ສິນໄຊຍຸກໃໝ່ຮ່ວມໃຈບໍລິຈາກເລືອດ

ສິນໄຊຍຸກໃໝ່ຮ່ວມໃຈບໍລິຈາກເລືອດ !​ ໃນວັນທີ 28 ພຶດສະພາ 2021 ທີ່ ຫ້ອງການ ຄະນະບໍລິຫານງານ ແຂວງບໍລິຄໍາໄຊ ໂດຍການຮ່ວມມືກັບອົງການກາແດງແຂວງ.

ຈັດຕັ້ງການບໍລິຈາກເລືອດຊ່ວຍສັງຄົມ ໂດຍການເຂົ້າຮ່ວມພິທີ ຂອງສະຫາຍ ທອງມະນີ ໂຄດປັນຍາ ກໍາມະການພັກແຂວງ, ເລຂາຄະນະບໍລິຫານງານຊາວໜຸ່ມແຂວງບໍລິຄໍາໄຊ, ທ່ານ ບຸນຍົງ ປັນຍານຸວົງ ຮອງຫົວໜ້າອົງການກາແດງແຂວງ ພ້ອມພະນັກງານ ແລະ ຜູ້ບໍລິຈາກເຂົ້າຮ່ວມທັງໝົດ 64 ສະຫາຍ,

ຍິງ 24 ສະຫາຍ, ກິດຈະກໍາດັ່ງກ່າວ ເພື່ອເປັນການສ້າງຂະບວນການຂໍ່ານັບຮັບຕ້ອນວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ວັນທີ 01 ເດືອນ ມີຖຸນາ ທີ່ຈະໝູນວຽນມາໃນອີກວາລະໜຶ່ງ ພ້ອມທັງເປັນການຈັດຕັ້ງປະຕິບັດຕາມແຈ້ງການ ຂອງທ່ານຮອງເຈົ້າແຂວງ,

ປະທານ ຄະນະກໍາມະການກາແດງແຂວງບໍລິຄໍາໄຊ ເລກທີ 08/ຂບຊ, ລົງວັນທີ 10 ພຶດສະພາ 2021 ໃນການປຸກລະດົມບໍລິຈາກເລືອດ ໃນໄລຍະການແຜ່ລະບາດຂອງພະຍາດໂຄວິດ-19.

ປັດຈຸບັນເລືອດມີຄວາມຂາດແຄນຫລາຍ ເນື່ອງຈາກການແຜ່ລະບາດຂອງພະຍາດ ຍິ່ງມີຄວາມຈໍາເປັນຕ້ອງການເລືອດ ເພື່ອໄປຊ່ວຍກອບກູ້ເອົາຊີວິດ ຜູ້ທີ່ເຈັບປ່ວຍທີ່ຕ້ອງການເລືອດ ເຊິ່ງໄດ້ຮັບການປະກອບສ່ວນສະໜັບສະໜູນຂອງຊາວໜຸ່ມຮາກຖານ ແລະ ສະມາຊິກຊາວໜຸ່ມອ້ອມຂ້າງ ຂານອາສາ ເສຍສະຫລະເລືອດເນື້ອຂອງຕົນ.

ເພື່ອຊ່ວຍກອບກູ້ເອົາຊີວິດຂອງເພື່ອນມະນຸດດ້ວຍກັນ ອາສາສະໝັກບໍລິຈາກເລືອດ ສົມກັບຄໍາຂວັນຂອງຊາວໜຸ່ມທີ່ວ່າ: “ບ່ອນໃດຍາກຊາວໜຸ່ມບຸກ ບ່ອນໃດທຸກ ຊາວໜຸ່ມຜ່ານຜ່າ ເມື່ອໃດຊາດຕ້ອງການ ຊາວໜຸ່ມຂານອາສາ”

ມີຜູ້ສະໝັກບໍລິຈາກຈຳນວນ 33 ສະຫາຍ, ຍິງ 8 ສະຫາຍ ແລະ ໄດ້ເລືອດ 29 ຖົງ. ພ້ອມນັ້ນ ຍັງໄດ້ຮັບການສະໜັບສະໜູນ ຈາກຮ້ານອາຫານກຸຫລາບປາກຊັນ ຊ່ວຍອາຫານໃຫ້ຜູ້ບໍລິຈາກເລືອດ ມູນຄ່າ 1.000.000 ກີບ.

ນັກຂ່າວຊາວຫນຸ່ມ

Related Posts

Leave a Reply

Your email address will not be published. Required fields are marked *