ສົມຊື່ແຂວງໃຫຍ່ສຸດຂອງປະເທດ! ສະຫວັນນະເຂດສົ່ງອອກເຂົ້າປີດຽວ 8 ລ້ານກວ່າໂດລາ

ປີ 2021 ແຂວງສະຫວັນນະເຂດ ສາມາດສົ່ງອອກເຂົ້າ ທັງໝົດ 16.250 ໂຕນ, ມູນຄ່າ 8,18 ລ້ານໂດລາສະຫາລັດ, ໃນນັ້ນເຂົ້າສານໜຽວ 16.100 ໂຕນ, ມູນຄ່າ 8,05 ລ້ານໂດລາສະຫາລັດ ແລະເຂົ້າສານຈ້າວ 150 ໂຕນ, ມູນຄ່າ 0,13 ລ້ານໂດ ລາສະຫາລັດ.ພະແນກອຸດສາຫະກຳ ແລະ ການຄ້າແຂວງສະຫວັນນະເຂດ ໄດ້ຈັດກອງປະຊຸມຜ່ານຮ່າງເນື້ອໃນຄັ້ງສຸດທ້າຍ.

ເພື່ອຮັບຮອງຮ່າງຍຸດທະສາດການສົ່ງອອກເຂົ້າ ແລະ ສະພາບການດຳເນີນທຸລະກິດກ່ຽວກັບການສົ່ງອອກເຂົ້າໃນໄລຍະຜ່ານມາ ຂຶ້ນໃນວັນທີ 24 ກຸມພາ 2022 ເປັນປະທານຂອງທ່ານ ບຸນເຖິງ ດວງສະຫວັນ ຮອງລັດຖະມົນຕີກະຊວງອຸດສາຫະກຳ ແລະການຄ້າ, ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ, ທ່ານ ໂພສີສ້ອຍ ກຸທິລາດ ຫົວໜ້າພະແນກອຸດສາຫະກຳ ແລະການຄ້າແຂວງສະຫວັນນະເຂດ, ມີຄະນະກົມ, ຄະນະພະແນກອຸດສາຫະກຳ ແລະການ ຄ້າ 06 ແຂວງຄື:

ນະຄອນຫຼວງວຽງຈັນ, ວຽງຈັນ, ໄຊຍະບູລີ, ຄໍາມ່ວນ, ສະຫວັນນະເຂດ ແລະບໍລິຄຳໄຊເຂົ້າຮ່ວມ.ທ່ານ ບຸນເຖິງ ດວງສະຫວັນ ກ່າວມີຄຳເຫັນວ່າ: ໃນຮ່າງຍຸດທະສາດດັ່ງກ່າວ ແມ່ນໄດ້ກຳນົດຫຼາຍໜ້າວຽກ, ຫຼາຍກິດຈະກຳທີ່ເຫັນວ່າຕິດພັນກັບຫຼາຍພາກສ່ວນບໍ່ວ່າຈະຢູ່ໃນຂັ້ນສູນກາງ, ແຂວງ, ເມືອງ ແລະບ້ານ ກໍລ້ວນແຕ່ມີສ່ວນຮ່ວມໃນການຈັດຕັ້ງປະຕິບັດກິດຈະກຳແຕ່ລະໜ້າວຽກທີ່ໄດ້ກຳນົດໃນແຜນວຽກ,

ດັ່ງນັ້ນ, ຈຶ່ງຂໍຮຽກຮ້ອງມາຍັງທ່ານດາທ່ານທີ່ເຂົ້າຮ່ວມກອງປະຊຸມໃນຄັ້ງນີ້ ຈົ່ງພ້ອມພຽງກັນເອົາໃຈໃສ່ປະກອບຄຳເຫັນໃສ່ເນື້ອໃນບົດດັ່ງກ່າວຢ່າງກົງໄປກົງມາ ເພື່ອເຮັດໃຫ້ບົດຂອງພວກເຮົາມີເນື້ອໃນທີ່ສົມບູນ ແລະຄົບຖ້ວນ ເພື່ອເຮັດໃຫ້ຍຸດທະສາດດັ່ງກ່າວ ສາມາດນຳໄປຈັດຕັ້ງປະຕິບັດໃຫ້ເກີດດອກອອກຜົນ ແລະເປັນຮູບປະທຳໄດ້ໃນອະນາຄົດ.

ທ່ານ ໂພສີສ້ອຍ ກຸທິລາດ ກໍໄດ້ຜ່ານແຜນການພັດທະນາເສດຖະກິດ-ສັງຄົມ 5 ປີ (2021-2025) ຂອງແຂວງສະຫວັນນະເຂດເຊິ່ງ ໃນປີ 2021 ຜ່ານມາ, ແຂວງສະຫວັນນະເຂດ ສາມາດ ສົ່ງອອກເຂົ້າໄປ 9 ປະເທດ ໂດຍຜ່ານ 3 ບໍລິສັດຄື: ບໍລິສັດອິນດູຈີນ ຮ່ວມມືພັດທະນາລາວຈໍາກັດຜູ້ດຽວ, ບໍລິສັດຈິນຕະນາການການຄ້າຂາອອກ-ຂາເຂົ້າ ຈຳກັດຜູ້ດຽວ, ບໍລິສັດເລສຸກການຄ້າຂາອອກ-ຂາເຂົ້າຈຳກັດຜູ້ດຽວ ເຊິ່ງມີຈຳນວນທັງໝົດ 16.250 ໂຕນ, ມູນຄ່າ 8,18 ລ້ານໂດລາສະຫາລັດ,

ໃນນັ້ນເຂົ້າສານໜຽວ 16.100 ໂຕນ, ມູນຄ່າ 8,05 ລ້ານໂດລາສະຫາລັດ ແລະເຂົ້າສານຈ້າວ 150 ໂຕນ, ມູນຄ່າ 0,13 ລ້ານໂດ ລາສະຫາລັດ, ທຽບໃສ່ແຜນການສົ່ງອອກເຂົ້າ 2021-2025 ເຫັນ ວ່າປະຕິບັດໄດ້ພຽງ 16,25%.ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ, ກະຊວງ ອຄ ກໍລາຍງານການຈັດຕັ້ງກິດຈະກຳຍຸດທະສາດການສົ່ງອອກເຂົ້າໃນໄລຍະຜ່ານມາ ແລະ ໄດ້ມີ ການປະກອບຄຳຄິດຄຳເຫັນຈາກບັນດາຫົວໜ້າ ພະແນກໃນ 6 ແຂວງ,

ຈາກນັ້ນ, ກໍໄດ້ນຳສະເໜີ ກ່ຽວກັບການປັບປຸງຮ່າງຍຸດ ທະສາດສົ່ງອອກເຂົ້າຮອບສຸດທ້າຍ ໂດຍຊ່ຽວຊານຕ່າງປະເທດ ແລະຮັບຮອງເອົາທາງດ້ານຫຼັກການ ແຕ່ກໍຍັງຈະໄດ້ນຳໄປດັດປັບນຳຊ່ຽວຊານຕ່າງປະເທດອີກ.

ມີຮູບ: 8544

Related Posts

Leave a Reply

Your email address will not be published.