ມອບອຸປະກອນ VDO Conference ພ້ອມອຸປະກອນຄົບຊຸດ ຈໍານວນ 01 ຊຸດ ມູນຄ່າ 57,442,000 ກີບ

ໃນຕອນເຊົ້າ ວັນທີ 10 ມິຖຸນາ 2021 ຢູ່ທີ່ ກະຊວງແຮງງານ ແລະ ສະຫວັດດີການສັງຄົມ ໄດ້ມີພິທີມອບອຸປະກອນ VDO Conference ພ້ອມອຸປະກອນຄົບຊຸດ ຈໍານວນ 01 ຊຸດ ມູນຄ່າ 57,442,000 ກີບ ຈາກ ບໍລິສັດ ລາວ ໂທລະຄົມມະນາ ຄົມ ມະຫາຊົນ .

ໃຫ້ກັບ ກະຊວງແຮງງານ ແລະ ສະຫວັດດີການສັງຄົມ ເພື່ອນໍາໃຊ້ເຂົ້າໃນວຽກງານວິຊາສະເພາະເປັນຕົ້ນແມ່ນການປະຊຸມທາງໄກແບບ Online ກັບບັນດາກະຊວງ, ກົມກອງ, ບັນດາແຂວງຕ່າງໆພາຍໃນປະເທດ ແລະ ອົງການຈັດຕັ້ງສາກົນຕ່າງປະເທດໃຫ້ມີຄວາມສະດວກສະບາຍວ່ອງໄວ ແລະ ທັນສະພາບການ ໂດຍສະເພາະແມ່ນນໍາໃຊ້ເຂົ້າໃນວຽກງານປ້ອງກັນ, ຄວບຄຸບ ແລະ ແກ້ໄຂການລະບາດຂອງພະຍາດ COVID-19 ແລະ ຜົນກະທົບຈາກພະຍາດດັ່ງກ່າວ.

ເຊິ່ງກ່າວມອບໃນຄັ້ງນີ້ໂດຍ ທ່ານ ສຸພົນຈັນ ທະວີໄຊ ຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ໃຫ້ກຽດຮັບໂດຍ ທ່ານ ນາງ ໃບຄໍາ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໂດຍມີຄະນະນໍາຂອງທັງສອງຝ່າຍເຂົ້າຮ່ວມ.

ໃນໂອກາດດັ່ງກ່າວ ທ່ານ ນາງ ໃບຄໍາ ຂັດທິຍະ ໄດ້ກ່າວສະແດງຄວາມຂອບໃຈ ແລະ ຕີລາຄາສູງຕໍ່ການປະກອບສ່ວນຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ ໃນຄັ້ງນີ້ ເຊິ່ງແມ່ນເຕັກໂນໂລຊີ ທີ່ທັນສະໄໝ ແລະ ມີຄວາມຈໍາເປັນຫຼາຍໃນສະພາບການຂອງວຽກງານຂອງກະຊວງໃນປະຈຸບັນ.

Related Posts

Leave a Reply

Your email address will not be published. Required fields are marked *