ກວດສອບຂໍ້ມູນ! ກ່ອນການເດີນທາງ, ຄິວລົດເມສາຍໃຕ້ ເປີດບໍລິການແລ້ວ

ກວດສອບຂໍ້ມູນ! ກ່ອນການເດີນທາງ, ຄິວລົດເມສາຍໃຕ້ ເລີ່ມເປີດບໍລິການຄືນ ສຳລັບຜູ້ເດີນທາງ ທີ່ສັກວັກຊີນຄົບ 2 ເຂັມແລ້ວ

ສະຖານີຂົນສົ່ງສາຍໃຕ້ ຈະໄດ້ເປີດບໍລິການຄືນເລີ່ມມື້ນີ້ ໂດຍສະຖານີໄດ້ແນະນຳເພີ່ມວ່າ: “ທາງສະຖານີຂອງພວກເຮົາຈະເປີດໃຊ້ບໍລິການວັນທີ 5 ມິຖຸນາ 2021 ເປັນຕົ້ນໄປ ຜູ້ທີ່ສາມາດເດີນທາງໄດ້ ຕ້ອງສັກວັກຊີນຄົບ 2 ເຂັມ ເທົານັ້ນເດີ້ເຈົ້າ.

ໂດຍອີງຕາມແຈ້ງການ ສະບັບເລກທີ 595 ລົງວັນທີ 4 ມິຖຸນາ 2021 ທີ່ ອະນຸຍາດໃຫ້ດຳເນີນການຂົນສົ່ງໂດຍສານທາງບົກ ແລະ ທາງອາກາດ ລະຫວ່າງນະຄອນຫຼວງວຽງຈັນ ກັບ ບັນດາແຂວງທົ່ວປະເທດ ສຳລັບຜູ້ໂດຍສານທີ່ສັກວັກຊີນຄົບ 02 ເຂັມ ໄດ້ 01 ເດືອນຂຶ້ນໄປ.

ໂດຍບໍ່ໃຫ້ມີການກັກກັນ14 ວັນ, ແຕ່ພະນັກງານຮັບຜິດຊອບສາຍການບິນ, ພະນັກງານລົດຂົນສົ່ງ ແລະ ຜູ້ໂດຍສານ ຕ້ອງມີຄວາມຮັບຜິດຊອບໃຫ້ມີການແທກອຸນຫະພຸມ, ກວດກາການໃສ່ຜ້າອັດປາກ-ດັງ, ລ້າງມືດ້ວຍນ້ໍາສະອາດ ໃສ່ສະບູ ຫຼື ເຈລລ້າງມື

Related Posts

Leave a Reply

Your email address will not be published. Required fields are marked *