ແຊຣເກັບໄວ້ດີ.! ກົ້ ນ ຈໍ້ ານ້ອ ຍ ເປັນຢ າດີ ເຈັ ບກະດູກ ແລະ ກະດູ ກຫັ ກ

ສັບພະຄຸນ: ທັງຕົ້ນ: ເປັນຢາເຢັນອອກລິດຕໍ່ຕັບ, ໝາກໄຂ່ຫຼັງ, ມ້າມ ແລະ ໃຊ້ເປັນຢາຂັບລົມ, ແກ້ຄວາມດັນເລືອດສູງ, ແກ້ອາການນອນບໍ່ຫຼັບ, ປະສາດອ່ອນ (ບົດໃຫ້ເປັນຜົງແຄັບຊູນ 0.5 ກຼາມ, ນຳມາຮັບປະທານ 2-4 ແຄັບຊູນ, ວັນລະ 2-3 ຄັ້ງ),

ແກ້ໄຂ້ມາລາເຣຍ, ແກ້ຕັບອັກສຽບເສບພັນແບບດີຊ່ານ (ສົດ 35 ກຼາມ, ກີຈີ້ 10 ກຼາມ, ແກ່ນຜັກກາດນ້ຳ 15 ກຼາມ, ກິ່ມຈີ່ເຊົ່າ 15 ກຼາມນຳມາຕົ້ມກັບນ້ຳ 1000 ຊີໆ, ຕົ້ມໃຫ້ເຫຼືອ 300 ຊີໆ, ເປັນຢາທາພາຍນອກເປັນຢາແກ້ພິດຝີໜອງ, ຮັກສາແຜມີເລືອດອອກ, ແກ້ພະຍາດອຳມະພາດ, ອາການເຈັບຂໍ້, ເຈັບຂາ, ພະຍາດໄຂ່ຂໍ້ອັກເສບ, ຕີນມືຊາ ຫຼື ເປັນເນັບຊາບໍມີແຮງ.

ຕົ້ນ ແລະ ໃບ: ຕົ້ມຄັ້ນເອົານ້ຳທາ ຫຼື ພອກຮັກສາອາການເຈັບກະດູກ ແລະ ກະດູກຫັກ.

ລັກສະນະພືດສາດ: ຈັດເປັນໄມ້ລົ້ມລຸກອາຍຸລະດູດຽວ. ລຳຕົ້ນຕັ້ງຊື່, ສູງ 0.5-1.3 ແລະ ສູງໄດ້ເຖິງ 1.5 ມ, ແຕກກິ່ງກ້ານສາຂາຫຼາຍ, ເປືອກລຳຕົ້ນສີມ່ວງ, ມີຂົນສີເທົາ ຫຼື ສີມ່ວງປົກຄຸມຢ່າງໜາແໜ້ນ. ໃບດ່ຽວ, ອອກຮຽງກົງກັນຂ້າມສອງແຜ່ນພຽງຕັ້ງສາກສະຫຼັບກັນ, ຮູບໄຂ່, ຮູບຂອບຂະໜານ ຫຼື ຮູບສາມຫຼ່ຽມ, ກ້ວາງ 4.5-9 ຊມ, ຍາວ 9-14 ຊມ, ໂຄນໃບຮຽວແຫຼມ, ຂອບແສກແຂ້ວເລື่่ອຍ, ປາຍແຫຼມ,

ໃບສ່ວນປາຍມີຂະໜາດນ້ອຍກ່ວາໃບລຸ່ມ, ລັກສະນະຮູບຂອບຂະໜານ ຫຼື ຮູບໃບຫອກ, ກ້ວາງ 0.4-2 ຊມ, ຍາວ 2-4 ຊມ, ມີຂົນອ່ອນນຸ້ມປົກຄຸມທັງສອງດ້ານຢ່າງໜາແໜ້ນ. ຊໍ່ດອກແບບກະຈຸກ, ອອກຕາມງາມໃບ ຫຼື ປາຍຍອດ. ດອກຍ່ອຍຮຽງຊ້ອນກັນເປັນດີ້ວຄັນຮົ່ມຂະໜາດນ້ອຍ, ສີເຫຼືອງ.

ກາບດອກມີ 2 ຊັ້ນ, ມີປະມານ 12 ກາບ. ກີບດອກຮູບໄຂ່ປີ້ນ, ກ້ວາງປະມານ 3 ມມ, ຍາວ 1-1.2 ຊມ, ມີຂົນປົກຄຸມ. ເກສອນເພດຜູ້ມີ 5 ອັນ. ໝາກແຫ້ງບໍ່ແຕກ, ຮູບຫອກປີ້ນ ຫຼື ຮູບໄຂ່ປີ້ນ, ເປັນຫຼ່ຽມ, ຄົດງໍເລັກນ້ອຍ, ຍາວປະມານ 4 ມມ, ມີ 4 ສັນ, ສີດຳ, ຜິວໝາກລຽບມັນ.

ຂອບໃຈທີ່ມາ: ພາເຂົ້າລາວ

Related Posts

Leave a Reply

Your email address will not be published. Required fields are marked *