ໄດ້ດີເພາະມີຄຳສອນທີ່ດີ ປັດຊະຍາຊີວິດ 20 ຂໍ້ ເປັນແນວທາງໄວ້ສອນລູກ-ຫຼານ ຕໍ່​ໆ​ໄປ​ເດີ້

1 ບໍ່ຕ້ອງຕັ້ງໃຈຮຽນຢູ່ໃນກອບຫຼາຍຈົນເກີນໄປ ເອົາແຕ່ພໍດີຫາວຽກດີໆເຮັດກໍພໍ ເພາະໃນໂລກແຫ່ງຄວາມເປັນຈິງແລ້ວວັດກັນທີຜົນງານບໍ່ແມ່ນເກຣດສະເລ່ຍ

2 ການເຮັດກິດຈະກຳຕ່າງໆພາຍໃນຮົ້ວມະຫາວິທະຍາໄລມີຄວາມສຳຄັນຫຼາຍພໍໆກັບການກົ້ມຫນ້າກົ້ມຕາຮຽນໜັງສື

3 ການເລືອກວຽກທີ່ເຮົາມັກຮັກນັ້ນເປັນສິ່ງທີ່ດີ ແຕ່ຢ່າລືມດ້ວຍວ່າວຽກງານທີ່ເຮົາເຮັດນັ້ນສາມາດລ້ຽງດູຕົວເຮົາໄດ້ແທ້ ຫຼື ບໍ່ ຖ້າຫາກວ່າບໍ່ແມ່ນ ກໍໃຫ້ຮີບປ່ຽນວຽກ.

4 ເມື່ອເຖິງອາຍຸໃນໄວຂອງການເຮັດວຽກ ໃຜເກັບເງີນກ່ອນຈະລວຍໄວກວ່າ ແລະ ທີ່ສຳຄັນໄປກວ່ານັ້ນຄວນທ່ອງເອົາໄວ້ “ຊີວິດທີ່ບໍ່ມີໜີ້ສິນຄືຊີວິດປະເສີດທີ່ສຸດ”

5 ການຫາເປົ້າໝາຍໃນຊີວິດຂອງຕົວເອງໃຫ້ພົບໄດ້ໂດຍໄວທີ່ສຸດເປັນສິ່ງທີ່ດີ ເພາະເປົ້າໝາຍຂອງຊີວິດຈະເປັນເຄື່ອງນຳທາງຂອງເຈົ້າໃຫ້ເຈົ້າໄດ້ເດີນທາງໄປສູ່ເປົ້າໝາຍຂອງເຈົ້າໄດ້

6 ເລືອກທີ່ຈະຊື້ເຮືອນກ່ອນຊື້ລົດ ເພາະມູນຄ່າຂອງບ້ານຈະມີລາຄາເພີ່ມສູງຫຼາຍຂື້ນໃນທຸກໆປີ ແຕ່ວ່າມູນຄ່າຂອງລົດຈະຫຼຸດລົງໃນທຸກໆປີ.

7 ດອກເບ້ຍເຮືອນ, ດີນ, ລົດ ເງີນກູ້ ນັ້ນໂຫດຫຼາຍ ຮີບໃຊ້ໃຫ້ໝົດໂດຍໄວ ຕອນຍັງມີເຫື່ອແຮງ ກ່ອນທີ່ຈະແກ້ບໍ່ໄຫວ.

8  ການເກັບເງີນເປັນພຽງບັນໄດຂັ້ນແຮກທີ່ຈະນຳພາໄປສູ່ຄວາມລໍ້າລວຍ ແຕ່ວ່າໃນຂັ້ນຕໍ່ມາ ຄື ຕ້ອງຮູ້ຈັກການລົງທືນ ຢ່າລືມຄົບຫາທີ່ປຶກສາທາງການເງີນໄປເປັນເພື່ອນ

9  ຢ່າເປັນສັດຕູກັບໃຜກໍຕາມເທີງໂລກໜ່ວຍນີ້ ເພາະເຈົ້າຈະບໍ່ມີທາງ ຮູ້ວ່າວັນໜຶ່ງເຂົາອາດຈະຍິ່ງໃຫຍ່ ຈົນກັບມາທຳຮ້າຍເຈົ້າກໍເປັນໄດ້.

10 ຄອນເນັກຊັນ ຫຼື ສາຍສຳພັນເປັນສິ່ງທີ່ສຳຄັນຫຼາຍ ຕໍ່ໃຫ້ວ່າເກ່ງເທົ່າໃດ ກໍສູ້ການທີ່ມີເພື່ອນຫຼາຍບໍ່ໄດ້.

11 ຄວນມີວຽກເຮັດຫຼາຍກວ່າ 1 ເພາະຄວາມໝັ້ນຄົງ ບໍ່ເຄີຍມີເທີງໂລກໜ່ວຍນີ້

12 ຢ່າຄິດວ່າຕົວເອງເຮັດວຽກອັນໃດໄດ້ແຕ່ຢ່າງດຽວ ເພາະຄວາມສາມາດຂອງຄົນເຮົາ ມີຫຼາຍກວ່າ 1 ສະເໝີ.

13  ເມື່ອມີໂອກາດໃດເຂົ້າມາກໍຕາມ ຈົ່ງຢ່າປະຕິເສດເຖິງແມ່ນຈະລົ້ມເຫຼວ ແຕ່ມັນກໍເປັນປະສົບການທີ່ດີ.

14 ສ້າງເນື້ອ ສ້າງຕົວ ໃຫ້ໄວ້ທີ່ສຸດ ໃນຂະນະທີ່ເຈົ້າຍັງມີກຳລັງ ຍັງເປັນໜຸ່ມ-ເປັນສາວ ເພາະການຝ່າຟັນອຸປະສັກໃນຊ່ວງອາຍຸຫຼາຍຂື້ນ ບໍ່ແມ່ນເລື່ອງມ່ວນຊືນ.

15 ອອກເດີນທາງທ່ອງທ່ຽວຕັ້ງແຕ່ຕອນຍັງເປັນໜຸ່ມສາວ ເພາະເມື່ອມີຄອບຄົວ ການເດີນທາງຈະກາຍເປັນເລື່ອງທີ່ຫຍຸ້ງຍາກກວ່າເດີມ

16 ເລືອກຄູ່ຊີວິດ ຈົ່ງຄິດໃຫ້ດີໆ ຢ່າເບິ່ງແຕ່ຂໍ້ດີຂອງເຂົາ ແຕ່ຈົ່ງເບິ່ງນຳວ່າເຮົາສາມາດຮັບຂໍ້ເສຍຂອງເຂົາໄດ້ຫຼາຍເທົ່າໃດ

17 ການມີແຟນ ຫຼື ສາມີ-ພັນລະຍາ ຍັງເລິກກັນໄດ້ ແຕ່ຄວາມເປັນພໍ່ແມ່ນລູກ ນັ້ນເລີກກັນບໍ່ໄດ້ ເພາະສະນັ້ນ ເຮົາຄວນດູແລເບິ່ງແຍງພໍ່-ແມ່ ຕອນທີ່ທ່ານຍັງມີຊີວິດຢູ່ໃຫ້ດີໆ.

18 ຄວາມສຳເລັດຫຼວງຫຼາຍເທົ່າໃດໃນຊີວິດ ກໍບໍ່ສາມາດທົດແທນຄວາມລົ້ມເຫຼວຂອງຄອບຄົວໄດ້

19 ລອງຫາເວລາຢູ່ແບບວ່າງໆ ບໍ່ຕ້ອງເຮັດສິ່ງໄດ້ເລີຍລອງເບິ່ງ ຢ່າແບກໂລກທັງຫນ່ວຍໄວ້ຄົນດຽວ ແລະ ອີກຢ່າງ ວຽກງານກໍບໍ່ແມ່ນທຸກຢ່າງຂອງຊີວິດ.

20 ສຸຂະພາບເປັນເລື່ອງທີ່ສຳຄັນຢ່າງໜຶ່ງ ຈົ່ງຖະນຸຖະນອມ ຕົວເອງໃຫ້ຫຼາຍໆ ເມື່ອຍັງເປັນໄວຮຸ່ນ ຢ່າໃຊ້ຊີວິດໃຫ້ໜັກເກີນໄປ.

Copyright | ຄຳຄົມສອນໃຈ

Related Posts

Leave a Reply

Your email address will not be published.