ເມັກຊິກ ເລີ່ມສັກວັກຊິນປ້ອງກັນໂຄວິດ-19ໃຫ້ແມ່ຍິງຖືພາ

ຂປລ.ຕາມຂ່າວຈາກ ເມັກຊິກ,ວັນທີ13ພຶດສະພາ,ກະຊວງ ສາທາລະນະສຸກ ເມັກຊິກ ເລີ່ມສັກ ວັກຊິນ ປ້ອງກັນ ໂຄວິດ-19ໃຫ້ກັບ ແມ່ຍິງຖືພາ ຕັ້ງແຕ່9ອາທິດ ຂຶ້ນໄປ.

ຫລັງຈາກ ເຈົ້າໜ້າທີ່ ທາງການ ບັນຈຸ ໃຫ້ແມ່ຍິງ ຖືພາ ຢູ່ໃນແຜນ ສ້າງພູມຕ້ານທານ ແລະ ຢູ່ໃນກຸ່ມສ່ຽງ ກຸ່ມໃໝ່ ຈົນເຖິງ ຂະນະນີ້ ເມັກຊິກ ໃຫ້ສິດທິ ການສັກວັກຊິນ ກັບຜູ້ສູງອາຍຸ 60ປີຂຶ້ນໄປ ເປັນຕາມລຳດັບ ທຳອິດ ຕາມມາດ້ວຍ ກຸ່ມທີ່ມີອາຍຸ ລະຫວ່າງ50-59ປີ.

ທັງ​ນີ້ ວັກ​ຊິນ​ ປ້ອງ​ກັນ ​ໂຄ​ວິດ-19 ທີ່​ໄດ້​ຮັບ​ເຂົ້າມາ ຢ່າງ​ຕໍ່​ເນື່ອງ ຈາກ​ບໍລິສັດ​ຕ່າງໆ ​ເຮັດ​ໃຫ້​ເມັກ​ຊິກ ສາມາດ ​ເລີ່​ມສັກ​ ວັກ​ຊິນ ​ໃຫ້​ກັບ ​ກຸ່ມ​ອື່ນໆ​ເຊັ່ນ:ຄູ ​ແລະ ບຸກຄະລາ​ກອນ​ ທາງ​ການ​ແພດ ທົ່ວ​ປະ​ເທດ ຈົນ​ເຖິງ​ ຂະນະ​ນີ້ ຍັງ​ຢູ່​ໃນ​ຂັ້ນຕອນ​ ການຈັດ​ຫາ​ ວັກ​ຊິນ ​ໃຫ້​​ໄດ້​ຢ່າງທົ່ວ​ເຖິງ./.

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

Related Posts

Leave a Reply

Your email address will not be published. Required fields are marked *