LaoVietBank ປະກອບສ່ວນຊ່ວຍເຫຼືອກະຊວງສາທາລະນະສຸກ ໃນການປ້ອງກັນການລະບາດຂອງພະຍາດໂຄວິດ-19.

LaoVietBank ປະກອບສ່ວນຊ່ວຍເຫຼືອກະຊວງສາທາລະນະສຸກ ໃນການປ້ອງກັນການລະບາດຂອງພະຍາດໂຄວິດ-19.

ວັນທີ 03 ພຶດສະພາ 2021 ຢູ່ທີ່ຫ້ອງການກະຊວງສາທາລະນະສຸກ, LaoVietBank ໄດ້ມອບເຄື່ອງໃຊ້ທາງການແພດ ເພື່ອຊ່ວຍເຫຼືອໃນການປ້ອງກັນການລະບາດຂອງພະຍາດໂຄວິດ-19 ໃຫ້ແກ່ກະຊວງສາທາລະນະສຸກ. ຕາງຫນ້າ LaoVietBank, ທ່ານ ຫງວຽນ ດຶກ ຫວູ – ຜູ້ອຳນວຍການໃຫຍ່ ໄດ້ມອບຜ້າປິດປາກ, ເຫຼົ້າຂ້າເຊື້ອ, ເຄື່ອງວັດແທກອຸນຫະພູມ… ລວມມູນຄ່າ 101,840,000 ກີບ ເພື່ອເປັນສ່ວນໜຶ່ງໃນການປະກອບສ່ວນໃຫ້ກັບລັດຖະບານ ແລະ ປະຊາຊົນ ໃນການສະກັດກັ້ນ ແລະ ຕ້ານກັບພະຍາດ.

ຜູ້ອຳນວຍການໃຫຍ່ LaoVietBank, ກໍ່ໄດ້ສະແດງຄວາມຮູ້ບຸນຄຸນຢ່າງສູງເຖິງຂະແໜງການແພດ ແລະ ບັນດາກອງກຳລັງທີ່ມີພາລະບົດບາດຂອງລາວ; ຜູ້ທີ່ໄດ້ ແລະ ກຳລັງປະຕິບັດພາລະກິດໃນການຕ້ານ ແລະ ສະກັດກັ້ນການລະບາດຂອງພະຍາດດັ່ງກ່າວດ້ວຍຄວາມຮັບຜິດຊອບສູງ.

ຕາງໜ້າຝ່າຍກະຊວງສາທາລະນະສຸກ, ທ່ານ ດຣ. ບຸນແຝງ ພູມມະໄລສິດ – ລັດຖະມົນຕີ ກະຊວງສາທາລະນະສຸກ ກໍ່ໄດ້ສະແດງຄວາມຂອບໃຈ ແລະ ໄດ້ຕີລາຄາສູງຕໍ່ການປະກອບສ່ວນ, ການປະສານງານຂອງ LaoVietBank ແລະ ເຊື່ອວ່າການປະກອບສ່ວນໃນຄັ້ງນີ້ ຈະຖືກແຜ່ຂະຫຍາຍໄປຍັງບັນດາກຸ່ມນັກທຸລະກິດ, ປະຊາຊົນພ້ອມໃຈກັນສາມັກຄີ ແລະ ເອົາຊະນະພະຍາດໂຄວິດ-19 ໄດ້ໂດຍໄວ.

ທີ່ມາ.

Related Posts

Leave a Reply

Your email address will not be published. Required fields are marked *