ທົດສອບຄວາມ ພ້ອມຕ້ອນຮັບນັກທ່ອງທ່ຽວຕ່າງປະເທດທີ່ສະ ໜາມບິນສາກົນວັດໄຕ

ທົດສອບຄວາມ ພ້ອມຕ້ອນຮັບນັກທ່ອງທ່ຽວຕ່າງປະເທດທີ່ສະ ໜາມບິນສາກົນວັດໄຕ

ວັນທີ 30 ທັນວາ 2021, ກະ ຊວງຖະແຫຼງຂ່າວ ວັດທະນະທໍາ ແລະທ່ອງທ່ຽວ ຮ່ວມກັບ ກະຊວງສາທາລະນະສຸກ, ເຈົ້າໜ້າທີ່ຕຳຫຼວດກວດຄົນເຂົ້າເມືອງ. ໄດ້ຝຶກແອບຕົວຈິງ ໃນການຕ້ອນຮັບນັກທ່ອງທ່ຽວ ທີ່ຈະ ເດີນທາງມາທ່ອງທ່ຽວໃນເຂດທ່ອງທ່ຽວສີຂຽວ. ເຊິ່ງຈັດ ຂຶ້ນຢູ່ສະໜາມບິນສາກົນວັດໄຕ.

ທ່ານອຸ່ນທວງ ຂາວພັນ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະທ່ອງທ່ຽວໃຫ້ຮູ້ວ່າ: ການຝຶກຊ້ອມໃນຄັ້ງນີ້ ເພື່ອເບິ່ງຄວາມພ້ອມຂອງ ທຸກຂະແໜງການ ໂດຍສະເພາະການກວດຄົນເຂົ້າ-ອອກເມືອງ ຂອງເຈົ້າໜ້າທີ່ຂະແໜງ ການຕ່າງໆ

ເຊັ່ນກະຊວງການຕ່າງປະເທດ, ມີຄວາມພ້ອມການອອກວິຊາ, ກະຊວງສາທາ ລະນະສຸກ ມີຄວາມພ້ອມໃນການກວດ ແລະຮັກສາສຸຂະ ພາບຂອງນັກທ່ອງ ທ່ຽວ ແລະຂະແໜງການທີ່ກ່ຽວຂ້ອງອື່ນໆ ຕື່ມອີກ, ການຝຶກຊ້ອມການຕ້ອນຮັບນັກທ່ອງທ່ຽວຢູ່ສະໜາມບິນສາກົນວັດໄຕ, ການເຝຶກຊ້ອມຂັ້ນຕອນຕ້ອງຮັບນັກທ່ອງທ່ຽວ ເມື່ອນັກທ່ອງທ່ຽວມາເຖິງໂຮງແຮມ,

ຂັ້ນຕອນໃນກໍລະນີ ນັກທ່ອງທ່ຽວມີຜົນກວດອອກມາເປັນບວກ, ແລະຂັ້ນຕອນອື່ນຯ ເພື່ອສ້າງຄວາມໝັ້ນໃຈໃຫ້ນັກທ່ອງທ່ຽວ. ພ້ອມດຽວກັນນັ້ນຍັງໄດ້ເນັ້ນໜັກໃຫ້ ແຕ່ລະແຂວງໃຫ້ ຝຶກອົບຮົມພະ ນັກງານດ້ານບໍລິການທີ່ກ່ຽວ ຂ້ອງໃຫ້ໄດ້ຕາມເງື່ອນໄຂທີ່ລັດຖະ ບານວາງອອກ, ໂດຍຈະທົດລອງເປີດ 3 ແຂວງກ່ອນ ຄື:

ນະຄອນຫລວງວຽງ ຈັນ, ຫລວງພະບາງ ແລະເມືອງວັງວຽງ ແຂວງວຽງຈັນ, ຍ້ອນວ່າ 3 ແຂວງນີ້ ໄດ້ຮັບຄວາມນິຍົມຈາກນັກທ່ອງ ທ່ຽວຫລາຍ ໂດຍໃຫ້ນັກທ່ອງ ທ່ຽວມາທ່ຽວເປັນຄະນະ ແລະປະຕິບັດຕາມລາຍການທີ່ກໍານົດໄວ້ເທົ່ານັ້ນ, ເຂດທ່ອງທ່ຽວສີ ຂຽວ ແມ່ນເຂດທ່ອງທ່ຽວປອດຈາກພະຍາດໂຄວິດ19 ຫລືມີລະບາດນ້ອຍ ເປັນເຂດທີ່ມີການທ່ອງ ທ່ຽວຂະຫຍາຍຕົວສູງຂອງປະເທດເຮົາ.

ຂໍ້ມູນຈາກ Lao National Radio – ວິທະຍຸກະຈາຍສຽງແຫ່ງຊາດລາວ

Related Posts

Leave a Reply

Your email address will not be published.