2 ກຸ່ມ ສົມທົບບ້ານ ແກ້ໄຂເປົ້າໝາຍ ຢາເສບຕິດ ໄດ້ 2 ຄົນ

ເວລາ 14:00 ໂມງ ວັນທີ 12 ພະຈິກ 2021, ປກສ ກຸ່ມທ່າງ່ອນ ສົມທົບກັັບ ປກສ ກຸ່ມເວີນຄໍາ ແລະ ອໍານາດການປົກຄອງ ບ້ານຈະເລີນໄຊ ເມືອງໄຊທານີ ນວ

ແກ້ໄຂເປົ້າໝາຍຢາເສບຕິດ (ຢາບ້າ) ໄດ້ 2 ຄົນ ຊື່ ນາງຄໍາເສົາ ອາຍຸ 32 ປີ ພ້ອມຂອງກາງ ຢາບ້າ 1415 ເມັດ ແລະ ທ້າວ ວຽງ ອາຍຸ 32 ປີ ພ້ອມຂອງກາງ 145 ເມັດ ທັງສອງ ກໍາມະກອນ ຢູ່ບ້ານຈະເລີນໄຊ ເມືອງໄຊທານີ ນະຄອນຫຼວງວຽງຈັນ.

ປປັດຈຸບັນ ຄະດີດັ່ງກ່າວ ປກສ ກຸ່ມ ໄດ້ມອບໃຫ້ ເຈົ້າໜ້າທີ່ ປກສ ເມືອງໄຊທານີ ດໍາເນີນຄະດີຕາມຂັ້ນຕອນຂອງກົດຫໝາຍ.

ກອງບັນຊາການ ປກສ ນວ ສະແດງຄວາມຍ້ອງຍໍຊົມເຊີຍ ຕໍ່ເຈົ້າໜ້າທີ່ ປກສ ກຸ່ມທ່າງ່ອນ, ປກສ ກຸ່ມເວີນຄໍາ ແລະ ອໍານາດການປົກຄອງ ບ້ານຈະເລີນໄຊ ທີ່ໄດ້ເອົາໃຈໃສ່ແກ້ໄຂເປົ້າໝາຍຢາເສບຕິດໄດ້ ແລະ ຮຽກຮ້ອງ ພໍ່ແມ່ປະຊາຊົນ ຈົ່ງມີສະຕິ ເພື່ອລີກລ່ຽງການຕົກເປັນທາດຂອງຢາເສບຕິດ ພ້ອມດຽວກັນນີ້ ກໍຮຽກຮ້ອງໃຫ້ພໍ່ແມ່ປະຊາຊົນ

ຈົ່ງເປັນເຈົ້າການປະກອບສ່ວນໃນວຽກງານປ້ອງກັນຄວາມສະຫງົບ ຖ້າພົບເຫັນຜູ້ຕ້ອງສົງໃສ ຫຼື ມີປະກົດການຫຍໍ້ທໍ້ຕ່າງໆເກີດຂຶ້ນ ໃນຂອບເຂດຂອງຕົນ ໃຫ້ແຈ້ງເຈົ້າໜ້າທີ່ໃກ້ຄຽງ ຫຼື ແຈ້ງຜ່ານເບີວັອດແອັບ 020 28899774 ຫຼື ຜ່ານທາງຂໍ້ຄວາມເຟສບຸກ ປ້ອງກັນຄວາມສະຫງົບນະຄອນຫຼວງວຽງຈັນ.

Related Posts

Leave a Reply

Your email address will not be published.