ຂ່າວດີ !!! ເປີດຮັບສະໝັກແລ້ວ ລາງວັນລວມມູນຄ່າທັງໝົດ 73 ລ້ານກີບ

ຂ່າວດີ !!! ເປີດຮັບສະໝັກແລ້ວ ການແຂ່ງຂັນເວົ້າ ສໍາຫຼັບຊາວໜຸ່ມລາວ 2022 (Youth Speaking Challenge Contest 2022) ເພື່ອຊິງຂອງລາງວັນລວມມູນຄ່າທັງໝົດ 73 ລ້ານກີບ ພ້ອມຮັບໂອກາດ ໄປທ່ຽວ ສປ ຈີນ ໃນທ້າຍປີນີ້.

ສູນກາງຊາວໜຸ່ມ ປະຊາຊົນ ປະຕິວັດລາວ ຮ່ວມກັບ ວິທະຍຸສາກົນແຫ່ງປະເທດຈີນ(CRI) ປະຈໍາລາວ FM 93.0 MHz ຂໍເຊີນຊາວໜຸ່ມລາວ ເຂົ້າຮ່ວມແຂ່ງຂັນ ການເວົ້າ ພາຍໃຕ້ຫົວຂໍ້ “ພະລັງຊາວໜຸ່ມເພື່ອການພັດທະນາ”

ກ່ຽວກັບການຈັດງານ:- ການແຂ່ງຂັນການເວົ້າສໍາຫຼັບໄວໜຸ່ມ 2022 ແມ່ນງານທີ່ເປີດໂອກາດໃຫ້ຊາວໜຸ່ມ, ໄວໜຸ່ມລາວທຸກຊົນເຜົ່າ ໃນທົ່ວປະເທດ ໄດ້ມີໂອກາດຝຶກຝົນ ແລະ ທົດສອບທັກສະ, ການເວົ້າ, ການຖ່າຍທອດຄວາມຄິດ, ຄວາມອ່ານ, ຄວາມຝັນ ແລະ ຄວາມປາດຖະ ໜາຂອງເຂົາເຈົ້າຜ່ານເວທີລະດັບປະເທດ ເພື່ອສ້າງໃຫ້ເຂົາເຈົ້າມີຄວາມໝັ້ນໃຈໃນຕົນເອງ, ກ້າສະແດງອອກ, ພ້ອມສົ່ງເສີມໃຫ້ສຽງຂອງຊາວໜຸ່ມສາມາດກາຍເປັນແຮງບັນດານໃຈ ຊຸກຍູ້ໃຫ້ຊາວໜຸ່ມໄວໜຸ່ມດ້ວຍກັນ ໃນການຜ່ານຜ່າຄວາມຫຍຸ້ງຍາກ ແລະ ໃຫ້ການຮ່ວມມືຊຶ່ງກັນແລະກັນ ກ້າວສູ່ການສ້າງນັກເວົ້າ ຜູ້ຊົງອິດທິພົນໃນແວດວົງຊາວໜຸ່ມ, ໄວໜຸ່ມໃນທົ່ວປະເທດ.

⭕️ ເງື່ອນໄຂການສະໝັກ:- ເປັນຄົນລາວ ອາຍຸລະຫວ່າງ 18-35 ປີ- ທຸກເພດ, ສາດສະໜາ ແລະ ຊົນເຜົ່າໃນທົ່ວປະເທດ- ມັກຮັກໃນການເວົ້າຕໍ່ໜ້າມວນຊົນ ແລະ ກ້າສະແດງອອກຄວາມຄິດເຫັນ.

⭕️ ວິທີລົງທະບຽນ : ສົ່ງວິດີໂອສັ້ນ ຫຼື ຄລິບສຽງ ແນະນໍາຕົນເອງ ພ້ອມຍົກຕົວຢ່າງ 1 ຕົວຢ່າງ ພະລັງຂອງຊາວໜຸ່ມ ໃນການພັດທະນາ (ຄວາມຍາວ 1-2 ນາທີ) ສົ່ງຫາພວກເຮົາ ຜ່ານຊ່ອງທາງໃດໜຶ່ງຕໍ່ໄປນີ້:1) ສົ່ງຜ່ານເບີ ວອດສແອັບ: 020 2899 29302) ຫຼື ສົ່ງຜ່ານ ອີເມລ crilaos93@gmail.com 3) ຫຼື ແບບຟອມສະໝັກທີ່: https://forms.gle/hQgHNSkJtwCK8DfSA

⭕️ ເປິດຮັບສະໝັກ: ວັນທີ 20 ມັງກອນ ຫາ ວັນທີ 19 ກຸມພາ 2022

⭕️ ຮູບແບບການແຂ່ງຂັນ- ຜູ້ເຂົາແຂ່ງຂັນ ທີ່ຜ່ານເຂົ້າຮອບ ຈະໄດ້ຮັບການຝຶກອົບຮົມການເວົ້າ ຮ່ວມກັບຄູຝຶກ ແບບ ອອນລາຍ- ການຕອບແຕ່ລະຄໍາຖາມ ແມ່ນມີເວລາສັ້ນ ພຽງ 30-60 ວິນາທີເທົ່ານັ້ນ- ມີຫຼາຍຮູບແບບ ທົດສອບ ທັກສະ ການເວົ້າ ຂອງຜູ້ເຂົ້າຮ່ວມແຂ່ງຂັນ ແລະ ມີຫຼາຍຮອບ (ໄລຍະການແຂ່ງຂັນ ປະມານ 3 ເດືອນ)- ການແຂ່ງຂັນ ແມ່ນຜ່ານທາງ ອອນລາຍ ເປັນຫຼັກ ໃນຕອນແລງ ເວລາປະມານ 19:30-21:00 ສ່ວນຮອບຊິງຂະນະເລີດ ແມ່ນຈະໄດ້ຈັດແບບເຊິ່ງໜ້າ.

⭕️ ບາງຫົວຂໍ້ປິ່ນອ້ອມການແຂ່ງຂັນ:1. ບົດບາດ​ຂອງ​ຊາວ​ໜຸ່ມໃນການພົວພັນຮ່ວມມື​ລະຫວ່າງ ລາວ-ຈີນ2. ການສຶກສາຊາວຫນຸ່ມພາຍໃຕ້ການລະບາດຂອງພະຍາດໂຄວີດ-193. ການພັດທະນາຂອງຊາວໜຸ່ມພາຍໃຕ້ການເປັນໂລກາພິວັດທາງດ້ານເສດຖະກິດ4. ຄວາມສໍາຄັນຂອງປະຫວັດສາດສໍາລັບການພັດທະນາຂອງໄວຫນຸ່ມ5. ບົດບາດຊາວໜຸ່ມໃນການນຳພາການປະດິດສ້າງທາງດ້ານເຕັກໂນໂລຊີວິທະຍາສາດ6. ຊາວ​ໜຸ່ມ​ໃນສືບ​ທອດ​ວັດ​ທະ​ນະ​ທຳ​ພື້ນ​ເມືອງ​7. ມູນເຊື້ອການປະຕິວັດມີຄວາມໝາຍແນວໃດສຳລັບການພັດທະນາຕົວເອງ8 ) ອື່ນໆ .

⭕️ ການດໍາເນີນການແຂ່ງຂັນແຕ່ລະຮອບ- ຮອບທີ 1: ຄັດເລືອກເອົາ 100 ຄົນ ຈາກຜູ້ສະໝັກ ທີ່ສົ່ງເຂົ້າມາທັງໝົດ – ຈັດແຄ້ມຝຶກອົບຮົມທັກສະການເວົ້າ ໃຫ້ຜູ້ທີ່ເຂົ້າຮອບ 100 ຄົນ – ຄັດ 100 ຄົນ ຄັດເອົາ 40 ຄົນ ເຂົ້າຮອບຕໍ່ໄປ ໃນ ໃນ 4 ຮູບແບບ :1) ແນະນໍາໂຕ 30 ວິນາທີ2) ສຸ່ມເລືອກຄໍາຖາມ Keyword ຈາກລະບົບ ແລະ ຕອບ (45 ວິນາທີ)3) ຕອບຄໍາຖາມພາຍໃນເວລາ 2-3 ນາທີ ຈາກຄະນະກໍາມະການ 3 ຄໍາຖາມ4) Final message ຫຼື ຄໍາເວົ້າສຸດທ້າຍ ເພື່ອມັດໃຈກໍາມະການ- ການແຂ່ງຂັນ 40 ຄົນ ຄັດເອົາ 20 ຄົນ1) ຜູ້ແຂ່ງຂັນ 2 ຄົນ ຂຶ້ນຕອບຄໍາຖາມ ໂດຍສະແດງທັດສະນະ ເຫັນດີ ຫຼື ບໍ່ເຫັນດີ ຕໍ່ຫົວຂໍ້ໃດໜຶ່ງ (60 ວິນາທີ)2) ຕອບຂໍ້ສັກຖາມຈາກຄະນະກໍາມະການ 2-3 ຂໍ້ (2-3 ນາທີ)3) Final message ຫຼື ຄໍາເວົ້າສຸດທ້າຍ ເພື່ອມັດໃຈກໍາມະການ- ການແຂ່ງຂັນ 20 ຄົນ ຄັດເອົາ 10 ຄົນ1) ສຸ່ມເລືອກຫົວຂໍ້ຈາກປະເພດຫົວຂໍ້ຕ່າງໆ ແລ້ວຕອບຄໍາຖາມ (45 ວິນາທີ)2) ສຸ່ມເລືອກຄໍາຖາມຈາກຄະນະກໍາມະການ ແລ້ວຕອບ (45 ວິນາທີ)3) Final message ຫຼື ຄໍາເວົ້າສຸດທ້າຍ ເພື່ອມັດໃຈກໍາມະການ- ຮອບຊິງຊະນະເລີດ 1) ຜູ້ເຂົ້າແຂ່ງຂັນກຽມຫົວຂໍ້ໃດໜຶ່ງ ທີ່ຕົນຢາກຖ່າຍທອດອອກມາໃຫ້ຄົນອື່ນໄດ້ຟັງ ບໍ່ເກີນ 03 ນາທີ2) ຜູ້ເຂົ້າແຂ່ງຂັນທຸກຄົນມີໂອກາດຕອບຄໍາຖາມດຽວກັນຈາກຄະນະກໍາມະການ ໃນມູມມອງຂອງຕົນເອງ3) ຄັດເລືອກ 3 ທ່ານອີງຕາມລຳດັບຂອງຄະແນນ ເພື່ອເຂົ້າ FINAL BATTLE, ສຸ່ມເລືອກຄໍາຖາມພິເສດຈາກຄະນະກໍາມະການ.

⭕️ ລາຍລະອຽດແຕ່ລະລາງວັນ.

⭕️ ລາຍລະອຽດແຕ່ລະລາງວັນ🔥 ອັນດັບ 1 :​ ໄປທ່ຽວປະເທດຈີນ 5 ວັນ 4 ຄືນ ຮ່ວມກັບໂຄສົກຈາກ CRI, ແທັບເລັດ 01 ເຄື່ອງ, ໂລ້ລາງວັນ, ໃບຍ້ອງຍໍແລະ ໂອກາດເປັນໂຄສົກ ຢູ່ທີ່ສະຖານີວິທະຍຸ CRI ຫຼື ສະຖານີ ວິທະຍຸ ຊາວໜຸ່ມ ອັນດັບ 2 :​ ທຶນການສຶກສາທີ່ສະຖາບັນຂົງຈຶ້ 02 ປີ, ແທັບເລັດ 01 ເຄື່ອງ, ໂລ້ລາງວັນ, ໃບຍ້ອງຍໍ ແລະ ໄປທ່ຽວຊົມແຂວງ ຫຼວງພະບາງ 3 ວັນ 2 ຄືນຮ່ວມກັບໂຄສົກ (ພະນັກງານ CRI ປະຈໍາລາວ) ໂດຍລົດໄຟລາວ-ຈີນ ແລະ ໂອກາດເປັນໂຄສົກ ຢູ່ທີ່ສະຖານີວິທະຍຸ CRI ຫຼື ສະຖານີ ວິທະຍຸ ຊາວໜຸ່ມ ອັນດັບ 3 : ແທັບເລັດ 01 ເຄື່ອງ, ໂລ້ລາງວັນ,ໃບຍ້ອງຍໍ ແລະ ປີ້ລົດໄຟວຽງຈັນ-ຫຼວງພະບາງ-ວຽງຈັນ ຈໍານວນ 03 ປີ້, ທຶນການສຶກສາຮຽນພາສາຈີນຢູ່ສະຖາບັນຂົງຈື້ 01ປີ, ແລະ ໂອກາດເປັນໂຄສົກ ຢູ່ທີ່ສະຖານີວິທະຍຸ CRI ຫຼື ສະຖານີ ວິທະຍຸ ຊາວໜຸ່ມ ລາງວັນຊົມເຊີຍ : ປີ້ລົດໄຟວຽງຈັນ-ວັງວຽງ-ວຽງຈັນ 7ລາງວັນ, ລາງວັນລະ 03 ປີ້ ແລະ ໂອກາດເປັນໂຄສົກ ຢູ່ທີ່ສະຖານີວິທະຍຸ CRI ຫຼື ສະຖານີ ວິທະຍຸ ຊາວໜຸ່ມ ລວມມູນຄ່າ ຂອງລາງວັນທັງໝົດ 73 ລ້ານກີບ !ສະໝັກກັນເຂົ້າມາ ຫຼາຍໆເດີ້ !!!

Related Posts

Leave a Reply

Your email address will not be published.