ພຽງເດືອນກໍລະກົດນີ້ມີແຮງງານລາວຫລາຍກ່ວາ 3.000 ຄົນກັບມາຈາກປະເທດຕິດໂ ຄ ວິ ດ

ທ່ານ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃນວັນທີ 29 ກໍລະກົດນີ້ວ່າ: ສະເພາະເດືອນກໍລະກົດນີ້ເນື່ອງຈາກປະເທດໃກ້ຄຽງເຮົາເກີດການລະບາດຂອງພະຍາດໂຄວິດ-19

ຮອບໃໝ່ຢ່າງໜັກໜ່ວງຈຶ່ງເຮັດໃຫ້ແຮງງານບໍ່ມີວຽກເຮັດງານທຳແລ້ວພາກັນເດີນທາງກັບຄືນປະເທດເປັນຈຳນວນຫລວງຫລາຍ, ອັນເປັນເຫດເຮັດໃຫ້ຈຳນວນຕົວເລກແຮງງານທີ່ຕິດເຊື້ອພະຍາດໂຄວິດ-19 ເຂົ້າມາປະເທດ ສູງເຖິງ 3.000 ກວ່າຄົນ. ຈາກເດືອນມິຖຸນາຜ່ານມາ ມີພຽງ 169 ຄົນ.

ພ້ອມດຽວກັນນີ້, ກໍຂໍໃຫ້ບັນດາຄອບຄົວ ແລະ ຍາດພີ່ນ້ອງຂອງແຮງງານ ທີ່ກັບເຂົ້າມາປະເທດຈົ່ງເປັນເຈົ້າການຮ່ວມມືກັບເຈົ້າໜ້າທີ່ແລະ ອຳນາດການປົກຄອງບ້ານ ເພື່ອສາມາດຊ່ວຍເຫລືອແກ້ໄຂບັນຫາທີ່ອາດຈະເກີດຂຶ້ນໄດ້ໂດຍໄວ ແລະ.

ທັນການ ພ້ອມເປັນເຈົ້າການສະກັດກັ້ນການລັກລອບເຂົ້າມາແບບບໍ່ຖືກຕ້ອງອາດເປັນການນຳເຊື້ອພະຍາດມາແພ່ລະບາດໃສ່ຄົນໃນຄອບຄົວ, ຄົນໃກ້ຊິດ ແລະ ສັງຄົມເປັນວົງກວ້າງ.

Related Posts

Leave a Reply

Your email address will not be published. Required fields are marked *