລກ ( WBC ).

ກ່ອນໜ້ານີ້ ປາກຽວ ມີໂອກາດທີ່ຈະໄດ້ຊົກກັບ ຄໍເນີ ແມັກເກຣເກີ ແຕ່ ແມັກເກຣເກີ ກັບເສຍນ໊ອກໃຫ້ກັບ ດັສຕິນ ພົວຣິເຢຍ ເມື່ອອາທິດ ທີ່ຜ່ານມາ ເຮັດໃຫ້ ໂອກາດໝົດໄປທັນທີ.

ຈົນຫຼ້າສຸດມີການປະກາດວ່າ: ປາກຽວ ມີລາຍການຂຶ້ນຊົກກັບ ໄຣອັນ ກາເຊຍ ໃນປີ 2021 ( ຍັງບໍ່ທັນໄດ້ກໍານົດສະຖານທີ່ ແລະ ເວລາ ) ໂດຍ ກາເຊຍ ເປີດໃຈໃນ ອິນສະຕຣາແກຣມ ວ່າ: ເມື່ອຄວາມຝັນກາຍເປັນຈິງ ເປັນກຽດຢ່າງຍິ່ງທີ່ຈະໄດ້ຊົກກັບ ປາກຽວ, ຂ້ອຍເຄົາລົບໃນສິ່ງທີ່ ປາກຽວ ໄດ້ສ້າງຊື່ສຽງມາທັງໃນ ແລະ ນອກເວທີ ນີ້ຄືແຊ້ມຕົວຈິງ.

ສໍາລັບ ໄຣອັນ ກາເຊຍ ຖືວ່າບໍ່ທໍາມະດາ ປັດຈຸບັນເປັນແຊ້ມໂລກໃນຮຸ່ນ ໄລທ໌ເວດ ຫຼັງຈາກທີ່ຫາກໍເອົາຊະນະນ໊ອກ ລຸກ ແຄມເບລ ຜູ້ທ້າຊີງຊາວອັງກິດ ເມື່ອວັນທີ 2 ມັງກອນ 2021 ເຊິ່ງໄຟທ໌ຕໍ່ໄປຄືຈະໄດ້ຊົກກັບ ປາກຽວ ພາຍໃນປີນີ້.

Leave a Reply

Your email address will not be published. Required fields are marked *