ສຶກສາອົບຮົມກ່າວເຕືອນ! ຜູ້ທີ່ດື້ດ້ານບໍ່ປະຕິບັດມາດຕະການປິ່ນປົວຂອງໂຮງໝໍວາງອອກ

ເຈົ້າໜ້າທີ່ ປກສ ນວ ໄດ້ຮັບແຈ້ງໃນວັນທີ 30 ເມສາ 2021 ເວລາ 11ໂມງ 00ນາທີວ່າມີຄົນຕ່າງປະເທດ ເຊື້ອຊາດ-ສັນຊາດຈີນ ທີ່ຕິດພະຍາດໂຄວິດ ເຂົ້າປິ່ນປົວຕົວຢູ່ໂຮງໝໍເສດຖາ ຈໍານວນ 3 ຄົນ, ພາຍຫຼັງທີ່ໄປປິ່ນປົວຢູ່ນັ້ນ ພວກກ່ຽວທັງສາມແມ່ນບໍ່ປະຕິບັດຕາມມາດຕະການ ແລະ ລະບຽບຂອງໂຮງໝໍເຊັ່ນ: ບໍ່ກັກຕົວໃນຫ້ອງ, ໃຊ້ສຽງດັ່ງເກີນຂອບເຂດ, ປກສ ນວ ຈຶ່ງໄດ້ມອບໝາຍໃຫ້ ພະແນກຕຳຫຼວດຄຸ້ມຄອງຄົນຕ່າງປະເທດ ຫ້ອງສັນຕິບານ ປກສ ນວ 2 ສະຫາຍມີ ຮອ ສຸກສະຫວັນ ພະຍາໄຊ ວິຊາການ ແລະ ຮທ ສີເມືອງ ສີຫາປັນຍາ ວິຊາການ ລົງກວດກາສຶກສາອົບຮົມກ່າວເຕືອນ ພ້ອມທັງເຮັດບົດບັນທຶກ ຖ້າຫາກບໍ່ປະຕິບັດຕາມມາດຕະການ ແລະ ລະບຽບຂອງໂຮງໝໍວາງອອກຈະຖືກດຳເນີນຄະດີຕາມກົດໝາຍຂອງ ສປປ ລາວ.

ກອງບັນຊາການ ປກສ ນະຄອນຫຼວງວຽງຈັນ ຂໍຊົມເຊີຍເຈົ້າໜ້າທີ່ທັງສອງສະຫາຍ ທີ່ມີຄວາມຕັດສິນໃນສູງ, ເດັດຂາດໃນການປະຕິບັດໜ້າທີ່, ຕັດສິນໃຈເຂົ້າສຶກສາອົບຮົມພວກກ່ຽວໃຫ້ຢູ່ໃນຄວາມສະຫງົບ-ຄວາມເປັນລະບຽບຮຽບຮ້ອຍ ແລະ ປະຕິບັດມາດຕະການລະບຽບຂອງໂຮງໝໍວາງອອກ.

ຮຽກຮ້ອງມາຍັງຊາວ ນວ ແລະ ຊາວຕ່າງປະເທດທີ່ອາໄສຢູ່ ນວ ຖ້າໄດຮັບການຮັກສາປິ່ນປົວໃຫ້ຕື່ນຕົວເອົາໃຈໃສ່ປະຕິບັດມາດຕະການປ້ອງກັນ ແລະ ຄວບຄຸມການແຜ່ລະບາດຂອງພະຍາດຢ່າງເຂັ້ມງວດ ເພື່ອຄວາມປອດໄພຂອງຄອບຄົວ ແລະ ຕົວທ່ານເອງ. ສະເໜີມາຍັງຊາວນະຄອນຫຼວງວຽງຈັນ ຈົ່ງປະຕິບັດພັນທະຊ່ວຍກັນ, ຖ້າເຫັນສະຖານທີ່ທຸລະກິດໃດຍັງລະເມີດ ແມ່ນໃຫ້ແຈ້ງມາທາງເບີວອດແອັບ 020​28899774 ແລະ ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ

ຢ່າລືມກົດ Like ແລະ Follow (See First) ເພຈ All in Laos. ທຸກກໍາລັງໃຈ ແລະ ການແຊ ຂອງທ່ານ ຈະຊ່ວຍໃຫ້ພວກເຮົາ ຊອກຂໍ້ມູນຂ່າວສານ ສາລະໜ້າຮູ້ ມາໃຫ້ທຸກທ່ານໄດ້ຮັບຊົມ ຮັບຟັງ.

Related Posts

Leave a Reply

Your email address will not be published. Required fields are marked *