ອອກມາແລ້ວ!! ແຈ້ງການບໍ່ເຫັນດີ ຂາຍຮຸ້ນຂອງລັດຖະບານໃນທະນາຄານ BCEL ໃຫ້ພາກສ່ວນອື່ນໆ

ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຕົກລົງຂອງຂັ້ນເທິງ ມາຍັງທ່ານຊາບ ແລະ ຈັດຕັ້ງປະຕິບັດດັ່ງນີ້:

ໂດຍອີງຕາມການຄົ້ນຄວ້າ ຂອງກະຊວງການເງິນ ເເລະ ທະນາຄານແຫ່ງ ສປປ ລາວ ເຫັນວ່າ ທະນາຄານການຄ້າຕ່າງປະເທດລາວ ມະຫາຊົນ ເປັນທະນາຄານໄດ້ຈົດທະບຽນໃນຕະຫລາດຫລັກຊັບທີ່ ມີການເຄື່ອນໄຫວຢ່າງໂປ່ງໃສ ແລະ ມີສະພາບຄ່ອງທາງດ້ານການເງິນ ໃນລະດັບດີ.

ສະນັ້ນ ຈຶ່ງບໍ່ເຫັນດີ ຂາຍຮຸ້ນຂອງລັດຖະບານໃນທະນາຄານດັ່ງກ່າວ ໃຫ້ພາກສ່ວນອື່ນໆ. ມອບໃຫ້ກະຊວງການເງິນ ເປັນໃຈ ກາງສົມທົບກັບທະນາຄານແຫ່ງ ສປປ ລາວ ສືບຕໍ່ພັດທະນາການດໍາເນີນທຸລະກິດ ຂອງທະນາຄານ ດັ່ງກ່າວ ໃຫ້ມີຄວາມເຂັ້ມແຂງຂຶ້ນຢ່າງບໍ່ຢຸດຢັ້ງ.

2. ມອບໃຫ້ກະຊວງການເງິນ ໃນນາມຜູ້ຖືຄອງຮຸ້ນຂອງລັດຖະບານໃນທະນາຄານດັ່ງກ່າວ ແຈ້ງ ຕອບໃຫ້ບໍລິສັດພູສີ ກຣຸບ ຈໍາກັດ ຮັບຊາບຕາມທີ່ກ່າວມາຂ້າງເທິງນີ້.

ດັ່ງນັ້ນ, ຈຶ່ງແຈ້ງມາຍັງທ່ານ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ດ້ວຍ.

Related Posts

Leave a Reply

Your email address will not be published.