ຢາກໃຫ້ທ່ານໄດ້ອ່ານ. ຈາກຜູ້ທີ່ມີພາວະ ຜິວຂາວດ່ອນ ທີ່ຖືກພໍ່ແມ່ຄົນຈີນປະຖິ້ມ

ຢາກໃຫ້ທ່ານໄດ້ອ່ານ. ຈາກຜູ້ທີ່ມີພາວະ ຜິວຂາວດ່ອນ ທີ່ຖືກພໍ່ແມ່ຄົນຈີນປະຖິ້ມ ຈົນກາຍມາເປັນນາງແບບລະດັບໂລກ !!! ເລື່ອງນີ້ ແມ່ນເລື່ອງລາວ ກ່ຽວກັບ ນາງເສຍລີ່, ໂດຍຕອນທີ່ລາວຍັງເປັນເດັກອ່ອນ ພໍ່ແມ່ລາວ ໄດ້ເອົາລາວ ໄປຖິ້ມໄວ້ ເຮືອນເດັກກໍາພ້າ ໃນຈີນ.

ການມີພາວະຜິວດ່ອນ ຫຼື albinism ແມ່ນໂລກທີ່ເກີດຈາກຄວາມຜິດປົກກະຕິຂອງຂະບວນການຜະລິດເມັດສີ ໃນຮ່າງກາຍ ເຮັດໃຫ້ຜິວ ແລະ ຜົມຂອງ ເສຍລີ່ ເປັນສີຂາວຈາງ ນອກຈາກນີ້ ລາວຍັງທົນຕໍ່ແສງແດດບໍ່ໄດ້ອີກດ້ວຍ.

ແຕ່ການມີຮູບລັກສະນະທີ່ແຕກຕ່າງໄປ ກໍ່ເຮັດໃຫ້ລາວ ມີກໍາລັງໃຈ ແລະ ສູ້ຊົນ ຈົນກາຍມາເປັນນາງແບບ ໃນຕອນອາຍຸ 16 ປີ. ປະຈຸບັນ ລາວເຄີຍຖ່າຍແບບ ລົງວາລະສານລະດັບໂລກ ແລະ ເຄີຍເປັນນາງແບບໃຫ້ນັກອອກແບບ ຊື່ດັງຫຼາຍທ່ານ.

ນີ້ແມ່ນເລື່ອງຂອງລາວທີ່ລາວ ໄດ້ເລົ່າ ໃຫ້ນັກຂ່າວ ບີບີຊີ ເຈນີເຟີ ເມເອີ ຮານ ຟັງ.

ເຈົ້າໜ້າທີ່ເຮືອນເດັກກໍາພ້າ ຕັ້ງຊື່ໃຫ້ລາວວ່າ ເສຍລີ່ ທີ່ແປວ່າ ຫິມະ ແລະ ລີ້ ທີ່ແປວ່າ ຄວາມງາມ. ລາວໄດ້ຖືກຮັບໄປລ້ຽງໃນຕອນລາວ ອາຍຸໄດ້ 3 ປີ ໂດຍໄດ້ໄແຢູ່ກັບແມ່ບຸນທໍາ ທີ່ປະເທດເນເທີແລນ ແມ່ໄດ້ບອກວ່າບໍ່ສາມາດຕັ້ງຊື່ທີ່ເໝາະສົມໄປກ່ວານີ້ ແລະ ຄິດວ່າເປັນເລື່ອງສໍາຄັນທີ່ຈະຮັກສາຮາກຖານຂອງລາວໄວ້ໃນຖານະທີ່ເປັນຄົນຈີນ.

ຕອນທີ່ລາວເກີດ ລັດຖະບານຈີນຍັງບັງຄັບໃຊ້ ນະໂຍບາຍລູກຄົນດຽວ (One Child Policy) ຈຶ່ງຖືວ່າເປັນຄົນທີ່ໂຊກຮ້າຍຫຼາຍ ຫາກລູກເກີດມາເປັນໂລກຜິວຂາວດ່ອນ ເດັກນ້ອຍບາງຄົນຄືລາວ ອາດຖືກປະຖິ້ມ ບາງຄົນຖືກຂັງຢູ່ບ້ານ ຫຼື ຫາກໄປໂຮງຮຽນ ກໍຖືກບັງຄັບໃຫ້ຍ້ອມຜົມສີດໍາ.

ແຕ່ໃນບາງປະເທດໃນອາຟິກາ ຄົນຜິວດ່ອນອາດຖືກຕັດແຂນ-ຂາ ຫຼື ຂ້າຕາຍ ໝໍຜີໃຊ້ກະດູກຂອງພວກເຂົາໄປປຸງຍາ ເພາະເຊື່ອວ່າມັນຮັກສາໂລກໄດ້ ແຕ່ທີ່ແນ່ນອນ ເລື່ອງເຫຼົ່ານີ້ບໍ່ແມ່ນຄວາມຈິງ ເປັນພຽງອະຄະຕິເທົ່ານັ້ນ.

ພໍ່ແມ່ທີ່ແທ້ຈິງຂຶງລາວ ບໍ່ໄດ້ໃຫ້ຂໍ້ມູນຫຍັງກ່ຽວກັບໂຕລາວເລີຍ ບໍ່ຮູ້ວ່າລາວເກີດເມື່ອໃດ ແຕ່ຫຼາຍປີຜ່ານມາ ລາວໄດ້ໄປ X-ray ມື ເພື່ອໃຫ້ໄດ້ຂໍ້ມູນນີ້ ແລະ ໝໍບອກວ່າລາວນ່າຈະອາຍຸປະມານ 15 ປີ.

ລາວເລີ່ມເປັນນາງແບບໂດຍບັງເອີນຕອນ ອາຍຸ 11 ປີ ແມ່ລາວຮູ້ຈັກ ນັກອອກແບບຄົນໜຶ່ງທີ່ມາຈາກ ຮ່ອງກົງ ລູກຊາຍຂອງລາວເປັນໂລກປາກແຫວ່ງ ລາວຕັດສິນໃຈອອກແບບເສື້ອຜ້າ ເພື່ອໃຫ້ຄົນເບິງປາກລູກລາວ ໂດຍເອີ້ນແຄມເປນນີ້ວ່າ: “ຄວາມບໍ່ສົມບູນແບບທີ່ສົມບູນແບບ” ລາວໄດ້ຖືກຊັກຊວນໃຫ້ເຂົ້າຮ່ວມແຟຊັນໂຊວ ທີ່ຮ່ອງກົງ. ນັ້ນເປັນປະສົບການທີ່ດີຫຼາຍ.

ລາວຢາກໃຫ້ເດັກນ້ອຍຄົນອື່ນໆ ທີ່ເປັນໂລກຜິວດ່ອນ ຫຼື ພິການ ແລະ ມີຫຍັງທີ່ແຕກຕ່າງຈາກຄົນອື່ນ ໄດ້ຮັບຮູ້ວ່າພວກເຂົາສາມາດເຮັດ ແລະ ເປັນຫຍັງທີ່ພວກເຂົາຢາກເປັນ ລາວຮັກກິລາ ແລະ ການປີນຜາ ລາວກໍ່ສາມາດເຮັດໄດ້ຄືກັນກັບຄົນອື່ນເຮັດ.

ທີ່ມາ: ຂ່າວສົດ

Related Posts

Leave a Reply

Your email address will not be published. Required fields are marked *