ພາຍຸພັດເຂົ້າແຂວງຊຽງຂວາງ ເຮັດໃຫ້ສາຍຂາດ, ເສົາໄຟຟ້າຫັກ-ລົ້ມ ຈຳນວນ 7 ຕົ້ນ

ໃນລະຫວ່າງວັນທີ 23-26 ກໍລະກົດ 2021 ທີ່ຜ່ານມາ ເກີດມີພະຍຸຝົນລົມແຮງ ຝົນຕົກຕິດຕໍ່ກັນຫຼາຍວັນ ທີ່: ແຂວງຊຽງຂວາງ ໂດຍສະເພາະຢູ່ 4 ເມືອງ ເຊັ່ນ:

ເມືອງ ໜອງແຮດ, ເມືອງ ຄຳ, ເມືອງຄູນ ແລະ ເມືອງ ພູກູດ, ເຮັດໃຫ້ລະບົບຈຳຫນ່າຍໄຟຟ້າໄດ້ຮັບຜົນກະທົບຈາກ ດິນເຈື່ອນ ຕົ້ນໄມ້ຫັກທັບສາຍໄຟຟ້າ 22 ກວ. ເຮັດໃຫ້ສາຍຂາດ, ເສົາຫັກ, ເສົາລົ້ມ ເສຍຫາຍຈຳນວນ 7 ຕົ້ນ, ຈາກເຫດການດັ່ງກ່າວ ເຮັດໃຫ້ປະຊາຊົນທີ່ອາໄສເຂດດັ່ງກ່າວບໍ່ສາມາດຊົມໃຊ້ໄຟ.

ພາຍຫລັງພາຍຸສະຫງົບ ທາງຄະນະສາຂາໄຟຟ້າລາວ ແຂວງຊຽງຂວາງ ໄດ້ຈັດຕັ້ງທີມງານລົງແກ້ໄຂດ່ວນ, ລວມທັງ 3 ສູນບໍລິການໄຟຟ້າລົງສ້ອມແປງແກ້ໄຂຢ່າງຮີບດ່ວນ ຊຶ່ງໄດ້ປ່ຽນເສົາໄຟທີ່ເສຍຫາຍໃຊ້ການບໍ່ໄດ້,

ເຊື່ອມຕໍ່ສາຍໄຟທີ່ຂາດ ແລະ ເສີມລະບົບສາຍຈ່ອງເສົາເພື່ອໃຫ້ມີຄວາມຫມັ້ນຄົງຂອງເສົາໄຟຟ້າຕື່ມ ລ່າສຸດວັນທີ27 ກໍລະກົດ 2021 ແມ່ນໄດ້ແກ້ໄຂສຳເລັດເປັນທີ່ຮຽບຮ້ອຍ ແລະ ສາມາດສົ່ງໄຟໃຫ້ປະຊາຊົນຊົມໃຊ້ໄຟຟ້າໄດ້ເປັນປົກກະຕິ.

Related Posts

Leave a Reply

Your email address will not be published.