ຍີ່ປຸ່ນລົງນາມໃນໂຄງການຊ່ວຍເຫລືອລ້າມູນຄ່າ 1 ຕື້ເຢນ ຫຼື ປະມານ 8,77 ລ້ານ ໂດລາ ເພື່ອສະໜອງອຸປະກອນອໍານວຍຄວາມສະດວກໃຫ້ແກ່ສະໜາມບິນສາກົນຂອງລາວ

ຍີ່ປຸ່ນລົງນາມໃນໂຄງການຊ່ວຍເຫລືອລ້າມູນຄ່າ 1 ຕື້ເຢນ ຫຼື ປະມານ 8,77 ລ້ານ ໂດລາ ເພື່ອສະໜອງອຸປະກອນອໍານວຍຄວາມສະດວກໃຫ້ແກ່ສະໜາມບິນສາກົນຂອງລາວ

– ຍີ່ປຸ່ນລົງນາມໃນໂຄງການຊ່ວຍເຫລືອລ້າມູນຄ່າ 1 ຕື້ເຢນ ຫຼື ປະມານ 8,77 ລ້ານ ໂດລາ ເພື່ອສະໜອງອຸປະກອນອໍານວຍຄວາມສະດວກໃຫ້ແກ່ສະໜາມບິນສາກົນຂອງລາວ

ວັນທີ 20 ທັນວາ 2021 ທີ່ກະຊວງການຕ່າງປະເທດ, ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ ແລະ ທ່ານ ໂຄບາຢາຊິ ເຄນອິຈິ (Mr. KOBAYASHI Kenichi) ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ໄດ້ຮ່ວມລົງນາມເອກະສານແລກປ່ຽນໂຄງການຊ່ວຍເຫລືອລ້າຈາກລັດຖະບານຍີ່ປຸ່ນເພື່ອສະໜອງອຸປະກອນອໍານວຍຄວາມສະດວກໃຫ້ແກ່ສະໜາມບິນສາກົນຂອງລາວມູນຄ່າ 1 ຕື້ເຢນ ຫລື 8,77 ລ້ານ ໂດລາສະຫະລັດໂດຍມີພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.

ທ່ານ ໂພໄຊ ໄຂຄຳພິທູນ ຮອງລັດຖະມົນຕີ ຕາງໜ້າລັດຖະບານ ແລະ ປະຊາຊົນລາວ ສະແດງຄວາມຂອບໃຈ ແລະ ຕີລາຄາສູງຕໍ່ການສະໜັບສະໜູນ ຊ່ວຍເຫລືອ ສປປ ລາວ ຂອງລັດຖະບານ ແລະ ປະຊາຊົນຍີ່ປຸ່ນຕະຫລອດມາ ອັນໄດ້ປະກອບສ່ວນສໍາຄັນພັດທະນາເສດຖະກິດ-ສັງຄົມຂອງ ສປປ ລາວ ແຕ່ລະໄລຍະ ທັງເຮັດໃຫ້ຊີວິດການເປັນຢູ່ຂອງປະຊາຊົນລາວບັນດາເຜົ່າ ໄດ້ຮັບການຍົກລະດັບຂຶ້ນເປັນກ້າວໆ.

ຂະນະດຽວກັນກໍສະແດງຄວາມຂອບໃຈພາກສ່ວນກ່ຽວຂ້ອງຂອງຍີ່ປຸ່ນ ທີ່ຍາມໃດກໍ່ໄດ້ຄົ້ນຄວ້າ ແລະ ຂົນຂວາຍຍາດແຍ່ງການຊ່ວຍເຫລືອຂອງລັດຖະບານຍີ່ປຸ່ນໃຫ້ແກ່ ສປປ ລາວ ຊຶ່ງເປັນການຊ່ວຍ ເຫລືອທີ່ມີປະສິດທີພາບ, ປະສິດທິຜົນ ແລະ ແທດເໝາະກັບຄວາມຮຽກຮ້ອງຕ້ອງການຕົວຈິງຂອງ ສປປ ລາວ;

ລັດຖະບານລາວ ຈະນຳໃຊ້ການຊ່ວຍເຫລືອນີ້ ໃຫ້ເກີດຜົນປະໂຫຍດສູງສຸດ ເພື່ອປະກອບສ່ວນຍົກລະດັບຄວາມສາມາດການບໍລິການ ແລະ ຮັບປະກັນຄວາມພ້ອມຢູ່ສະໜາມບິນສາກົນຂອງລາວຕາມຄວາມຮຽກຮ້ອງຕ້ອງການຕົວຈິງກໍຄືການອໍານວຍຄວາມສະດວກໃຫ້ແກ່ການຜັນຂະຫຍາຍຍຸດທະສາດການເຊື່ອມໂຍງກັບຂົງເຂດ ແລະ ພາກພື້ນຂອງ ສປປ ລາວ ໃຫ້ມີບາດກ້າວໝັ້ນທ່ຽງຍິ່ງໆຂຶ້ນ ແລະ ຫວັງວ່າລັດຖະ ບານຍີ່ປຸ່ນ ຈະສືບຕໍ່ຮ່ວມມື ແລະ ຊ່ວຍເຫລືອ ສປປ ລາວ ໃນຂະແໜງການອື່ນໆເພີ່ມໃນຕໍ່ໜ້າ.

ທ່ານ ໂຄບາຢາຊິ ເຄນອິຈິ ເອກອັກຄະຣາຊະທູດ ໄດ້ສະແດງຄວາມຍິນດີ ທີ່ໄດ້ຕາງໜ້າລັດຖະບານຍີ່ປຸ່ນ ຮ່ວມລົງນາມເອກະສານແລກປ່ຽນດັ່ງກ່າວ ແລະ ເຊື່ອໝັ້ນວ່າໂຄງການນີ້ຈະປະກອບສ່ວນສຳຄັນພັດທະ ນາເສດຖະກິດ-ສັງຄົມຂອງ ສປປ ລາວ ກໍ່ຄື ປະກອບສ່ວນສົ່ງເສການພົວພັນ-ຮ່ວມມື ສອງຝ່າຍ ລາວ-ຍີ່ປຸ່ນ ໃຫ້ນັບມື້ນັບແໜ້ນແຟ້ນຍິ່ງໆຂຶ້ນ.

Related Posts

Leave a Reply

Your email address will not be published.