ຈີນ ສ້າງສູນກັກໂຕໂຄວິດ ຂະໜາດ 6.000 ຫ້ອງ

ຂປລ.ອີງຕາມ ແຫລ່ງຂ່າວ ຊິນຮວາຂອງ ຈີນ, ວັນທີ 14 ເດືອນມີນາ, ແຂວງຈີຫລິນ ທາງຕາເວັນອອກ ສຽງເໜືອ ຂອງ ຈີນ, ໄດ້ເລີ່ມກໍ່ສ້າງ ສູນກັກໂຕ ຊົ່ວຄາວ ໃຫ້ແກ່ ຜູ້ຕິດເຊື້ອ ໂຄວິດ-19 ຂະໜາດ 6.000 ຫ້ອງ

ໃນເຂດ ເກົາຊິນໃຕ້ ຂອງ ເມືອງຈິ໋ຫລິນ ໂດຍຄວບຄຸມ ພື້ນທີ່ ປະມານ 430.000 ຕາແມັດ ແລະ ມີພື້ນທີ່ ກໍ່ສ້າງປະມານ 175.100 ຕາກິໂລແມັດ,

ປັດຈຸບັນ ໜ່ວຍງານ ກໍ່ສ້າງ ຂອງເມືອງ ຈິ໋ຫລິນ ໄດ້ຈັດສົ່ງ ຄົນງານ ເກືອບ 2.000 ຄົນ ພ້ອມດ້ວຍ ເຄື່ອງຈັກ ແລະ ອຸປະກອນ ຫລາຍກວ່າ 300 ຊຸດ ເຂົ້າໄປດຳເນີນງານ ປັບລະດັບ ໜ້າດິນ, ງານໄຟຟ້າ ແລະ ງານປະດັບ ປະດາຕ່າງໆ ຢ່າງຄຶກຄື້ນ.

ໂດຍ ຄະນະ ກຳມະການ ສຸຂະພາບ ແຂວງຈິ໋ຫລິນ ລາຍງານວ່າ: ເມືອງຈິ໋ຫລິນ ກວດພົບ ຜູ້ຕິດເຊື້ອ ໂຄວິດ-19 ທີ່ຕິດເຊື້ອ ໃນທ້ອງຖິ່ນ ເພີ່ມຂຶ້ນ 453 ຄົນ ແລະ ຜູ້ຕິດເຊື້ອ ບໍ່ສະແດງ ອາການ 120 ຄົນ (ໃນວັນທີ 13 ມີນາ ຜ່ານມາ).

Related Posts

Leave a Reply

Your email address will not be published.