ສຶກສາອົບຮົມນັກຂັບຂີ່ດັດແປງສະພາບເຕັກນິກລົດ ຫາກຝ່າຝືນກົດອີກແມ່ນຈະຖືກດຳເນີນຄະດີ

ວັນທີ 28 ມິຖຸນາ 2021 ນີ້ ທີ່ຫ້ອງປະຊຸມກອງບັນຊາການ ປກສ ເມືອງວຽງຄຳ ແຂວງວຽງຈັນ ສຶກສາອົບຮົມນັກຂັບຂີ່ທີ່ດັດແປງສະພາບເຕັກນິກລົດ ໂດຍການເປັນປະທານຂອງທ່ານ ພັທ ບຸນເສີດ ໄຊຍະສານ ຫົວໜ້າກອງບັນຊາການ ປກສ ເມືອງວຽງຄຳ ມີພະນັກງານທີ່ກ່ຽວຂ້ອງເຂົ້າຮ່ວມ.

ລົດຈັກດັດແປງສະພາບເຕັກນິກ ຈຳນວນ 22 ຄັນ ແມ່ນໄດ້ຢຶດມາຈາກການລາດຕະເວນ ທີ່ກວດພົບກຸ່ມແກ້ງດັດແປງສະພາບລົດ ອັນໄດ້ສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍໃຫ້ແກ່ສັງຄົມ ເສຍເງິນຄຳພໍ່ແມ່ ຕໍ່ກັບສະພາບການສັນຈອນຕາມທ້ອງຖະໜົນຫຼວງ, ເປັນການຝ່າຝືນບໍ່ເຄົາລົບກົດລະບຽບຈະລາຈອນ, ມີສຽງລົບກວນຄົນອື່ນໃນເວລາກາງຄືນ, ໃສ່ຕີນນ້ອຍບໍ່ຖືກຕາມຂະໜາດມາດຕະຖານຂອງໂຮງານຜະລິດ ແລະອື່ນໆ.

ປກສ ໄດ້ມີການແກ້ໄຂດ່້ວຍການ ປ່ຽນຖ່າຍທໍ່ອາຍເສຍ ແລະ ຕີນລົດທີ່ນ້ອຍກວ່າມາດຕະຖານອອກແລ້ວເອົາໃສ່ໃໝ່ ເພື່ອໃຫ້ຖືກຕ້ອງຕາມຂະໜາດແລະມາດຕະຖານຂອງໂຮງງານຜະລິດ ຫຼັງຈາກປ່ຽນສຳເລັດແລ້ວຈຶ່ງສົ່ງຄືນໃຫ້ເຈົ້າຂອງເດີມໄປນຳໃຊ້ຕາມປົກກະຕິ ພ້ອມນຳເອົາຢາງຕີນລົດ ແລະ ທໍ່ອາຍເສຍທີ່ດັດແປງໄປທຳລາຍຖິ້ມ.

Related Posts

Leave a Reply

Your email address will not be published. Required fields are marked *