ຄະນະພັກຮາກຖານກົມພາສີ ເຜີຍແຜ່, ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກ

ໃນວັນທີ 27 ກໍລະກົດ 2021 ນີ້ທີ່ຫ້ອງປະຊຸມໃຫຍ່ກົມສ່ວຍສາອາກອນ ກະຊວງການເງິນ, ຄະນະພັກຮາກຖານກົມພາສີ ຄະນະບໍລິຫານງານພັກກະຊວງການເງິນ, ໄດ້ຈັດກອງປະຊຸມເຜີຍແຜ່, ເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ໃຫ້ຄະນະພັກຮາກຖານ, ເລຂາໜ່ວຍພັກ, ຄະນະໜ່ວຍພັກ, ສະມາຊິກພັກ-ພະນັກງານຂອງກົມພາສີ; ໂດຍການເປັນປະທານຂອງສະຫາຍ ພູເຂົາຄໍາ ວັນນະວົງໄຊ ກໍາມະການພັກກະຊວງ ເລຂາຄະນະພັກຮາກຖານ, ຫົວໜ້າກົມພາສີ ກະຊວງການເງິນ, ມີບັນດາສະຫາຍກໍາມະການ ຄະນະພັກຮາກຖານ, ບັນດາສະຫາຍຄະນະໜ່ວຍພັກ, ສະມາຊິກພັກ-ພະນັກງານເຂົ້້າຮ່ວມຮັບຟັງ.

ໂອກາດດັ່ງກ່າວສະຫາຍ ພູເຂົາ ວັນນະວົງໄຊ ໄດ້ໃຫ້ກຽດເຜີ່ຍແຜຈຸດປະສົງ, ເພື່ອເຮັດໃຫ້ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກໄດ້ຮັບການຈັດຕັ້ງເຊື່ອມຊຶມຢ່າງກວ້າງຂວາງ, ເລິກເຊິ່ງ ແລະ ຈັດຕັ້ງປະຕິບັດໃຫ້ເກີດຜົນເປັນຈິງ, ຈຶ່ງໄດ້ຈັດກອງປະຊຸມໃນຄັ້ງນີ້ຂຶ້ນເພື່ອເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວໃຫ້ສະມາຊິກພັກ-ພະນັກງານຂອງຂອງກົມພາສີໄດ້ຮັບຮູ້ ແລະ ເຂົ້າໃຈຢ່າງເລີກເຊິ່ງ.

ສຳລັບເອກະສານທີ່ນຳມາເຜີຍແຜ່ເຊື່ອມຊຶມໃນຄັ້ງນີ້ປະກອບມີຄຳສັ່ງຂອງຄະນະເລຂາທິການກາງພັກ ເລກທີ 38/ຄລສພ, ລົງວັນທີ 09 ມີນາ 2021, ເອກະສານການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ມະຕິກອງປະຊຸມຄົບຄະນະສະໄໝວິສາມັນຂອງຄະນະບໍລິຫານງານສູນກາງພັກ ສະໄໝທີ XI, ຜ່ານກົດລະບຽບຂອງພັກປະຊາຊົນ ປະຕິວັດລາວ ສະໄໝທີ XI, ແຜນດໍາເນີນງານຂອງຄະນະພັກກະຊວງການເງິນ, ລະບຽບ ແລະ ກົນໄກວິທີເຮັດວຽກຂອງລັດຖະມົນຕີ, ຮອງລັດຖະມົນຕີ ແລະ ບັນດາຫົວໜ້າກົມ ນຳອີກດ້ວຍ.

ທັງນີ້, ກໍເພື່ອໃຫ້ສະມາຊິກພັກ-ພະນັກງານກໍາໄດ້ເນື້ອໃນຈິດໃຈຕົ້ນຕໍສຳຄັນ, ມີຄວາມເຂົ້າໃຈເປັນເອກະພາບ ແລະ ຜັນຂະຫຍາຍມະຕິ XI ເຂົ້າສູ່ວຽກງານຕົວຈິງຂອງຕົນ, ແນ່ໃສ່ໃຫ້ການນໍາແຕ່ລະຂັ້ນຮັບຮູ້ເຂົ້າໃຈຢ່າງເລິກເຊິ່ງ ແລະ ກໍາແໜ້ນເນື້ອໃນມະຕິ XI ຂອງພັກ ໂດຍສະເພາະແມ່ນເນື້ອໃນທີ່ສໍາຄັນຕົ້ນຕໍ ແລະ ວຽກງານຈຸດສຸມທີ່ຕ້ອງໄດ້ເອົາໃຈໃສ່ຊີ້ນໍາ-ນໍາພາໃນແຕ່ລະຂົງເຂດວຽກງານຕາມຄວາມຮັບຜິດຊອບຂອງຕົນໃຫ້ເກີດຜົນເປັນຈິງ.

Related Posts

Leave a Reply

Your email address will not be published.