ມະຫາເສດຖີພັນລ້ານ ເບໂຊສ ກັບຄືນສູ່ໂລກ ຫຼັງຈາກໄດ້ສຳເລັດ ໃນການເດີນທາງ ຂຶ້ນສູ່ວົງໂຄຈອນ ລະດັບຕ່ຳ

ມະຫາເສດຖີ ທຸລະກິດ ທ່ານແຈຟ ເບໂຊສ ແລະແມ່ຍິງນັກບິນຄົນທຳອິດ ທ່ານນາງວາລລີ ຟັງ ກຳລັງອອກຈາກຍານອະວະກາດ ຢູ່ເມືອງແວນ ຮອນ ລັດເທັnຊັສ ວັນທີ 20 ກໍລະກົດ 2021.ມະຫາເສດຖີ ທຸລະກິດ ທ່ານແຈຟ ເບໂຊສ ແລະແມ່ຍິງນັກບິນຄົນທຳອິດ ທ່ານນາງວາລລີ ຟັງ ກຳລັງອອກຈາກຍານອະວະກາດ ຢູ່ເມືອງແວນ ຮອນ ລັດເທັnຊັສ ວັນທີ 20 ກໍລະກົດ 2021.

ເບິ່ງຄວາມເຫັນ

ມະຫາເສດຖີ ແຈຟ ເບໂຊສ ກັບຄືນມາໂລກມະນຸດຢ່າງປອດໄພໃນວັນອັງຄານວານນີ້ຫຼັງຈາກຍານອະວະກາດບລູ ອໍຣີຈີນ ນິວເຊເຟີດ ໄດ້ຖືກສົ່ງໃຫ້ຂຶ້ນໄປຢູ່ໃນວົງໂຄຈອນລະດັບຕ່ຳ ເປັນເວລາ 10 ນາທີ.

ທ່ານເບໂຊສ ກ່າວຫຼັງຈາກຍານອະວະກາດ ໄດ້ລົງມາເຖິງພື້ນດິນ ໃກ້ກັບເມືອງແວນຮອນ (Van Horn) ໃນລັດເທັກຊັສ ໂດຍເວົ້າວ່າ “ເປັນມື້ທີ່ດີເລີດບໍ່ເຄີຍ ມີມາກ່ອນ.”

ຍານອະວະກາດ ໄດ້ໃສ່ຊື່ເປັນກຽດໃຫ້ແກ່ ທ່ານອາລັນ ເຊເຟີດ ຄົນອາເມຣິກັນຜູ້ທຳອິດທີ່ໄດ້ຖືກສົ່ງຂຶ້ນສູ່ອະວະກາດ.

ຜູ້ຊາຍທີ່ຮັ່ງມີທີ່ສຸດໃນໂລກຄົນນີ້ ໄດ້ຖືກສົ່ງຂຶ້ນໄປສູ່ວົງໂຄຈອນ ໃນວັນອັງຄານວານນີ້ຈາກຖານຍິງແຫ່ງນຶ່ງ ຢູ່ທະເລຊາຍທີ່ສອກຫລີກຫ່າງໄກໃນລັດເທັກຊັສ ໃນຂະນະທີ່ທ່ານໄດ້ກາຍມາເປັນມະຫາເສດຖີຄົນທີສອງ ທີ່ໃຊ້ທຶນຕົນເອງ ເດີນ ທາງຂຶ້ນສູ່ອະວະກາດໃນເດືອນນີ້.ຈະຫຼວດທີ່ໄດ້ມີການຄຳນວນໂດຍອັດຕະໂນມັດ ໄດ້ຖືກສົ່ງຂຶ້ນໄປ ສູງເຖິງ 106 ກິໂລແມັດຫຼັງຈາກຄວາມໄວຂອງຈະຫຼວດໄດ້ເພີ້ມຂຶ້ນເປັນມາກ 3. ເມື່ອເຖິງລະດັບແລ້ວ ຈະຫຼວດກໍໄດ້ແຍກຕົວ ອອກຈາກຍານອະວະກາດ ແລະຫຼັງຈາກນັ້ນຍານອະວະກາດກໍໄດ້ກັບຄືນສູ່ໂລກໂດຍລົງຈອດໃກ້ໆກັບບ່ອນສົ່ງ. ພວກລູກເຮືອສາມາດຮູ້ສຶກເຖິງສະພາບຂອງສູນຍາກາດ ເປັນເວລາລະຫວ່າງ 3 ຫາ 4ນາທີ ກ່ອນທີ່ຈ້ອງຂອງຍານຈະກາງອອກ ກັບຄືນລົງມາສູ່ໂລກ.ຄວາມສູງໄດ້ກາຍຂີດໝາຍ85 ກິໂລແມັດ ໂດຍມະຫາເສດຖີອັງກິດ ທ່ານຣິ ເຈີດ ແບຣນສັນ (Richard Branson) ໃນວັນທີ 11 ກໍລະກົດ ເວລາທ່ານ ແລະລູກເຮືອຫ້າຄົນ ໄດ້ບິນຂຶ້ນສູ່ອະວະກາດ ໂດຍຍານເວີຈີນ ກາລັກຕິກ (Virgin Galatic) ເຮືອບິນອະວະກາດ ທີ່ຂັບດັນໂດຍຈະຫຼວດ.

ຜູ້ຊາຍອາຍຸ 57 ປີຄົນ ຊຶ່ງເປັນຜູ້ກໍ່ຕັ້ງບໍລິສັດການຄ້າຍັກໃຫຍ່ທາງອິນເຕີແນັດ ອາມາຊອນ(Amazon e-commerce) ໄດ້ສ້າງຕັ້ງບໍລິສັດ ບລູ ອໍຣີຈີນ ໃນ ປີ 2000 ໂດຍມີເປົ້າໝາຍທີ່ຈະສ້າງອານານິຄົມອະວະກາດຢ່າງເປັນການຖາວອນ ບ່ອນທີ່ຜູ້ຄົນຈະໄປຢູ່ ແລະເຮັດວຽກຢູ່ທີ່ນັ້ນ.

ທ່ານເບໂຊສ ໄດ້ເຂົ້າຮ່ວມໂດຍອ້າຍຂອງທ່ານ ທ່ານມາກ ພ້ອມດ້ວຍອະດີດນັກ ບິນທີ່ບຸກເບີກແມ່ຍິງ ອາຍຸ 82 ປີ ທ່ານນາງແມຣີ ວາລເລສ (Wallace) ຫຼື “Wally” Funk ແລະທ້າວໂອລີເວີ ເດເມັນ (Oliver Doemen) ອາຍຸ 18 ປີ ທີ່ເຮັດໃຫ້ພວກເຂົາເຈົ້າເປັນກຸ່ມຄົນ ທີ່ເຖົ້າທີ່ສຸດ ແລະໜຸ່ມທີ່ສຸດ ທີ່ຖືກສົ່ງຂຶ້ນສູ່ອະວະກາດ.

ທ່ານນາງຟັງ (Funk) ແມ່ນຜູ້ນຶ່ງໃນອັນທີ່ຮ້ອງວ່າ ເມີກູຣີ (Mercury) 13 ຊຶ່ງເປັນກຸ່ມຂອງແມ່ຍິງເອກກະຊົນ ທີ່ໃຫ້ທຶນສະໜັບສະໜູນ ເຝິກແອບພວກແມ່ຍິງ ສຳລັບການເດີນທາງໄປອະວະກາດ. ເຂົາເຈົ້າທັງໝົດບໍ່ເຄີຍເດີນທາງໄປອະວະ ກາດ.

ທ້າວເດເມັນ ເກີດຢູ່ປະເທດໂຮລລັງ ໄດ້ເປັນຄົນຫລ້າສຸດເພີ້ມເຂົ້າໃສ່ລູກເຮືອ ຫຼັງຈາກຜູ້ຊະນະເລີດທີ່ບໍ່ເປີດເຜີຍຊື່ ຂອງການປະມູນ 28 ລ້ານໂດລາສຳລັບ ບ່ອນນັ່ງຢູ່ໃນຍານອະວະກາດນິວເຊເຟີດ ໄດ້ຖອນອອກໄປໂດຍໃຫ້ຂໍ້ສັງເກດ ວ່າມີການຂັດແຍ້ງໃນໝາຍກຳນົດການ. ພໍ່ຂອງທ້າວເດເມັນໄດ້ເປັນຜູ້ລອງລົງ ຢູ່ໃນການປະມູນ ຊຶ່ງເຮັດໃຫ້ນັກອະວະກາດໜຸ່ມຂອງບລູ ອໍຣີຈີນເປັນຄົນທຳ ອິດທີ່ຈ່າຍເງິນຄ່າໂດຍສານ.

Related Posts

Leave a Reply

Your email address will not be published. Required fields are marked *