ຊາຍໜຸ່ມຕົກວຽກ ຈາກພິດໂຄວິດສຸດທ້າຍອົດເຂົ້າຈົນເສຍຊີວິດ

ທ້າຍເດືອນ ມັງກອນ 2021 ເປັນອີກເຫດການສຸດສະລົດໃຈ ທີ່ຢາກຍົກຂຶ້ນມາເຕືອນສະຕິໃຜທີ່ກໍາລັງຕົກວຽກ ຫຼື ມີບັນຫາໃນຕອນນີ້ ຄວນຫາທາງອອກໃຫ້ຕົນເອງ ແລະ ຄິດເຫັນຄອບຄົວ ຄິດເຫັນຄົນທີ່ຕົນເອງຮັກໃຫ້ຫຼາຍ ເພາະທຸກຢ່າງມີທາງອອກ ຢ່າຄິດສັ້ນຄືກັບໜຸ່ມຄົນນີ້ ເພາະຄົນທີ່ເສຍໃຈທີ່ສຸດຄືຄົນທີ່ຍັງຢູ່ຄືຄອບຄົວຂອງພວກທ່ານເອງ.

ເຫດສະລົດທີ່ກໍາລັງຈະເວົ້າເຖິງນີ້ແມ່ນເກີດຂຶ້ນຢູ່ທີ່ປະເທດໄທ ໂດຍຈຸດເກີດເຫດເປັນຫ້ອງພັກ 3 ຊັ້ນ ທີ່ຫ້ອງພັກຊັ້ນ 2 ພົບຮ່າງໄຮ້ລົມຫາຍໃຈຂອງຊາຍຄົນໜຶ່ງ ອາຍຸ 33 ປີ ສະພາບນັ່ງ ມືກອດໝໍ້ແຕ່ງກິນ ແລະ ມີເລືອດຢູ່ອ້ອມຈຸດດັ່ງກ່າວ ແລະ ພົບແກ້ວເຫຼົ້າຫຼາຍແກ້ວ. ຈາກການສອບສວນແຟນສາວຂອງໝູ່ຜູ້ຕາຍ ບອກວ່າ:

ແຟນຕົນໄດ້ໂທລະສັບມາບອກວ່າໃຫ້ມາເບິ່ງຊາຍທີ່ເສຍຊີວິດນີ້ໃຫ້ແນ່ ເພາະຕິດຕໍ່ບໍ່ໄດ້ ແລະ ມິດງຽບຜິດປົກກະຕິ ຕົນຈຶ່ງມາເບິ່ງແລະ ພົບວ່າເສຍຊີວິດແລ້ວ ສ່ວນສາເຫດການເສຍຊີວິດນັ້ນ ຕົນກໍ່ບໍ່ຮູ້ວ່າເຄີຍເປັນໂລກມະເລັງຫຼືບໍ່ ດ້ານໝູ່ຜູ້ຊາຍ ບອກວ່າ:

ຜູ້ເສຍຊີວິດກໍາລັງຕົກວຽກ ໂດຍຢູ່ລະຫວ່າງລໍຖ້າກັບບ້ານ ແລະເປັນຄົນທີ່ມັກດື່ມເຫຼົ້າເປັນປົກກະຕິ ແຕ່ມື້ນີ້ຊ່ວງເຊົ້າແມ່ຂອງຜູ້ເສຍຊີວິດໂທມາຫາຕົນ ໃຫ້ໄປເບິ່ງລູກຊາຍໃຫ້ແນ່.

ເພາະຕິດຕໍ່ຫາບໍ່ໄດ້ 2 ມື້ແລ້ວ ແຕ່ກໍ່ບໍ່ຮັບສາຍ ຕົນຈຶ່ງມາເບິ່ງຢູ່ຫ້ອງ ແຕ່ເມື່ອເອີ້ນກໍ່ບໍ່ຕອບ ຈຶ່ງໄປແຈ້ງເຈົ້າຂອງຫໍພັກ ແລະ ເອົາຂັ້ນໄດມາປີນເບິ່ງກໍ່ພົບວ່າເສຍຊີວິດແລ້ວ.

ຂະນະນີ້ ເຈົ້າໜ້າທີ່ກໍາລັງສືບສວນ ສອບສວນຫາສາເຫດການເສຍຊີວິດຂອງຊາຍຄົນນີ້ຕໍ່ໄປ.

Related Posts

Leave a Reply

Your email address will not be published. Required fields are marked *