ປກສ ເມືອງອະນຸວົງ ມ້ າງຄ ະດີໄດ້ 2 ເລື່ອງ

ວັນທີ 15 ມັງກອນ ຜ່ານມາ, ເຈົ້າໜ້າທີ່ພະແນກຕໍາຫຼວດປກສ ເມືອງອະນຸວົງ ແຂວງໄຊສົມບູນ ໄດ້ ກວດກາລົດກະບະວິໂກ້ ໝາຍເລກທະບຽນ ກກ 5526 ວຽງຈັນ, ພົບຢາບ້າ 3 ມັດ ເທົ່າກັບ 6.000 ເມັດ ຊຸກເຊື່ອງໃນຖົງເຄື່ອງຂອງນາງ ເຊຍມົ່ວ ອາ ຍຸ 55 ປີ ຢູ່ບ້ານໂພໄຊ ເມືອງນາຊາຍທອງ ນະຄອນ ຫຼວງວຽງຈັນ.

+ ຜ່ານການສອບສວນ ຜູ້ກ່ຽວສາລະພາບວ່າ:ເລີ່ມ ຄ້າຂາຍຢາບ້າ ມາແຕ່ປີ 2014; ເຊິ່ງຢາບ້າທີ່ນໍາມາຂາຍແມ່ນຊື້ຢູ່ເຂດຫຼັກ 52 ແຂວງວຽງຈັນ, ຊື້ມາເທື່ອລະ 10-20 ເມັດ ເປັນຈໍານວນຫຼາຍຄັ້ງ;

ມາ ຮອດປີ 2020, ໄດ້ເອົາຢາບ້າມາຂາຍຢູ່ເຂດພູກະລໍ ຈໍານວນ 4 ຄັ້ງ,ຄັ້ງລະ 1-5 ຖົງ (ຖົງລະ 200 ເມັດ), ມາຮອດວັນທີ 14 ມັງກອນ 2021, ໄດ້ນໍາຢາບ້າທີ່ ຊື້ມາແຕ່ຫຼັກ 52 ຈໍານວນ 3 ມັດ ເທົ່າກັບ 6.000 ເມັດ ເພື່ອຈະນໍາໄປຂາຍ ຢູ່ເຂດເມືອງອະນຸວົງ, ແຕ່ຖືກເຈົ້າໜ້າທີ່ ປກສ ຈັບໄດ້ພ້ອມຂອງກາງ ໄປດໍາເນີນຄະດີ.

+ ໃນວັນດຽວກັນ,ເຈົ້າໜ້າທີ່ ປກສ ເມືອງອະນຸວົງ ໄດ້ຮັບລາຍງານວ່າ: ມີການລັກລອບເຄື່ອນໄຫວຊື້ ຂາຍຢາເສບຕິດ ຢູ່ເຂດບ້ານນໍ້ຍອນ ເມືອງອະນຸວົງ ຈຶ່ງໄດ້ກັກຕົວເປົ້າໝາຍ ຊື່ ທ້າວ ມົວຢ່າງ ອາຍຸ 30 ປີ ຢູ່ບ້ານຫຼັກ 24 ເມືອງອະນຸວົງ ແຂວງໄຊສົມບູນພ້ອມຢາບ້າ ຈໍານວນ 380 ເມັດ ໄປດຳເນີນຄະດີຕາມກົດໝາຍ.

+ ຮູ້ຂ່າວສານບ້ານເມືອງ ແລະ ເຫດການປະກົດຫຍໍ້ທໍ້ໃນສັງຄົມ ກ່ອນຄົນອື່ນ

>> ກົດຖືກໃຈເພຈ ແລະ ກົດຕິດຕາມ NBC Lao News

Related Posts

Leave a Reply

Your email address will not be published. Required fields are marked *