🔥🔥18 ພຶດສະພາ ແຂວງຈໍາປາສັກ ມີຜູ້ຕິດເຊື້ອໂຄວິດ-19 ໃໝ່ 15 ກໍລະນີ​ (ນຳເຂົ້າ)​

🔥🔥18 ພຶດສະພາ ແຂວງຈໍາປາສັກ ມີຜູ້ຕິດເຊື້ອໂຄວິດ-19 ໃໝ່ 15 ກໍລະນີ​ (ນຳເຂົ້າ)​

ໃນຕອນເຊົ້າວັນທີ 18 ພຶດສາພາ 2021 ທີ່ພະແນກສາທາລະນະສຸກແຂວງຈຳປາສັກ ທ່ານ ດຣ ວຽງສີ ສຸພັກດີ ຫົວໜ້າພະແນກສາທາລະນະສຸກແຂວງ ຈໍາປາສັກ ໄດ້ຖະແຫຼງຂ່າວຕໍ່ສື່ມວນຊົນໃຫ້ຮູ້ວ່າ: ການລະບາດຂອງພະຍາດໂຄວິດ-19 ຢູ່ໂລກ ຍັງໜັກໜ່ວງ, ບໍ່ຮູ້ວ່າຈະຢຸດຕິເມື່ອໃດ ສໍາລັບປະເທດໄກ້ຄຽງຍັງມີຕົວເລກລາຍງານສູງໃນແຕ່ລະມື້ ແລະ ສປປ ລາວ ກໍ່ຍັງມີຕິດເລກການຕິດເຊື້ອນໍາເຂົ້າ ແລະ ມີການລະບາດໃນຊຸມຊົນຢູ່ແຂວງບໍ່ແກ້ວ ແລະ ນະຄອນຫຼວງວຽງຈັນ.

ສ່ວນການຕິດເຊື້ອໃນຊຸມຊົນຢູ່ແຂວງຈໍາປາສັກ ບໍ່ພົບການຕິດເຊື້ອມາເປັນເວລາ 11 ວັນແລ້ວ ຖືວ່າມາດຕະການຄວບຄຸມການແຜ່ລະບາດມີປະສິດທິຜົນສູງ, ແຕ່ຍັງມີການຕິດເຊື້ອນໍາເຂົ້າໃນແຕ່ລະວັນ ອາທິດໜຶ່ງຜ່ານມາສະເລ່ຍ 11 ຄົນຕໍ່ວັນ, ສໍາລັບວັນທີ 18 ພຶດສະພານີ້ ມີຜູ້ຕິດເຊື້ອໃໝ່ 15 ຄົນ ເປັນແຮງງານ ຈໍາປາສັກ 12 ຄົນ, ສາລະວັນ 3 ຄົນ ຊຶ່ງໄດ້ເຂົ້າມາຜ່ານລະບົບເຝົ້າລະວັງຂອງຄະນະສະເພາະກິດຂອງແຂວງໄດ້ກໍານົດໄວ້ ລວມຍອດຜູ້ຕິດເຊື້ອສະສົມທີ່ໄດ້ຮັບການປິ່ນປົວຢູ່ແຂວງຈໍາປາສັກ ມີທັງໝົດ 276 ຄົນ, ປິ່ນປົວດີ 84 ຄົນ ແລະ ຍັງສືບຕໍ່ປິ່ນປົວ 192 ຄົນ.

ການຕິດເຊື້ອຢູ່ແຂວງຈຳປາສັກ ແບ່ງອອກເປັນດັ່ງນີ້: ຕິດເຊື້ອນໍາເຂົ້າ 159 ຄົນ; ຕິດໃນຊຸມຊົນ 117 ຄົນ; ຢູ່ນະຄອນປາກເຊ 95 ຄົນ; ເມືອງບາຈຽງ 12 ຄົນ; ໂພນທອງ 4 ຄົນ; ຊະນະສົມບູນ 3 ຄົນ; ປະທຸມພອນ 1 ຄົນ.
ຕິດເຊື້ອນໍາເຂົ້າ 159 ຄົນ ຢູ່ເມືອງໂພນທອງ 50 ຄົນ; ຊະນະສົມບູນ 15 ຄົນຄົນ; ສຸຂຸມາ 13 ຄົນ; ຈໍາປາສັກ 11 ຄົນ; ມຸນລະປາໂມກ 4 ຄົນ; ເມືອງໂຂງ 4 ຄົນ; ນະຄອນປາກເຊ 2 ຄົນ; ປາກຊ່ອງ 1 ຄົນ; ປະທຸມພອນ 1 ຄົນ ແລະ ມີຕ່າງແຂວງ 43 ຄົນຄື: ສາລະວັນ 24 ຄົນ; ສະຫວັນນະເຂດ 9 ຄົນ; ນະຄອນຫຼວງວຽງຈັນ 6 ຄົນ; ຄໍາມ່ວນ 4 ຄົນ.

ດ້ານການປິ່ນປົວ ສຳລັບຜູ້ບໍ່ມີອາການ ຫຼື ອາການເບົາບາງ ແມ່ນໃຊ້: ຈິດຕະບໍາບັດ; ກາຍຍະບໍາບັດ; ໂພສະນາການບໍາບັດ; ການພັກຜ່ອນ.
ສ່ວນການປິ່ນປົວຜູ້ມີອາການປານກາງ ຫາ ໜັກ: ຕິດຕາມອາການຊີວິດເປັນໄລຍະ; ໃຫ້ຢາຕ້ານໄວຣັດ; ໃຫ້ອົກຊີແຊນ; ປິ່ນປົວຕາມອາການ.
ການປິ່ນປົວຜູ້ມີອາການໜັກທີ່ສຸດ: ຕິດຕາມອາການຊີວິດຕະຫຼອດ 24 ຊົ່ວໂມງ, ແຍ່ທໍ່ຄໍ ໃຊ້ເຄື່ອງຫາຍໃຈທຽມ, ໃຫ້ຢາຕ້ານໄວຣັດ, ປິ່ນປົວອາການແຊກຊ້ອນ.
ຂ່າວ: ເກດສະໜາ ແກ້ວສຸວັນນະແສງ, ວິທະຍາກະຈາຍສຽງແຂວງຈຳປາສັກ