ມື້ນີ້ເຮົາມີ 5 ຂໍ້ຄວນຮູ້ກ່ອນກິນຖົ່ວລຽນມາຝາກ

ໃນໄລຍະນີ້ ໝາກໄມ້ທີ່ເຫັນຂາຍຫຼາຍ ແລະ ເປັນທີ່ນິຍົມ ກໍ່ຄົງຈະໜີບໍ່ພົ້ນ ຖົ່ວລຽນ! ມື້ນີ້ເຮົາມີ 5 ຂໍ້ຄວນຮູ້ກ່ອນກິນຖົ່ວລຽນມາຝາກ:

1.ຖົ່ວລຽນແມ່ນໝາກໄມ້ທີ່ໃຫ້ພະລັງງານສູງ ເພາະວ່າຖົ່ວລຽນ 4-6 ບົວນ້ອຍເທົ່າກັບ ນໍ້າອັດລົມ 2 ກະປ໋ອງ ຫຼື ເຂົ້າ 1 ຈານ ເຕັມໆ ດັ່ງນັ້ນ, ໃຜທີ່ກິນລະວັງນໍ້າໜັກຂຶ້ນ.

2.ຖົ່ວລຽນມີປະລິມານນໍ້າຕານທີ່ສູງຫຼາຍ ຜູ້ທີ່ເປັນເບົາຫວານບໍ່ຄວນກິນ ຫຼີກເວັ້ນໄດ້ເປັນການດີ.

3.ນອກຈາກຜູ້ເປັນເບົາຫວານແລ້ວ ຜູ້ທີ່ມີພະຍາດປະຈໍາໂຕກ່ຽວຂ້ອງກັບຄວາມດັນ ຫົວໃຈ ເສັ້ນເລືອດ ແລະ ໄຂມັນໃນເລືອດກໍ່ບໍ່ຄວນກິນ ຖ້າກິນກໍ່ຕ້ອງກິນໃນປະລິມານທີ່ໜ້ອຍທີ່ສຸດ.

4.ຖົ່ວລຽນເປັນໝາກໄມ້ທາດຮ້ອນກິນແຕ່ຖົ່ວລຽນກໍ່ຮ້ອນຢູ່ແລ້ວ ຖ້າກິນຮ່ວມກັບ ເຫຼົ້າເບຍ ຫຼື ເຄື່ອງດື່ມ ແອລກໍຮໍໃດໆກໍ່ຕາມ ຍິ່ງເຮັດໃຫ້ເປັນອັນຕະລາຍຕໍ່ຮ່າງກາຍຫຼາຍຂຶ້ນ ຮ່າງກາຍຈະເກີດຄວາມຮ້ອນສູງອັນຕະລາຍ ຈົນເຖິງຂັ້ນເສຍຊີວິດໄດ້.

5.ໃນເມື່ອຖົ່ວລຽນໃຫ້ພະລັງງານສູງດັ່ງນັ້ນ ມື້ໃດທີ່ກິນຖົ່ວລຽນ ກໍ່ຄວນຫຼີກເວັ້ນ ອາຫານອື່ນໆ ທີ່ໃຫ້ພະລັງງານສູງເຊັ່ນກັນເຊັ່ນອາຫານຈືນ ອາຫານປຸງດ້ວຍກະທິ ອາຫາຫວານມັນອື່ນໆ ຫຼື ຫຼຸດປະລິມານອາຫານລົງສ່ວນໜຶ່ງ ໃນຄາບຕໍ່ໄປ ຫຼື ຖ້າເປັນໄປໄດ້ຄວນອອກກຳລັງກາຍຍິ່ງເປັນການດີ ເພື່ອເຜົາຜານພະລັງງານທີ່ໄດ້ຮັບເຂົ້າໄປ.

ເຮົາບໍ່ໄດ້ຫ້າມໃຫ້ກິນ ຖົ່ວລຽນ ແຕ່ກ່ອນກິນຄວນມີສະຕິ ໃຫ້ຫຼາຍ ຮູ້ໂຕວ່າກິນໄປເທົ່າໃດ ແລະ ເທົ່າໃດຄວນຢຸດ ພ້ອມກັບອອກຳລັງກາຍສະໝໍ່າສະເໝີ ຖ້າເຮັດໄດ້ຮັບຮອງວ່າປອດໄພ ບໍ່ມີເລື່ອງໃຫ້ກັງວົນໃຈແນ່ນອນ.

ທີ່ມາ: https://bit.ly/33AFaP8

Related Posts

Leave a Reply

Your email address will not be published. Required fields are marked *