ຜັກແພວແດງ ຮັກສາລິດຊີດວງ ແກ້ອາການເຈັບເສັ້ນ, ເຈັບກະເພາະ ແລະ ແກ້ອາການປວດເມື່ອຍ ຕາມຂໍ້ກະດູກ

ບັນຍາຍລັກສະນະ

ພືດສາດຜັກແພວແດງເປັນພືດລົ້ມລຸກສູງປະມານ 50 ຊມ. ລຳຕົ້ນມີຂໍ້, ສີແດງ. ໃບດ່ຽວ, ຈັບແບບສອງແຜ່ນພຽງຕັ້ງສາກສະຫຼັບກັນ, ຮູບໄຂ່ ຫຼື ຮູບໄຂ່ປີ້ນ ແລະ ຮູບຮີ, ກ້ວາງ 2-4 ຊມ, ຍາວ 3-6 ຊມ, ປາຍໃບວ້ຳມົນ, ສີແດງ ແລະ ມີແຖບຂວາງສີຂາສົມພູ. ຊໍ່ອອກແບບກະຈະ, ອອກຕາມປາຍກິ່ງ ແລະ ປາຍງ່າ.

ດອກຍ່ອຍມີທັງດອກສົມບູນເພດ ແລະ ດອກແຍກເພດໃນຊໍ່ດອກອຽວກັນ,​ ສີແດງ. ໝາກທີ່ແກ່ແຫ້ງແລ້ວບໍ່ແຕກ.

ບັນຍາຍການນຳໃຊ້

ຍອດອ່ອນ: ນອກຈາກນຳມາແຕ່ງກິນເປັນອາຫານແລ້ວຍັງເປັນຢາຊ່ວຍແກ້ອາການປວດທ້ອງ, ອາການທ້ອງອືດທ້ອງເຟີ້, ຈຸກສຽບ, ແກ້ຫາຍໃຈຟືດ, ແກ້ໄອ ແລະ ປະຈຳເດືອນມາບໍ່ປົກກະຕິ.

ຮາກ: ນຳມາຕົ້ມເປັນຢາເຢັນຮັກສາລິດຊີດວງ ແລະ ແກ້ອາການເປັນພິດ, ແກ້ອາການເຈັບເສັ້ນ, ເຈັບກະເພາະ ແລະ ແກ້ອາການ ປວດເມື່ອຍ ຕາມຂໍ້ກະດູກ.

ນອກຈາກນີ້ແລ້ວຍັງນິຍົມປູກເປັນພືດປະດັບຕາມໜ້າບ້ານ ແລະ ສ່ວນສາທາລະນະຕ່າງໆ.

Related Posts

Leave a Reply

Your email address will not be published.