ວຽງທອງ ທໍາລາຍຊິ້ນສ່ວນໝູປ່າ ແລະ ຟານໜັກ 126 ກີໂລກຣາມ

ວັນທີ 21 ພຶດສະພານີ້ ຢູ່ຫ້ອງການກະສິກໍາ ແລະ ປ່າໄມ້ເມືອງວຽງທອງ ແຂວງບໍລິຄຳໄຊ ໄດ້ທໍາລາຍຊິ້ນສ່ວນສັດປ່າ ໂດຍເຂົ້າຮ່ວມຂອງທ່ານ ຄໍາແພນ ວິລື້ທໍາ ເຈົ້າເມືອງວຽງທອງ, ມີຫົວໜ້າ, ຮອງຫ້ອງການ, ພະນັກງານ, ນາຍບ້ານ ແລະ ເຈົ້າໜ້າທີທີ່ກ່ຽວຂ້ອງເຂົ້າຮ່ວມ.

ວຽງທອງ ທໍາລາຍຊິ້ນສ່ວນໝູປ່າ ແລະ ຟານໜັກ 126 ກີໂລກຣາມ

ທ່ານ ອາດ ພົມມະສານ ຫົວໜ້າຫ້ອງການກະສິກໍາ ແລະ ປ່າໄມ້ເມືອງລາຍງານໃຫ້ຮູ້ກ່ຽວກັບສະພາບການຈັດຕັ້ງປະຕິບັດໃນການຕິດຕາມກວດກາການເຄື່ອນໄຫວຂອງເຈົ້າໜ້າທີໃນໄລຍະຜ່ານມາ ເຊິ່ງຊິ້ນສ່ວນສັດປ່າທີ່ເຈົ້າໜ້າທີຢຶດໄດ້ມາທໍາລາຍໃນຄັ້ງນີ້ປະກອບມີ: ຊິ້ນສ່ວນໝູປ່າ 99 ກິໂລ ແລະ ຟານ 2 ໂຕ ໜັກ 27 ກິໂລ, ການທໍາລາຍ ແມ່ນໄດ້ໃຊ້ວິທີຂຸດຂຸມຝັງ.

ຈາກນັ້ນ ທ່ານ ເຈົ້າເມືອງ ຍັງໄດ້ໄປເບິ່ງຊົມຟາມການປູກຫຍ້າລ້ຽງງົວຂອງຫ້ອງການກະສິກໍາ ແລະ ປ່າໄມ້ ຕື່ມອີກ.

Related Posts

Leave a Reply

Your email address will not be published. Required fields are marked *