ລັດຖະບານຍີ່ປຸ່ນ ກວ່າ 900,000 ໂດລາ ໃຫ້ລາວ

ລັດຖະບານຍີ່ປຸ່ນໄດ້ມອບອຸປະກອນລະບົບຄວາມເຢັນເພື່ອເກັບຮັກສາ ແລະ ຂົນສົ່ງວັກຊິນ ມູນຄ່າລວມກວ່າ 900,000 ໂດລາສະຫະລັດ ແລະ ວັກຊິນປ້ອງກັນພະຍາດໂຄວິດ-19 ຍີ່ຫໍ (AstraZeneca) ຈຳນວນ 320,200 ໂດສ໌ ໃຫ້ແກ່ກະຊວງສາທາລະນະສຸກ. ເພື່ອເສີມສ້າງຄວາມເຂັ້ມແຂງໃນຂະບວນການສັກຢາວັກຊິນປ້ອງກັນພະຍາດໂຄວິດ-19 ໃນ ສປປ ລາວ.

ສຳລັບອຸປະກອນກອບມີ: ຕູ້ແຊແຂງເພື່ອເກັບຮັກສາວັກຊິນ ແລະ ແທ່ງນໍ້າແຂງທຽມ ຈຳນວນ 208 ຕູ້. ຕູ້ນໍ້າເຢັນຈຳນວນ 480 ຕູ້. ອາໄຫຼ່ສຳລັບອຸປະກອນຕ່າງໆ ກ່ອງຂົນສົ່ງວັກຊິນ 500 ກ່ອງ. ກ່ອງເຢັນຈຳນວນ 100 ກ່ອງ ແລະ ແທ່ງນໍ້າແຂງທຽມຈຳນວນ 10,000ແທ່ງ. ເຊິ່ງທັງໝົດນີ້ແມ່ນການຊ່ວຍເຫຼືອຈາກຍີ່ປຸ່ນໂດຍຜ່ານອົງການຢູ່ນິເຊບ ລວມເປັນມູນຄ່າແມ່ນ 913,141 ໂດລາສະຫະລັດ.

ການສະໝອງອຸປະກອນລະບົບຄວາມເຢັນໃນຄັ້ງນິ້ ແມ່ນເປັນສ່ວນໝຶ່ງຂອງໂຄງການທີ່ລັດຖະບານຍີ່ປຸ່ນພວມຈັດຕັ້ງປະຕິບັດເພື່ອສະໝັບສະໝູນ ສປປ ລາວ ໃນການເສີມສ້າງຄວາມເຂັ້ມແຂງໃຫ້ແກ່ລະບົບຄວາມເຢັນສຳລັບການເກັບຮັກສາ ແລະ ຂົນສົ່ງວັກຊິນເພື່ອເປັນການປະກອບສ່ວນເຂົ້າໃນວຽກງານການຮັບມືກັບພະຍາດໂຄວິດ-19, ເຊີ່ງໂຄງການດັ່ງກ່າວມີມູນຄ່າລວມທັງໝົດ 1.1 ລ້ານໂດລາສະຫະລັດ.

ນອກຈາກຊື່ອຸປະກອນລະບົບຄວາມເຢັນແລ້ວ ຈຳນວນທຶນທີ່ເຫຼືອພາຍໃຕ້ໂຄງການນີ້ແມ່ນຈະປະກອບສ່ວນເຂົ້າໃນການຜັນຂະຫຍາຍການຮ່ວມມືດ້ານວິຊາການລະຫວ່າງລັດຖະບານນີ່ປຸ່ນ ແລະ ລັດຖະບານ ສປປ ລາວ ໃນວຽກງານເສີມສ້າງລະບົບຄວາມເຢັນຂອງ ສປປ ລາວ ໃນອານາຄົດ. ຕ່າງໝ້າໃຫ້ແກ່ກະຊວງສາທາລະນະສຸກ ໃນການຮັບແມ່ນ ທ່ານ. ດຮ ໄພວັນ ແກ້ວປະເສີດ, ຮອງລັດຖະມົນຕີກະຊວງສາທາລະນະສຸກ.

ກ່າວມອບໂດຍ ທ່ານ. ໂຄບາຢາຊິ ເຄນອິຈິ, ເອກຄະຮາຊະທູດຍີ່ປຸ່ນປະຈຳ ສປປ ລາວ. ນອກນັ້ນມີຜູ້ຕ່າງໝ້າອົງການ ຍູນີເຊບປະຈຳ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ທີ່ ກະຊວງສາທາລະນະສຸກ ຄັ້ງວັນທີ່ 28/ ທັນວາ/ 2021

Related Posts

Leave a Reply

Your email address will not be published. Required fields are marked *