ທະນາຄານລາວ-ຫວຽດ ສືບຕໍ່ມອບຕັ່ງຫີນໃຫ້ສະຖານທີ່ສໍາຄັນຕ່າງໆ ໃນນະຄອນຫລວງວຽງຈັນ

ໃນລະຫວ່າງວັນທີ 22-23 ກໍລະກົດ 2021 ຜ່ານມາ, ທະນາຄານ ຮ່ວມທຸລະກິດ ລາວ-ຫວຽດ ຈໍາກັດ (LaoVietBank) ໄດ້ສືບຕໍ່ສະໜັບສະໜູນຕັ່ງຫີນໃຫ້ບັນດາສະຖານທີ່ສໍາຄັນຕ່າງໆໃນນະຄອນຫລວງວຽງຈັນຈຳນວນ 4 ຈຸດ ຄື:

ຫໍພະແກ້ວ, ວັດສີ ສະເກດ, ຫໍຫລັກເມືອງ ແລະ ສູນການຄ້າວຽງຈັນເຊັນເຕີ ລວມທັງໝົດ 50 ໜ່ວຍ, ເຊິ່ງຕາງໜ້າທະນາຄານ ຮ່ວມທຸລະກິດ ລາວ-ຫວຽດ ຈໍາກັດ ມອບໂດຍທ່ານ ນາງ ແສງມະນີ ພິລາວົງ ຫົວໜ້າໜ່ວຍງານພັດທະນາເຄື່ອງໝາຍການຄ້າ ແລະ ສື່ສານມວນຊົນ ແລະ ກ່າວຮັບໂດຍ ທ່ານ ພູວຽງ ໂພທິສານ ຫົວໜ້າອໍານວຍການຫໍພິພິທະພັນ ນະຄອນຫລວງວຽງຈັນ,

ຜູ້ຮັບຜິດຊອບຫໍພະແກ້ວ, ວັດສີສະເກດ, ຫໍຫລັກເມືອງ. ສ່ວນສູນການຄ້າວຽງຈັນເຊັນເຕີ ຕາງໜ້າຮັບໂດຍ ທ່ານ ນາງ ສະຫວັນທອງ ອຸ່ນມີໄຊ ພ້ອມດ້ວຍຄະນະ.

ທ່ານ ນາງ ແສງມະນີ ພິລາວົງ ໄດ້ກ່າວວ່າ: ໃນອາທິດນີ້, ພວກເຮົາໄດ້ສືບຕໍ່ມອບຕັ່ງຫີນ LVB DIGIBANK ໃຫ້ 4 ພາກສ່ວນດັ່ງກ່າວ ເພື່ອເປັນການປະກອບສ່ວນຊ່ວຍເຫລືອສັງຄົມ ແລະ ສ້າງສິ່ງອໍານວຍຄວາມສະດວກ ໃຫ້ແກ່ພໍ່ແມ່ປະຊາຊົນທີ່ມາໃຊ້ບໍລິການຢູ່ຈຸດດັ່ງກ່າວ ໃຫ້ໄດ້ມີບ່ອນນັ່ງລໍຖ້າ ຫລື ພັກຜ່ອນຕາມອັດທະຍາໃສ.

ສໍາລັບອາທິດຕໍ່ໄປ ເຮົາຈະສືບຕໍ່ຈະມອບຕັ່ງຫີນໃຫ້ກັບບັນດາສໍານັກງານ, ໂຮງຮຽນ, ໂຮງໝໍ, ສະຖານທີ່ສາທາລະນະ, ແຫລ່ງທ່ອງທ່ຽວ ແລະ ອື່ນໆໃນນະຄອນຫລວງວຽງຈັນ ຕື່ມອີກ.

ຂ່າວ-ພາບ: LaoVietBank

Related Posts

Leave a Reply

Your email address will not be published. Required fields are marked *