ເມຍຮ້ອງໄຫ້ດີໃຈ ຫຼັງຕາມຫາຜົວຫາຍໄປເກືອບ 11 ປີ ຍ້ອນເຫັນຄຼິບຜົວຢູ່ໃນແອບ tiktok

ວັນທີ 12 ພຶດສະພາ 2021 ເວັບໄຊ້ Tuoitre ຂອງປະເທດຫວຽດນາມໄດ້ລາຍງານວ່າ ວັນທີ 11 ພຶດສະພາ ສອງຜົວເມຍ ທ້າວ ດິ່ງວັນຝູ ແລະ ນາງ ດິ່ງຖິນ່ຳ ຢູ່ເມືອງ ແທງເຊີນ ແຂວງ ຝູເທາະ ໄດ້ພົບກັນຄັ້ງທຳອິດ ຫຼັງຈາກທີ່ຜູ້ເປັນຜົວຫາຍອອກຈາກບ້ານໄປ ເກືອບ 11 ປີ.

ຕາມການລາຍງານທ້ອງຖິ່ນເຜີຍວ່າ ມີຜູ້ໃຊ້ແອບ Tiktok ລາຍໜຶ່ງໄດ້ຖ່າຍຄຣິບຂອງຊາຍໄຮ້ບ້ານຄົນໜຶ່ງໄວ້ຫຼັງຈາກທີ່ເຫັນຊາຍຄົນນັ້ນຍ່າງເລາະໄປມາຢູ່ບໍລິເວນໃກ້ບ້ານ ແລ້ວເອົາໄປເຜີຍແຜ່ເພື່ອໃຫ້ຊ່ວຍກັນຕາມຫາພີ່ນ້ອງຂອງຊາຍຄົນດັ່ງກ່າວ

ຫຼັງຈາກນັ້ນບໍ່ດົນ ວິດີໂອດັ່ງກ່າວກໍໄດ້ຮັບຄວາມສົນໃຈຢ່າງຫຼວງຫຼາຍ ແລະ ໄດ້ມີການແຊອອກມາຢູ່ເທິງໂລກອິນເຕີເນັດ ເຊິ່ງເຮັດໃຫ້ຜູ້ເປັນເມຍໄດ້ມາເຫັນວິດີໂອດັ່ງກ່າວກໍຮູ້ສຶກຕົກໃຈ ແລະ ດີໃຈຫຼາຍ ແລະ ໝັ້ນໃຈວ່າຊາຍຄົນນັ້ນຄື ທ້າວ ດິ່ງວັນຝູ ສາມີຂອງຕົນທີ່ຫາຍອອກຈາກບ້ານໄປເມື່ອ 11 ປີກ່ອນ ຈຶ່ງຮີບຕິດຕໍ່ໄປທີ່ຜູ້ຖ່າຍຄຣິບວ່າຊາຍຄົນນັ້ນຄືສາມີຂອງຕົນ ແລະ ສົ່ງຮູບຖ່າຍໃຫ້ເຈົ້າຂອງຄຣິບເບິ່ງ, ຜູ້ເປັນເມຍໄດ້ຂໍຄວາມຊ່ວຍເຫຼືອໃຫ້ຜູ້ຖ່າຍຄຣິບຊ່ວຍເບິ່ງຮອຍສັກເທິງໜ້າເອິກຂອງຊາຍຄົນນັ້ນໃຫ້ແນ່ ເຊິ່ງກໍປາກົດວ່າ ຊາຍຄົນດັ່ງກ່າວມີຮອຍສັກທີ່ກົງກັບສາມີທີ່ຫາຍໄປຢ່າງແນ່ນອນ ເມື່ອຮູ້ແນວນັ້ນລາວກໍຕັດສິນໃຈໄປຮັບເອົາສາມີທັນທີ.

ຊາວບ້ານໃນພື້ນທີ່ເຜີຍວ່າ ເຫັນ ທ້າວ ດິ່ງວັນຝູ ຢູ່ແຖວນີ້ມາຫຼາຍສິບປີແລ້ວ ແລະ ກໍເບິ່ງຄືວ່າລາວມີຄວາມຜິດປົກກະຕິທາງດ້ານສະໝອງນຳອີກ.ຄອບຄົວໃຊ້ເວລາຕາມຫາ ທ້າວ ດິ່ງວັນຟຸກ ມາຕະຫຼອດໄລຍະເວລາທີ່ຜ່ານມາ ແຕ່ກໍບໍ່ພົບ ຈົນໃນທີ່ສຸດກໍມາຕາມຫາເຈີຢູ່ຄຣິບໃນແອບ Tiktok.

ປັດຈຸບັນ ຄອບຄົວໄດ້ພາ ທ້າວ ດິ່ງວັນຝູ ກັບບ້ານຢູ່ ຝູເທາະ ແລະ ສຸຂະພາບຮ່າງກາຍກໍດີຂຶ້ນ.(ວິດີໂອຕອນທີ່ຄອບຄົວໄປຮັບເອົາທ້າວ ດິ່ງວັນຝູ ຢູ່ໃນຄອມເມັ້ນ)

Related Posts

Leave a Reply

Your email address will not be published. Required fields are marked *