ເມືອງຕົ້ນເຜິ້ງເປີດການຮຽນ-ການສອນໃຫ້ນັກຮຽນຊັ້ນ ປ5, ມ4 ແລະ ມ7

ຊື້ເລກທີ່ນີ້ ມີແຕ່ໄດ້ກັບໄດ້ 100%

ວັນທີ 24 ພຶດສະພາ 2021 ນີ້ ບັນດາໂຮງຮຽນປະຖົມ ແລະ ມັດທະຍົມ ພາຍໃນເມືຶອງ ຕົ້ນເຜິ້ງ ໄດ້ເປີດຄືນການຮຽນ – ການສອນ ໃນຊັ້ນ ປ 5, ມ 4 ແລະ ມ 7 ຕາມແຈ້ງການ ເລກທີ 528 ຂອງຫ້ອງວ່າການສຳນັກງານນາຍົກລັດຖະມົນຕີ.

ກໍ່ຄືແຈ້ງການ ຂອງກະຊວງ ແລະ ພະແນກສຶກສາທິການ – ກິລາ ກ່ຽວກັບການສືບຕໍ່ປະຕິບັດມາດຕະການຕ່າງໆ ໃນຄຳສັ່ງສະບັບ ເລກທີ 15 ຂອງນາຍົກລັດຖະມົນຕີ ເຊິ່ງໄດ້ມີການຜ່ອນຜັນໃຫ້ເປີດການຮຽນ – ການສອນ ຢູ່ສະຖານການສຶກສາຢູ່ໃນເຂດທີ່ບໍ່ມີການລະບາດ ຂອງພະຍາດ ໂຄວິດ – 19 ໃນຊຸມຊົນ ເພື່ອໃຫ້ນັກຮຽນໃນບັນດາຫ້ອງທີ່ຈົບຊັ້ນໄດ້ມີໂອກາດຄົ້ນຄວ້າບົດຮຽນກ່ອນການສອບເສັງ ແລະ ສາມາດສອບເສັງຈົບຕາມຫຼັກສູດຂອງກະຊວງສຶກສາກຳນົດໄວ້,

ສ່ວນບັນດາຫ້ອງທີ່ເລື່ອນຂັ້ນແມ່ນຈະໄດ້ຈັດຕັ້ງບໍາລຸງ ແລະ ສອບເສັງຄືນ ສຳລັບນັກຮຽນທີ່ຄະແນນປະຈຳປີໃນວິຊາໃດໜຶ່ງຫຼຸດຄາດໝາຍ. ເຊິ່ງການເປີດຄຶນການຮຽນ – ການສອນຄັ້ງນີ້ ໂຮງຮຽນແຕ່ລະແຫ່ງພາຍໃນເມືອງ ໄດ້ຈັດຕັ້ງການຮຽນ – ການສອນ ໂດຍປະຕິບັດມາດຕະການປ້ອງກັນການແຜ່ລະບາດ ຂອງພະຍາດໂຄວິດ – 19 ຢ່າງເຂັ້ມງວດ ເຊັ່ນ:

ການເພີ່ມຫ້ອງຮຽນໃນແຕ່ລະຊັ້ນຮຽນ, ການຈັດໄລຍະຫ່າງໂຕະ, ການກວດວັດແທນອຸນຫະພູມຮ່າງກາຍກ່ອນເຂົ້າຫ້ອງຮຽນ, ໃສ່ຜ້າອັດປາກ – ດັງ, ຮັກສາໄລຍະຫ່າງ, ລ້າງມືໃສ່ສະບູ່ ຫຼື ເຈວລ້າງມື ຕາມແຈ້ງການຂອງຂັ້ນເທິງວາງອອກ ສ່ວນການສອບເສັງຈົບຊັ້ນແມ່ນຈະບໍ່ໄດ້ມີການເລື່ອນ.

ພາບ – ຂ່າວ: ອຸໄທ ພູມມາ.

Related Posts

Leave a Reply

Your email address will not be published.