ແຂວງ ຫົວພັນ ລ໋ອກດາວ ຢ່າງເຂັ້ມງວດ

ສືບຕໍ່ປະຕິບັດບັນດາມາດຕະການ ທີ່ລະບຸໄວ້ໃນຄໍາສັ່ງ ສະບັບເລກທີ 290/ຈຂ.ຫພ, ລົງວັນທີ 19/9/2021, ແຈ້ງການແນະ ນໍ ສະບັບເລກທີ 289/ຈຂ.ຫພ, ລົງວັນທີ 19/9/2021, ຄໍາສັ່ງ ສະບັບເລກທີ 296/ຈຂ.ຫພ, ລົງວັນທີ 23/9/2021, ເເຈ້ງການແນະ ນໍ ສະບັເລກທີ 297/ຈຂ.ຫພ, ລົງວັນທີ 23/9/2021 ບວກກັບບັນດາມາດຕະການ ທີ່ທຸກພາກສ່ວນຈະຕ້ອງໄດ້ພ້ອມກັນຈັດຕັ້ງ ປະຕິບັດລະອຽດດັ່ງລຸ່ມນີ້:

1. ປີດການເດີນທາງເຂົ້າ-ອອກ ລະຫວ່າງເເຂວງຕໍ່ແຂວງ, ເມຶອງຕໍ່ເມືອງ (ທົ່ວແຂວງ) ຍົກເວັ້ນເຈົ້າຫນ້າທີ່ຄະນະ ສະເພາະກິດຂັ້ນແຂວງ, ຂັ້ນເມືອງ, ເຈົ້າຫນ້າທີ່ແພດຫມໍ ແລະ ເຈົ້າຫນ້າທີ່ ປກຊ-ປກສ ລົງເຄື່ອນໄຫວວຽກງານດັ່ງກ່າວ, ສ່ວນການປິດບ້ານທີ່ຂື້ນກັບເມືອງໃດ ແມ່ນມອບໃຫ້ເມືອງນັ້ນເປັນເຈົ້າການຄົ້ນຄ້ວາຕາມຄວາມເຫມາະສົມ.

2. ປິດການຂົນສົ່ງລົດໂດຍສານ ແລະ ສາຍການບິນໂດຍສານ ເຂົ້າແຂວງຫົວພັນເປັນການຊົ່ວຄາວ.

3. ປິດກິດຈະກໍາການຫຼິ້ນກິລາ, ສູນອອກກໍາລັງກາຍໃນຮົ່ມ ແລະ ກາງແຈ້ງທຸກປະເພດ ຫ້າມຈັດງານແຂ່ງຂັນກິລາ ທຸກປະເພດ ຈົນກວ່າຈະມີແຈ້ງການອະນຸມັດໃຫ້ເປີດຢ່າງເປັນທາງການ.

4. ປິດກິດຈະການຮ້ານບັນເທີງ, ຮ້ານຄາຣາໂອເກະ, ຮ້ານກິນດື່ມ, ຮ້ານອິນເຕີເນັດ, ຮ້ານນວດ, ຮ້ານຕັດຜົມ, ່ ຮ້ານເສີມສວຍ, ຮ້ານສະນຸກເກີ ທົ່ວແຂວງຫົວພັນ.

5. ປິດການຮຽນ-ການສອນທຸກຊັ້ນຮຽນທົ່ວເເຂວງຫົວພັນ.

6. ປີດດ່ານສາກົນ, ດ່ານທ້ອງຖິ່ນ ແລະ ດ່ານປະເພນີ, ທີ່ມີຊາຍແດນຕິດຈອດກັບປະເທດທີ່ມີການລະບາດຂອງ ເຊື້ອພະຍາດ COVID-19 ໃນຊຸມຊົນສໍາລັບບຸກຄົນທົ່ວໄປ, ຍົກເວັ້ນຜູ້ທີ່ມີຄວາມຈໍາເປັນທີ່ໄດ້ຮັບອະນຸຍາດຈາກຄະນະ ສະເພາະກິດຂັ້ນສູນກາງ ແລະ ຂັ້ນແຂວງ.

7. ປີດການເດີນທາງເຂົ້າມາແຂວງຫົວພັນໃນຊ່ວງໄລຍະນີ້ເປັນການຊົ່ວຄາວ.

8. ຫ້າມຈັດງານບຸນປະເພນີ, ງານລ້ຽງ, ງານດອງ, ງານສ້າງສັນ ຫຼື ຊຸມແຊວຕ່າງໆ 2

9. ຫ້າມຈັດກອງປະຊຸມ, ໂຮມຊຸມນຸມ ຫຼື ກິດຈະກໍາຕ່າງໆ ໂດຍທີ່ບໍ່ໄດ້ຮັບອະນຸຍາດຈາກຄະນະສະເພາະກິດຕ້ານ ພະຍາດໂຄວິດ-19ແຂວງຫົວພັນ. ສ່ວນກອງປະຊຸມທາງລັດຖະການທີ່ມີຄວາມຈໍາເປັນແລະຮີບດ່ວນ ຕ້ອງໄດ້ຮັບການ ອະນຸຍາດຈາກຄະນະສະເພາະກິດແຂວງແລະເມືອງ ເຫັນດີ ຈິ່ງສາມາດຈັດໄດ້, ສ່ວນພະນັກງານຂັ້ນແຂວງ, ພະແນກ ການ ແລະ ເມືອງໄດ້ຮັບເຊີນໃຫ້ໄປຮ່ວມກອງປະຊຸມຢູ່ຕ່າງແຂວງ ຫຼື ສູນກາງ ພາຍຫຼັງປະຊຸມສໍາເລັດແລ້ວ ເວລາກັບຄືນ ທ້ອງຖິ່ນ ຕ້ອງໄດ້ກັກກັນໂຕຄົບ3ວັນຢູ່ສູນຂອງແຂວງ ເພດຈະເອົາຕົວຢ່າງໄປວິເຄາະ ຫາກບໍ່ພົບເຊື້ອ ມື້ທັດໄປຈີ່ງໃຫ້ ໄປກັກກັນຢູ່ເຮືອນຜູ້ກ່ຽວຕໍ່ໄລຍະ11ວັນ ຈາກນັ້ນຈິ່ງສາມາດດໍາລົງຊີວິດແບບປົກກະຕິຮ່ວມກັບສັງຄົມໄດ້.

10. ຫ້າມສວຍໃຊ້ໂອກາດກັກຕູນ ແລະ ຂື້ນລາຄາສິນຄ້າອຸປະໂພກ ແລະ ບໍລິໂພກ, ອຸປະກອນການແພດ ແລະ ສິນຄ້າອື່ນໆທີ່ມີຄວາມຈໍາເປັນຕໍ່ການດໍາລົງຊີວິດປະຈໍາວັນ.

11. ອະນຸຍາດໃຫ້ລົດບັນທຸກສິນຄ້າ ທັງພາຍໃນ ແລະ ຕ່າງປະເທດ ເຂົ້າ-ອອກ ແຂວງຫົວພັນໄດ້ປົກກະຕິ ເເຕ່ຕ້ອງ ປະຕິບັດການປ່ຽນໂຊເຟີລົດ ຫຼື ຄ່ຽນຖ່າຍສິນຄ້າ ຢູ່ຈຸດກວດກາ, ຈຸດຊາຍແດນເຊື່ອມຕໍ່ລະຫ່ວາງປະເທດເຊັ່ນ: ດ່ານ ສາກົນ, ດ່ານປະເພນີ, ດ່ານທ້ອງຖິ່ນ ທີ່ໄດ້ນຮັບການອະນຸຍາດ ພ້ອມສີດຢາຂ້າເຊື້ອລົດຢ່າງຄັກແນ່ແລ້ວຈີ່ງສາມາດເຂົ້າ ແຂວງຫົວພັນໄດ້.

12. ອະນຸຍາດໃຫ້ສືບຕໍ່ດໍາເນີນກິດຈະການທີ່ມີຄວາມຈໍາເປັນ ເປັນຕົ້ນແມ່ນບັນດາໂຄງການໃຫຍ່, ໂຮງງານ, ທະນາຄານ, ສະຖາບັນການເງິນ, ໂຮງຫມໍ, ສູນການແພດ, ຮ້ານຂາຍຢາ, ກິດຈະການໄປສະນີ, ໂທລະຄົມມະນາຄົມ, ໄຟຟ້າ, ນ້ໍາປະປາ, ການບໍລິການເກັບ ແລະ ຖິ້ມຂີ້ເຫຍື້ອຢູ່ຕາມຕະຫຼາດ, ຮ້ານຂາຍເຄື່ອງຍ່ອຍ, ປ້ໍານ້ໍາມັນ, ຮ້ານອາຫານ ແລະ ຮ້ານກາເຟ.

13. ມອບໃຫ້ບັນດາພະແນກການ, ອົງການທຽບເທົ່ງອ້ອມຂ້າງແຂວງ ແລະ ເມືອງ 10 ເມືອງ, ລັດວິສາຫະກິດ ທົ່ວແຂວງ ຈັດຕັ້ງຜຽນໃຫ້ພະນັກງານ-ລັດຖະກອນ, ກໍາມະກອນຂອງຕົນຜັດປ່ຽນກັນມາປະຈໍາການໃນແຕ່ລະວັນຕາມຄວາມເຫມາະສົມ ເລີ່ມແຕ່ວັນທີ 20/11-03/12/2021, ຍົກເວັ້ນທະຫານ, ຕໍາຫຼວດ, ເຈົ້າຫນ້າທີ່ດັບເພິງ, ພະນັກງານຮັບຜິດຊອບລະບົບການ ບໍລິການໄຟຟ້າ, ນ້ໍາປະປາ, ໂທລະຄົມມະນາຄົມ, ການສື່ສານ, ຂົນສົ່ງ, ສາທາລະນະສຸກ, ຜູ້ທີ່ໄດ້ຮັບມອບຫມາຍໃຫ້ປະຈໍາການ ແລະ ເຮັດວຽກປ້ອງກັນ, ສະກັດກັ້ນ, ຄວບຄຸມ ແລະ ປິ່ນປົວຜູ້ຕິດເຊື້ອພະຍາດ. ສ່ວນຜູ້ທີ່ບໍ່ໄດ້ມາປະຈໍາການ ເເມ່ນໃຫ້ສືບຕໍ່ ເຮັດວຽກຂອງຕົນເປັນປົກກະຕິຢູ່ເຮືອນ ຫຼື ທີ່ພັກອາໄສ ໂດຍຜ່ານລະບົບສື່ສານອີເລັກໂຕຣນິກ ເເລະ ເຄືອຂ່າຍອິນເຕີເນັດເຊັ່ນ: ໂທລະສັບ, ອີເມວ ແລະ ລະບົບກອງປະຊຸມທາງໄກ.

14. ໃຫ້ຄະນະສະເພາະກິດທຸກຂັ້ນ ເພີ່ມທະວີການປະຕິບັດພາລະບົດບາດ, ສິດ ແລະ ຫນ້າທີ່ຂອງຕົນ ໃຫ້ມີປະສິດທິພາບ ແລະ ປະສິດທິຜົນ, ເປັນໃຈກາງໃນການປະສານງານກັບທຸກພາກສ່ວນທີ່ກ່ຽວຂ້ອງ, ຊີ້ນໍາ, ຕິດຕາມ ກວດກາ ແລະ ປະເມີນຜົນການຈັດຕັ້ງ ປະຕິບັດວຽກງານສະກັດກັ້ນ, ຄວບຄຸມ ເເລະ ແກ້ໄຂການລະບາດ ພ້ອມທັງການປິ່ນປົວຜູ້ຕິດເຊື້ອ ແລະ ກຽມຄວາມພ້ອມໃນດ້ານ ຕ່າງໆ ເພື່ອສາມາດຮັບມືກັບການລະບາດໄດ້; ພ້ອມກັນນັ້ນ ກໍ່ໃຫ້ປະສານສົມທົບກັບພາກສ່ວນກ່ຽວຂ້ອງ ທັງພາຍໃນ ແລະ ຕ່າງປະເທດ ເພື່ອລະດົມການຊ່ວຍເຫຼືອໃນດ້ານຕ່າງໆທີ່ຈໍາເປັນຈາກສັງຄົມ.

15. ໃຫ້ກໍາລັງປ້ອງກັນຊາດ, ປ້ອງກັນຄວາມສະຫງົບ, ຄະນະສະເພາະກິດເເຕ່ລະຂັ້ນ ເເລະ ອໍານາດການປົກຄອງ ທຸກພາກສ່ວນ ລວມທັງອໍານາດການປົກຄອງບ້ານ ພ້ອມກັນເປັນເຈົ້າການຕິດຕາມ, ກວດກາຮັກສາຄວາມສະຫງົບ, ຮັກສາຄວາມເປັນລະບຽບຮຽບ ຮ້ອຍໃນສັງຄົມ ພ້ອມກັນຈັດຕັ້ງເວນຍາມ, ລາດຕະເວນ 24 ຊມ, ກວດກາການຈັດຕັ້ງປະຕິບັດມາດຕະການປ້ອງກັນການເເຜ່ລະບາດ. ຂອງພະຍາດໂຄວິດ-19 ຕາມສະຖານທີ່ ສາທາລະນະຊຸມນຸມຊົນ (ຕະຫຼາດ) ທຸກຄົນຕ້ອງຖືບັດສັກຢາວັນຊິນ, ໃສ່ຜ້າອັດປາກ ຖ້າບໍ່ ໃສ່ຜ້າປິດປາກ ແລະ ບໍ່ຖືບັດສັກຢາວັກຊິນ ແມ່ນບໍ່ໃຫ້ເຂົ້າຕະຫຼາດ ເເລະ ເຂດຊຸມຊົນຢ່າງເດັດຂາດ.

16. ມອບໃຫ້ບັນດາພະແນກການ, ເມືອງ ແລະ ບ້ານທົ່ວເເຂວງສືບຕໍ່ສຸມໃສ່ເຄື່ອນໄຫວ ແລະ ຊຸກຍູ້ການສັກຢາວັກຊິນໃຫ້ ເປົ້າຫມາຍຕ່າງໆຕາມແຜນການ ແລະ ຄາດຫມາຍທີ່ໄດ້ວາງໄວ້. 2 ປີ.

17. ສືບຕໍ່ເຮັດວຽກງານໂຄສະນາ, ເຜີຍແຜ່ ເເລະ ປຸກລະດົມໃຫ້ປະຊາຊົນ ແລະ ຜູ້ປະກອບການເຂົ້າໃຈ ແລະ ມີສ່ວນຮ່ວມ ໃນການຈັດຕັ້ງປະຕິບັດມາດຕະການຕ່າງໆ ທີ່ແຂວງວາງອອກ ພ້ອມກັນນັ້ນກໍ່ໃຫ້ອອກຂ່າວຜ່ານສື່ຕ່າງໆ (ໂທລະພາບ, ວິທະຍຸ, ໂທລະໂຄ່ງ, ຫນັງສືພິມ ແລະ ສື່ສັງຄົມອ່ອນລາຍຕ່າງໆ)ໃຫ້ປະຊາຊົນຮັບຮູ້ ແລະ ເຂົ້າໃຈຢ່າງທົ່ວເຖີງ.

ມາດຕະການໃນການຈັດຕັ້ງປະຕິບັດ: ໃຫ້ກໍາລັງປ້ອງກັນຊາດ, ປ້ອງກັນຄວາມສະຫງົບ, ຄະນະສະເພາະກິດແຕ່ລະຂັ້ນ ແລະ ອໍານາດການປົກຄອງ ທຸກພາກສ່ວນ ພ້ອມກັນເປັນເຈົ້າການຕິດຕາມ, ກວດກາ ຮັກສາຄວາມສະຫງົບ, ຮັກສາຄວາມເປັນ ລະບຽບຮຽບຮ້ອຍໃນສັງຄົມ ພ້ອມກັນຈັດຕັ້ງເວນຍາມ, ລາດຕະເວນ 24 ຊມ.

ຖ້າພົບເຫັນບຸກຄົນ, ນິຕິບຸກຄົນ, ຫ້າງຮ້ານຕ່າງໆ ແລະ ອົງການຈັດຕັ້ງລະເມີດມາດຕະການປ້ອງກັນພະຍາດໂຄວິດ-19 ທີ່ແຂວງວາງອອກຕ້ອງປະຕິບັດການປັບໄຫມຕາມແຈ້ງການ ສະບັບເລກທີ 289/ຈຂ.ຫພ, ລົງວັນທີ 19 ກັນຍາ 2021 ເລະ ແຈ້ງການສະບັບເລກທີ 297/ຈຂ.ຫພ, ລົງວັນທີ 23 ກັນຍາ 2021 ໃຫ້ເຂັ້ມງວດ ແລະ ຕາມກໍລະນີຫນັກ ຫຼື ເບົາ.

ດັ່ງນັ້ນ, ຈິ່ງແຈ້ງມາຍັງທຸກພາກສ່ວນ ແລະ ທຸກທ່ານເພື່ອຊາບ ແລະ ພ້ອມກັນປະກອບສ່ວນຈັດຕັ້ງປະຕິບັດ ຕາມເນື້ອໃນແຈ້ງການ ສະບັບນີ້ ໃຫ້ມີຜົນສໍາເລັດຕາມລະດັບຄາດຫມາຍ ເລີ່ມແຕ່ເວລາ 6 ໂມງ 00 ຂອງວັນທີ 20/11/2011 ເຖິງເວລາ 24 ໂມງ 00 ຂອງວັນທີ 03/12/2011

ອ່ານແຈ້ງການ

.

.

Related Posts

Leave a Reply

Your email address will not be published.