ເຈົ້າເມືອງກະລຶມ ຊີ້ແຈງກໍລະນີຜູ້ຕິດເຊື້ອໂຄວິດ-19 ຢູ່ເມືອງກະລຶມ.

ໃນວັນທີ 28 ເມສາ 2021 ທ່ານ ອໍບົວລາ ອ່ອນມະໄລວົງ ເຈົ້າເມືອງເມືອງກະລຶມ ໄດ້ຊີ້ແຈງກໍລະນີຜູ້ຕິດເຊື້ອໂຄວິດຢູ່ເມືອງກະລຶມ, ແຂວງເຊກອງວ່າ: ທ້າວ ຢວນມິງກັງ ( Yuan Ming Cang ) ອາຍຸ 55 ປີ ຜູ້ກ່ຽວບໍ່ແມ່ນຄົນເຊກອງ ແລະ ບໍ່ແມ່ນຄົນກະລຶມ, ຜູ້ກ່ຽວແມ່ນນັກທຸລະກິດແທ້ ເປັນຄົນຈີນ.

ເປັນຜູ້ຊ່ຽວຊານດ້ານບໍ່ແຮ່ເຮັດວຽກຢູ່ບໍລິສັດກໍ່ສ້າງເຂື່ອນໄຟຟ້າຫ້ວຍລະແງ ຢູ່ເມືອງກະລຶມ ສະນັ້ນໄລຍະການເຄື່ອນໄຫວຂອງຜູ້ກ່ຽວຢູ່ເມືອງກະລຶມນັບແຕ່ວັນທີ 4 ເດືອນ 4 ຮອດ ວັນທີ 20 ເດືອນ 4 ຜູ້ກ່ຽວໄດ້ເຄື່ອນໄຫວ:

ທຳອິດຜູ້ກ່ຽວໄດ້ມານອນຢູ່ສາງເກັບມ້ຽນເຄື່ອງຢູ່ທ່າບັກເມືອງເກົ່າ, ຮອດວັນທີ 6 ຜູ້ກ່ຽວໄດ້ເດີນທາງໄປທີ່ສຳນັກງານບ່ອນຂຸດຄົ້ນບໍ່ແຮ່, ວັນທີ 7 – 8 ຜູ້ກ່ຽວເຮັດໜ້າທີ່ໂດຍສະເພາະແມ່ນຂົນແຮ່ຊາຍລະຫວ່າງ ບ້ານອາແຕັງ-ກະອວງ ຫາ ບ້ານໂບບິງ, ຈາກນັ້ນຜູ້ກ່ຽວໄດ້ເດີນເຂົ້າມາເມືອງກະລຶມ ແລະ ໄດ້ພັກເຊົ່າຢູ່ປູເປ່ ແລະ ກິນເຂົ້າຢູ່ຮ້ານປູເປ່, ຈາກນັ້ນຜູ້ກ່ຽວໄດ້ກັບຄືນສູ່ພາກສະໜາມບ່ອນຜູ້ກ້ຽວເຮັດວຽກ,

ຮອດວັນທີ 10 ຜູ້ກ່ຽວໄດ້ມາສັກຢາປ້ອງຫັນໂຄວິດ-19 ເປັນເຂັມທີ2 ແລ້ວກັບຄືນສູ່ພາກສະໜາມ ແລະ ໄດ້ເຮັດລົດປິ້ນ ເຮັດໃຫ້ໄດ້ຮັບບາດເຈັບ ມາຮອດວັນທີ 20 ເລີຍໄດ້ເຂົ້າມາກວດສຸຂະພາບຢູ່ໂຮງໝໍເມືອງກະລຶມ

.ແຕ່ຜູ້ກ່ຽວບໍ່ໝັ້ນໃຈເລີຍເຂົ້າໄປກວດຢູ່ໂຮງໝໍແຂວງຈຳປາສັກ ໃນໄລຍະການກວດອາການຂອງຜູ້ກ່ຽວນັ້ນຜູ້ກະເລີຍໄດ້ກວດເປັນຕົວຢ່າງເຊື້ອໂຄວິດ-19 ຜົນອອກມາຜູ້ກ່ຽວເປັນບວກ ເຊິ່ງເຮັດໃຫ້ຜູ້ກ່ຽວຕິດໂຄວິດ-19 ແທ້, ແຕ່ຜູ້ກ່ຽວບໍ່ໄດ້ຕິດຢູ່ເມືອງກະລຶມບໍ່ຮູ້ວ່າຜູ້ກ່ຽວຕິດຢູ່ໃສແຕ່ເຄື່ອນໄຫວຢູ່ເມືອງກະລຶມ.

ສະນັ້ນ ທ່ານກໍໄດ້ຕາງໜ້າໃຫ້ອຳນາດການປົກຄອງ, ພໍ່ແມ່ປະຊາຊົນຊາວເມືອງກະລຶມ ຂໍຊີ້ແຈງໃຫ້ພໍ່ແມ່ປະຊາຊົນທົ່ວປະເທດ ກໍຄືການນຳພັກ-ລັດ ອຳນາດການປົກຄອງແຕ່ລະຂັ້ນເຂົ້າໃຈແຈ້ງວ່ານັ້ນແມ່ນບໍ່ແມ່ນຄົນກະລຶມ, ແມ່ນຄົນຕ່າງຊາດຄົນຈີນແທ້.

#ຂ່າວເມືອງກະລຶມ

Related Posts

Leave a Reply

Your email address will not be published. Required fields are marked *