ແຈ້ງເຕືອນນໍ້າຖ້ວມ ປະຈໍາວັນທີ 26 ກໍລະກົດ 2021 ເວລາ 12:00 ໂມງ

ໃນເວລາ 8 ໂມງເຊົ້າ ຂອງວັນທີ 26 ກໍລະກົດ 2021 ລະດັບນໍ້າມະຫາໄຊ ແທກໄດ້ 13.56 ແມັດ (ເຂດລະວັງໄພ 14.00 ແມັດ) ນໍ້າຊອງ (ວັງວຽງ) ແທກໄດ້ 3.14 ແມັດ (ເຂດລະວັງໄພ 3.50 ແມັດ) ເຊໂດນ (ສຸວັນນະຄີລີ) ແທກໄດ້ 10.92 ແມັດ (ເຂດລະວັງໄພ 10.00 ແມັດ ແລະ ເຂດອັນຕະລາຍແມ່ນ 11.00 ແມັດ) ຂົວເຊ (ເຊບັ້ງໄຟ) ແທກໄດ້ 18.30 ແມັດ (ເຂດລະວັງໄພ 17.50 ເຂດອັນຕະລາຍ 18.50 ແມັດ) ແກ້ງກອກ (ເຊຈໍາພອນ) ແທກໄດ້ 7.96 ແມັດ (ເຂດລະວັງໄພ 7.50 ເຂດອັນຕະລາຍ 8.50 ແມັດ) ເນື່ອງຈາກສະພາບຝົນແມ່ນຍັງຈະສືບຕໍ່ຕົກໃນລະດັບປານກາງ ຫາ ຕົກໜັກຕື່ມອີກ ໃນໄລຍະ 1-2 ວັນຕໍ່ໜ້າ.

ຊຶ່ງຍັງຈະເຮັດໃຫ້ລະດັບນໍ້າຕາມແມ່ນໍ້າສາຂາດັ່ງກ່າວຈະສືບຕໍ່ສູງຂຶ້ນໃກ້ລະວັງໄພ ແລະ ກາຍເຂດອັນຕະລາຍ ແລະ ຈະເຮັດໃຫ້ເກີດມີນໍ້າຖ້ວມ. ດັ່ງນັ້ນຈຶ່ງຂໍແຈ້ງເຕືອນເຖິງປະຊາຊົນບັນດາເຜົ່າທີ່ອາໄສຢູ່ ແຂວງພາກກາງ ແລະ ພາກໃຕ້ ໂດຍສະເພາະຜູ້ທີ່ອາໄສຢູ່ລຽບຕາມແຄມເຊບັ້ງໄຟ, ເຊຈໍພອນ, ເຊໂດນ ແລະ ນໍ້າຊອງ ຈົ່ງມີສະຕິຕໍ່ສະພາບນໍ້າຖ້ວມຍຶ່ງແລະ ກຽມຍົກຍ້າຍ, ເກັບມ້ຽນວັດຖຸສິ່ງຂອງທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດໄພ, ພ້ອມນີ້ຂໍໃຫ້ຕິດຕາມການລາຍງານຂ່າວພະຍາກອນອາກາດ ຈາກກົມອຸຕຸນິຍົມ ແລະອຸທົກກະສາດ ຢ່າງຕໍ່ເນື່ອງ.

– ພາກເໜືອດ້ານຕາເວັນອອກ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ພ້ອມມີລົມພັດແຮງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70% ຂອງພາກ, ອຸນຫະພູມໃນລະຫວ່າງ 17-30 ອົງສາ.

– ພາກເໜືອດ້ານຕາເວັນຕົກ: ຈະມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍ ຫາ ປານກາງຢູ່ທົ່ວໄປ ແລະ ຕົກໜັກ ພ້ອມມີລົມພັດແຮງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 80% ຂອງພາກ, ອຸນຫະພູມໃນລະຫວ່າງ 20-29 ອົງສາ.

– ນະຄອນຫລວງວຽງຈັນ: ຈະມີຝົນຕົກ ຟ້າຮ້ອງ ຟ້າເຫລືອມໃນລະດັບຄ່ອຍຢູ່ທົ່ວໄປ ພ້ອມມີລົມພັດແຮງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 50%, ອຸນຫະພູມໃນລະຫວ່າງ 25-30 ອົງສາ.

– ພາກກາງ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70% ຂອງພາກ, ອຸນຫະພູມໃນລະຫວ່າງ 22-31 ອົງສາ.

– ແຈ້ງເຕືອນນໍ້າຖ້ວມ ປະຈໍາວັນທີ 26 ກໍລະກົດ 2021 ເວລາ 12:00 ໂມງ – ແຂວງໄຊສົມບູນ: ຈະມີຝົນຕົກ ຟ້າຮ້ອງໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 50% ຂອງແຂວງ, ອຸນຫະພູມໃນລະຫວ່າງ 18-25 ອົງສາ.

– ພາກໃຕ້: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 70% ຂອງພາກ, ອຸນຫະພູມໃນລະຫວ່າງ 23-26 ອົງສາ.

-ສໍາລັບເຂດພູພຽງບໍລະເວນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 60%, ອຸນຫະພູມໃນລະຫວ່າງ 14-22 ອົງສາ.

Related Posts

Leave a Reply

Your email address will not be published.