ໄທພົບພາວະວິກິດຂາດເຂີນຕຽງສຳລັບຜູ້ປ່ວຍ ຫລາຍໂຮງໝໍປິດໃຫ້ບໍລິການກວດຫາເຊື້ອ

ອີງຕາມການລາຍງານຂ່າວຂອງສຳນັກຂ່າວ The standard ໄທ ວັນທີ 26 ມິຖຸນາ 2021 ນີ້ໃຫ້ຮູ້ວ່າ: ຈໍານວນຜູ້ຕິດໂຄວິດ-19 ໃໝ່ສະເລ່ຍໃນແຕ່ລະວັນຫລາຍກວ່າ 3.000 ພັນຄົນ ຕໍ່ເນື່ອງມາຫລາຍວັນ.

ດັ່ງນັ້ນ, ປະເທດໄທຈຶ່ງເກີດວິກິດຂາດເຂີນຕຽງສຳລັບນອນປິ່ນປົວຜູ້ຕິດເຊື້ອບໍ່ພຽງພໍ ເຊິ່ງຫລາຍໂຮງໝໍກໍໄດ້ອອກມາປະກາດຍອມຮັບສະຖານະການຕຽງເຕັມ ແລະ ICU ບໍ່ພໍ ພ້ອມດຽວກັນນີ້ຍັງ ປິດໃຫ້ບໍລິການກວດຫາເຊື້ອ ໂຄວິດ-19 ເຊັ່ນ: ໂຮງໝໍຈຸລາລົງກອນ, ໂຮງໝໍສິຣິຣາດ, ໂຮງໝໍສິຣິຣາດປິຍົມມະຫາຣາດກາຣຸນ , ໂຮງໝໍພຣິ້ນ ສຸວັນນະພູມ ເຊິ່ງພາກລັດພວມເລັ່ງແກ້ໄຂບັນຫາດັ່ງກ່າວໃຫ້ທ່ວງທັນ.

ສຳລັບຕົວເລກ ຜູ້ຕິດເຊື້ອໂຄວິດ-19 ໃນໄທວັນທີ 26 ມິຖຸນາ ຕິດເຊື້ອໃໝ່ +4.161 ຄົນ, ເສຍຊີວິດໃໝ່ +51 ຄົນ, ຕິດເຊື້ອສະສົມ 240.452 ຄົນ, ປົວດີ 196.675 ແລະ ເສຍວິດສະສົມ 1.870 ຄົນແລ້ວ.

Related Posts

Leave a Reply

Your email address will not be published.