ຂ່າວດີ.! ລາວໄດ້ຮັບ ວັກຊິນອີກ 1.275.400 ໂດສ໌

ສປປ ລາວ ໄດ້ຮັບວັກຊີນປ້ອງກັນພະຍາດໂຄວິດ-19 ຈຳນວນ 1,2 ລ້ານກວ່າໂດສ ເຊິ່ງໄດ້ຮັບການຊ່ວຍເຫຼືອ, ແບ່ງປັນວັກຊີນຈາກປະເທດຝຣັ່ງ, ເກັຣກ, ຍີ່ປຸ່ນ ແລະ ເນເທີແລນ ໂດຍຜ່ານໂຄງການ COVAX Facility ໂດຍຂົນສົ່ງມາຮອດ ສປປ ລາວ ໃນຕອນແລງວັນທີ 23 ທັນວາ 2021 ນີ້

ວັກຊີນທີ່ຈັດສົ່ງມອບໃຫ້ແກ່ ສປປ ລາວ ໃນຄັ້ງນີ້ ມີຈຳນວນທັງໝົດ 1.275.400 ໂດສ໌ ແມ່ນການຮ່ວມມືກັນລະຫວ່າງອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI),

ອົງການກາວີ (Gavi) ແລະ ອົງການອະນາໄມໂລກ (WHO), ໂດຍມີອົງການຢູນິເຊັບ ເປັນຄູ່ຮ່ວມງານສຳຄັນໃນການຈັດສົ່ງ ແລະ ເປັນການຈັດສົ່ງວັກຊີນຊຸດທີ 7 ທີ່ COVAX ໄດ້ສະໜອງໃຫ້ແກ່ ສປປ ລາວ.

ວັກຊີນໃນຄັ້ງນີ້ ແມ່ນເປັນການແບ່ງປັນປະລິມານວັກຊີນຈາກຫຼາຍໆປະເທດຜ່ານໂຄງການ COVAX Facility ເຊິ່ງປະກອບມີ ວັກຊີນ AstraZeneca ຈຳນວນ 192.000 ໂດສ໌ ຈາກປະເທດຝຣັ່ງ; ວັກຊີນ AstraZeneca ຈຳນວນ 320.200 ໂດສ໌ ຈາກປະເທດຍີ່ປຸ່ນ;

ວັກຊີນ Johnson & Johnson (J&J) ຈໍານວນ 302.400 ໂດສ໌ ຈາກປະເທດເກັຣກ ແລະ ວັກຊີນ J&J ຈໍານວນ 460.800 ໂດສ໌ ຈາກ ປະເທດເນເທີແລນ.

Related Posts

Leave a Reply

Your email address will not be published. Required fields are marked *