ໄຟເຊີ-ໂມເດິນນາ ຂຶ້ນລາຄາວັກຊີນຕ້ານໂ ຄ ວິ ດ ໃນສະຫະພາບເອີີຣົບ

ເມື່ອວັນທີ 1 ສິງຫານີ້ ສຳນັກຂ່າວ Financial Times ລາຍງານວ່າ ບໍລິສັດໄຟເຊີ ຂຶ້ນລາຄາວັກຊີນຕ້ານໄວຣັດໂຄວິດ-19ຂອງພວກເຂົາຫຼາຍກວ່າ 1 ໃນ 4. ຂະນະທີ່ບໍລິສັດໂມເດິນນາ ຂຶ້ນລາຄາຫຼາຍກວ່າ 1 ໃນ 10 ໃນສັນຍາຈັດຊື້ສະບັບຫຼ້າສຸດຂອງພວກເຂົາກັບສະຫະພາບເອີຣົບ ຊຶ່ງກຳລັງຕໍ່ສູ້ກັບບັນຫາວັກຊິນຂາດແຄນ ແລະ ການລະບາດຂອງໄວຣັດໂຄວິດສາຍພັນເດລຕາ.

ສັນຍາຈັດຊື້ຫລ້າສຸດຊຶ່ງເກີດຂຶ້ນໃນປີນີ້ ຄວບຄຸມການສົ່ງມອບວັກຊິນທັງໝົດ 2,1 ພັນລ້ານໂດສຈົນເຖິງປີ 2023 ໂດຍມີການເຈລະຈາກັນໃໝ່ຫລັງຈາກຜົນການທົດສອບທາງຄລີນິກ ໄລຍະທີ 3 ສະແດງໃຫ້ເຫັນວ່າ ວັກຊິນ mRNA ຂອງທັງສອງບໍລິສັດມີປະສິດທິພາບຫຼາຍກວ່າວັກຊີນທີ່ລາຄາຖືກກວ່າຊຶ່ງພັດທະນາໂດຍ ແອສຕຣາເຊເນກາ ແລະ ຈອນສັນແອນຈອນສັນ.

ໂດຍລາຄາໃໝ່ຂອງໄຟເຊີຢູ່ທີ່ 19.50 ເອີໂຣ/ໂດສ, ສ່ວນວັກຊີນຂອງໂມເດິນນາ ມີລາຄາເພີ່ມຂຶ້ນເປັນ 21.50 ເອີໂຣ/ໂດສ ຈາກເດີມທີ່ປະມານ 19 ເອີໂຣ/ໂດສ ໂດຍບໍ່ເຖິງ 24 ເອີໂຣ/ໂດສ ທີ່ຕົກລົງກັນກ່ອນໜ້ານີ້ ເນື່ອງຈາກມີການຈັດຊື້ວັກຊີນໃນປະລິມານຫລາຍຂຶ້ນ.

Related Posts

Leave a Reply

Your email address will not be published.