ຜູ້ໄດ້ຮັບຜົນກະທົບຈາກໂ ຄ ວິ ດ​ ພາກັນເດີນທາງໂດຍລົດຈັກ

ພາບຂະບວນລົດຈັກ​ ຜູ້ໄດ້ຮັບຜົນກະທົບຈາກການລ໊ອກດາວ ໃນນະຄອນໂຮຈິມິນ​ ປະເທດຫວຽດນາມ ຜູ້ຄົນເລີ່ມອອກຈາກເມືອງໃຫຍ່​ ແຕ່ວັນທີ​ 25​ ກໍລະກົດ​ ເພື່ອກັບໄປຕັ້ງຫຼັກທີ່ບ້ານເກີດ ເຊິ່ງບາງຄົນຕ້ອງເດີນທາງກວ່າ 1.000​ ກິໂລແມັດ​

ຂະບວນລົດດັ່ງກ່າວ ພວກເຂົາໄດ້ມີການພັກລົດ,​ ນອນເອົາແຮງເປັນໄລຍະ ຜ່ານຫຼາຍເມືອງ ເຊິ່ງລະຫວ່າງທາງມີຜູ້ໃຈບຸນຊ່ວຍແຈກນ້ຳ,​ ເຂົ້າ​ ແລະ​ ເງິນເລັກນ້ອຍ ເພື່ອຊ່ວຍເຫຼືອກັນໃນຍາມ​ລຳບາກ ໃນ​ສະຖານະການ​ທີ່ກຳລັງຕໍ່ສູ້ກັບໂຄວິດ.​

ໃນວັນທີ​ 31​ ກໍລະກົດ​ 2021​ ຜ່ານ​ມາ​ ລັດຖະບານຫວຽດນາມ ໄດ້ກາດສືບຕໍ່ປະຕິບັດມາດຕະການລ໊ອກດາວນະຄອນໂຮຈິມິນ​ ອອກໄປອີກ​ 14​ ວັນ​ ຫຼື​ ຈົນກວ່າການຕິດເຊື້ອໂຄວິດຈະຫຼຸດລົງ ໃນລະດັບທີ່ຄວບຄຸມໄດ້​ ແລະ​ ຄຳສັ່ງໃຫມ່ກວມຫຼາຍແຂວງ ໂດຍຫ້າມປະຊາຊົນອອກຈາກບ້ານເຮືອນ ຕັ້ງແຕ່ເວລາ 18:00 ຫາ 05.00 ໂມງ.

ສ່ວນສະຖານະການລະບາດຂອງພະຍາດໂຄວິດ-19​ ຢູ່​ຫວຽດນາມ​ ຮອດວັນທີ​ 31​ ກໍລະກົດ​ ຜ່ານມາ​ ມີຜູ້​ຕິດເຊື້ອ​ສະສົມ​ 145.686 ຄົນ, ເສຍຊີວິດ​ສະສົມ​ 1.306 ຄົນ.

Related Posts

Leave a Reply

Your email address will not be published. Required fields are marked *