ເຈົ້າໜ້າທີ່ ປກສ ເມືອງຈອມເພັດ ສະກັດກັ້ນຄົນບໍ່ດີທີ່ລັກເອົານ໋ອດລາງລົດໄຟ

ວັນທີ 21 ພະຈິກ 2021 ຜ່ານມານີ້ ເຈົ້າໜ້າທີ່ ປກສ ເມືອງ ຈອມເພັດ ແຂວງຫຼວງພະບາງ ໄດ້ຮັບແຈ້ງຈາກປະຊາຊົນ ວ່າມີຄົນບໍ່ດີມາລັກເອົານ໋ອດທາງລົດໄຟ ລາວ – ຈີນ,ທາງຄະນະ ປກສ ເມືອງ ຈອມເພັດໄດ້ແຕ່ງຕັ້ງວິຊາການກວດກາພື້ນທີ່ຕົວຈິງ ແລະພົບຂອງກາງທີ່ເປັນຫຼັກຖານ.

ທ່ານ ພັນໂທ ປະເສີດ ພົມມະລັດ ຫົວໜ້າກອງບັນຊາການປ້ອງກັນຄວາສະຫງົບ ເມືອງຈອມເພັດ ໄດ້ໃຫ້ຮູ້ຫວ່າງບໍ່ດົນມານີ້ວ່າ: ພາຍຫຼັງເຈົ້າໜ້າທີ່ໄດ້ກວດກາ ເຊິ່ງໄດ້ພົບກະແຈເລື່ອນ 01 ອັນ, ນ໋ອດຈັບລາງລົດໄຟ+ແຫວນຮອງ 16 ອັນ, ນ໋ອດຈັບຮາວຮົ້ວກັ້ນຮາວຮົ້ວ 25 ອັນ, ໝໍ້ດຶງໄຟ 01 ໜ່ວຍ, ເມີນ 01 ອັນ, ຂັ້ນໄດ໋01ອັນ, ຫົວດຸຍໄຟຟ້າ 14 ຫົວ, ກັກລົດຮຸນໄດ້ 01 ຄັນ;

ແລະ ໄດ້ມອບຄືນໃຫ້ບໍລິສັດແລ້ວມີ: ເຫຼັກຮາວຮົ້ວ ຕົວV 04 ເສັ້ນ ຍາວ 3 ແມັດ, ຂໍຕໍ່ເຫຼັກ ຕົວV 02 ອັນ, ຕາໜ່າງຮົ້ວ 14 ແຜ່ນ (2,80 x 1,80 ແມັດ), ທໍ່ຢາງເດີນສາຍໄຟຟ້າ 04 ເສັ້ນ, ຍາວເສັ້ນລະ04 ແມັດ, ທໍ່ນໍ້າ 01 ໂຄ້ງ ຍາວ 100 ແມັດ, ເຫຼັກໜາມ 05 ໂຄງ. ພ້ອມນີ້ທາງເຈົ້າໜ້າທີ່ໄດ້ຊອກຫາຫຼັກຖານ ແລະຊອກຄົນກະທຳຜິດມາດຳເນີນຄະດີໄດ້ 04 ຄົນ,ຍິງ 01 ຄົນ ຄື:

1. ທ້າວ ບີ່ ແມ່ນໄດ້ເຈດຈະນາໄປລັກເອົາ ນ໋ອດຈັບລາງລົດໄຟ ແລະເຫຼັກຮົ້ວອ້ອມທາງລົດໄຟ ຢ່າງແທ້ຈິງ.

ເຊີ່ງການກະທໍາຂອງຜູ້ກ່ຽວ ແມ່ນເປັນການສ້າງຄວາມເສຍຫາຍໃຫ້ແກ່ຊັບສົມບັດຂອງຊາດ, ເຮັດໃຫ້ລາງລົດໄຟ ແລະຮົ້ວອ້ອມແລວທາງລົດໄຟເປເພ ,ເຊິ່ງອາດຈະເຮັດໃຫ້ສັດລ້ຽງຂອງປະຊາຊົນເຂົ້າໄປໃນ ແລວທາງລົດໄຟ ເຮັດໃຫ້ເກີດອຸປະຕິເຫດ ຫຼື ອາດເຮັດໃຫ້ລົດໄຟຕົກລາງ. ຜູ້ກ່ຽວແມ່ນມີສະຕິສຳປະຊັນຍະຄົບ ຖ້ວນສົມບູນດີ ແລະ ຮູ້ຈຳແນກໄດ້ວ່າການກະທໍາຂອງຕົນເອງແມ່ນຜິດຕໍ່ລະບຽບກົດໝາຍ ແຕ່ຜູ້ກ່ຽວກໍ່ຈົງໃຈເຮັດ. ການກະທໍາຂອງຜູ້ກ່ຽວໃນຄັ້ງນີ້ ແມ່ນເປັນການ ລະເມີດຕໍ່

ມາດຕາ 231 ຂອງປະມວນກົດໝາຍອາຍາ ສະບັບປັບປຸງ ປີ 2017.ທ້າວ ໂກ່, ນາງ ເພັດ ແລະ ທ້າວ ທີ່ພວກກ່ຽວທັງສາມຄົນ ແມ່ນເຈດຕະນາເກັບຊື້-ຂາຍຊັບ ໂດຍບໍ່ຖືກຕ້ອງ, ພວກກ່ຽວແມ່ນບໍ່ມີໃບອະນຸຍາດຈາກພາກສ່ວນທີ່ກ່ຽວຂ້ອງ ໃນການດໍາເນີນການຊື້-ຂາຍ ພ້ອມທັງຊຸກເຊື່ອງຂອງກາງ ການກະທໍາຂອງພວກກ່ຽວທັງສາມຄົນແມ່ນເປັນການ ສົ່ງເສີມໃຫ້ບຸກຄົນອື່ນເຄື່ອນໄຫວກໍ່ການກະທຳຜິດ ເປັນການລະເມີດຕໍ່ມາດຕາ 244 ຂອງປະມວນກົດໝາຍອາຍາ ສະບັບປັບປຸງ ປີ 2017.

ຜ່ານການດຳເນີນຄະດີພວກກ່ຽວໄດ້ຮັບສາລະພາບ ແລະໄດ້ຮັບການສຶກສາອົບຮົມ ພ້ອມທັງໄດ້ສົ່ງໃຫ້ຂັ້ນແຂວງດຳເນີນຄະດີຕໍ່.ຂ່າວ: ເມືອງຈອມເພັດ

Related Posts

Leave a Reply

Your email address will not be published.