ເຈົ້າໜ້າທີ່ ສນ 1191 ສະພັງເມີກມອບລົດຈັກ 2 ຄັນຄືນໃຫ້ເຈົ້າຂອງເດີມ

ວັນທີ 16 ພະຈິກ 2021 ເວລາ 14:00 ໂມງ, ພັທ ສັງ ພິມພາ ຫົວໜ້າສະຖານີ ຮັບແຈ້ງ ແລະ ແກ້ໄຂເຫດສຸກເສີນ 1191 ສະພັງເມີກ ປກສ ເມືອງໄຊທານີ ນວ, ໄດ້ມອບລົດຈັກ ຈໍານວນ 2 ຄັນ ທີ່ເກັບກູ້ຄືນມາໄດ້ຈາກຄົນລັກໄປ ຄືນໃຫ້ເຈົ້າຂອງເດີມ ກ່າວຮັບ ນາງ ລັດສະໜີ ແລະ ທ້າວ ຄາ ລໍ ເຈົ້າຂອງລົດຄັນດັ່ງກ່າວ.

ພັທ ສັງ ພິມພາ ໃຫ້ຮູ້ວ່າ: ລົດຈັກຈຳນວນ 2 ຄັນ ດັ່ງກ່າວ, ທີ່ນຳມາມອບຄືນໃຫ້ເຈົ້າຂອງເດີມ ນີ້ແມ່ນເຈົ້າໜ້າທີ່ສາມາດເກັບກູ້ຄືນມາໄດ້ຈາກແກ້ໄຂເປົ້າໝາຍກໍ່ຄວາມບໍ່ສະຫງົບຢູ່ເຂດບ້ານຊ້າງຄູ້ ເມືອງໄຊທານີ ນວ, ຜ່ານການກວດກາຂໍ້ມູນເລກຈັກ – ເລກຖັງ ລົດຈັກຍີ່ຫໍ້ຮອນດ້າ ຄຮິກໄອ ສີດຳ

ອອກຊື່ ນາງ ລັດສະໜີ ບ້ານ ດອນກອຍ ເມືອງສີສັດຕະນາກ ແລະ ລົດຈັກເວບຮ້ອຍ ສີແດງດຳ ອອກຊື່ທ້າວ ຄາ ລໍ ບ້ານທ່າກົກໄຮ ເມືອງປາກງື່ມ ຫຼັງຈາກນັ້ນຈື່ງໄດ້ປະສານຫາເຈົ້າຂອງຈັກລົດ 2 ຄັນດັ່ງກ່າວມາຮັບເອົາຄືນ.

ກອງບັນຊາການ ປກສ ນວ ຮຽກຮ້ອງມາຍັງປະຊາຊົນ ຊາວນະຄອນຫຼວງວຽງຈັນ ຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ປະຕິບັດພັນທະໃນການຮັກສາຄວາມສະຫງົບໃນສັງຄົມ,

ມີສະຕິໃນການເກັບມ້ຽນຊັບສີນທີ່ມີຄ່າຂອງຕົນໄວ້ໃຫ້ດີ ແລະ ຖ້າຫາກພົບເຫັນການເຄື່ອນໄຫວທີ່ຜິດຕໍ່ກົດໝາຍອັນນໍາໄປສູ່ຄວາມບໍ່ສະຫງົບ ໃຫ້ຮີບຮ້ອນລາຍງານມາຊ່ອງທາງວອດແອັບເບີ020 28899774 ຫຼື ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

ທີ່ມາ: ປ້ອງກັນຄວາມສະຫງົບ ນະຄອນຫຼວງວຽງຈັນ

Related Posts

Leave a Reply

Your email address will not be published. Required fields are marked *