6 ແຂວງພາກເຫນືອ! ຍັງຕ້ອງລະວັງ ກຽມຮັບມືສະພາບຝົນຕົກໜັກ

6 ແຂວງພາກເຫນືອ! ຍັງຕ້ອງລະວັງ ກຽມຮັບມືສະພາບຝົນຕົກໜັກ. ສ່ວນພາກກາງ ແລະ ໃຕ້ ຈະມີຝົນຫລຸດລົງຕາມລະດັບ.

ສະພາບອາກາດປະຈຳວັນທີ 14 ມິຖຸນາ 2021: ບໍລິເວນຄວາມກົດດັນອາກາດຕໍ່າໄດ້ປົກຄຸມຢູ່ທົ່ວທຸກພາກ ຂອງປະເທດລາວ, ສົມທົບກັບລົມມໍລະສຸມຕາເວັນຕົກສຽງໃຕ້ ພັດປົກຄຸມພາກເໜືອດ້ວຍກໍາລັງປານກາງ ຫາ ແຮງ, ຊຶ່ງຈະເຮັດໃຫ້ມີຝົນໃນລະດັບປານກາງ ຫາ ໜັກ ຢູ່ບາງທ້ອງຖິ່ນ ແຂວງຜົ້ງສາລີ, ຫລວງນໍ້າທາ, ອຸດົມໄຊ, ບໍ່ແກ້ວ, ຫລວງພະບາງ ແລະ ໄຊຍະບູລີ.

ອົງການປົກຄອງທ້ອງຖິ່ນແລະ ປະຊາຊົນທີ່ອາໄສໃນເຂດແຂວງດັ່ງກ່າວ ຈົ່ງມີສະຕິລະມັດລະວັງ ແລະ ສືບຕໍ່ກຽມພ້ອມຮັບມືກັບສະພາບຝົນຕົກໜັກທີ່ຈະເຮັດໃຫ້ເກີດມີດິນເຈື່ອນ,

ນໍ້າຖ້ວມຊຸ ແລະ ນໍ້າປ່າໄຫລຊຸແຮງ ສໍາລັບພາກກາງ ແລະ ພາກໃຕ້ ຈະມີຝົນຫລຸດລົງ ຊຶ່ງຈະຕົກໃນລະດັບຄ່ອຍຢູ່ບາງທ້ອງຖິ່ນ.

Related Posts

Leave a Reply

Your email address will not be published. Required fields are marked *