ສ.ອາເມລິກາ ກຽມແຈກຊຸດກວດໂຄວິດ ​ແບບ​ສຸກ​ເສີນ500 ລ້ານຊຸດ

ຂປລ.ຕາມ​ຂ່າວ​ຈາກ​ ວໍ​ຊີງ​ຕັນ,ວັນ​ທີ22​ທັນວາ2021,ທ່ານ ​ໂຈ ​ໄບ​ເດນ,ປະທານາທິບໍດີ ສ.ອາ​ເມ​ລິ​ກາ ຖະ​ແຫລ​ງວ່າ:

ສ.ອາ​ເມ​ລິ​ກາ ກຽມ​ຍົກ​ລະດັບ ​ການກວດ​ຫາ​ເຊື້ອ​ ພະ ຍາດ​ ໂຄ​ວິດ-19 ດ້ວຍ​ການ​ຊື້ ​ຊຸດ​ກວດ ​ແບບສຸກ​ເສີນ 500ລ້ານ​ຊຸດ ​ແຕ່​ອາດ​ເພີ່ມ​ຂຶ້ນ​ ຕາມ​ສະຖານະ​ການ ​ເພື່ອ​ຈັດ​ສົ່ງ ​​ແບບ​ບໍ່​ເສຍ​ຄ່າ ໃຫ້​ແກ່​ ຄົວ​ເຮືອນ ​ທຸກ​ແຫ່ງ ​ໃນ​ປະ​ເທດ.

​ເພື່ອ​ຮັບ​ມື​ກັບ​ ໂຄ​​ໄມ​ຄຣອນ ​ເລີ່​ມຕັ້ງ​ແຕ່​ ເດືອນມັງກອນ ​ປີໜ້າ ​ແລະ ​ໃນ​ລະຫວ່າງ​ນີ້ ຂໍ​ການ​ຮ່ວມ​ມື​ ໃຫ້​ປະຊາຊົນ ​ເຂົ້າຮັບ​ ວັກ​ຊິນ ​ປ້ອງ​ກັນ​ໂຄ​ວິດ-19​ ໃຫ້​ຫລາຍ​ທີ່​ສຸດ ​ເພື່ອ​ຫລຸດ​ຄວາມ​ສ່ຽງ ຈາກ​ການ​ເຈັບ​ໜັກ ​ແລະ ​ເສຍ​ຊີວິດ​.

ຂະນະ​ດຽວ​ກັນ ຍັງ​ກຽມ​ກຳລັງ​ ທະຫານ ​ແລະ ບຸ​ກຄະລາ​ກອນ ​ທາງ​ການ​ແພດ ລົງ​ພື້ນ​ທີ່ ສະໜັບ ສະໜູນ ​ພາລະກິດ ​ໂຮງໝໍ​ທຸ​ກ ແຫ່ງ ​ເພື່ອ​ຈັດການ ​ສະຖານະ​ການ ​ໂຄ​ວິດ-19 ​ເລີ່​ມຕົ້ນປີໜ້າ ​ເຊັ່ນ​ກັນ ​ແລະ ນຳ​ອຸປະກອນ​ ທາງ​ການ​ແພດ​ ທີ່​ຈຳ​ເປັນ ​ຫລາຍ​ຢ່າງ​ ໃນ​ການ​ລົງ​ພື້ນ​ທີ່ ​ຄັ້ງນີ້.

ປັດຈຸບັນ ປະມານ 73% ຂອງ​ຜູ້​ຕິດ​ເຊື້ອ​ ໂຄ​ວິດ-19 ​ເປັນ​ຜູ້​ຕິດ​ເຊື້ອ​ ພະຍາດ​ ໂຄ​ວິດ-19 ສາຍ​ພັນ​ໃໝ່ ​ໂອ​ໄມ​ຄຣອນ ​ເພີ່ມ​ຂຶ້ນ ​ແບບ​ກ້າວ​ກະ​ໂດດ ນັບ​ຕັ້ງ ​ແຕ່​ມີ​ການ​ຢືນຢັນ ຜູ້​ຕິດ​ເຊື້ອ​ ຄົນ​ທຳ​ອິດ​ ໃນຕົ້ນ​ເດືອນ ​ທັນວາ​ນີ້./.

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ

Related Posts

Leave a Reply

Your email address will not be published.