ແຮງງານປະມົງລາວ ທີ່ຕົກຄ້າງຢູ່ປະເທດມາເລເຊຍ ຈໍານວນ 177 ຄົນ ມາຮອດລາວແລ້ວ

: #ແຮງງານປະມົງລາວ ທີ່ຕົກຄ້າງຢູ່ປະເທດມາເລເຊຍ , ຈໍານວນ 177 ຄົນ, ໄດ້ເດີນທາງມາຮອດ ສະໜາມບິນ ສາກົນວັດໄຕ ນະຄອນຫຼວງວຽງຈັນແລ້ວ ແຕ່ວັນທີ 17 ມັງກອນ 2021 ຜ່ານມາ ໂດຍຖ້ຽວບິນພິເສດ AirAsia ທຸກໆຄົນໄດ້ຜ່ານມາດຕະການຄັກແນ່ ໃນການກວດກາເຊື້ອໂຄວິດ-19.

ຫຼັງຈາກນັ້ນ ກໍຖືກສົ່ງໄປກັກໂຕ ຢູ່ສູນກັກກັນ ຫຼັກ 27, ທາງການ ກໍໄດ້ປະກາດຫ້າມຄົນງານລາວ ບໍ່ໃຫ້ຖ່າຍຮູບ, ຖ່າຍວິດິໂອໃດໆ ທັ້ງສິ້ນ ,ໃນນັ້ນຈໍານວນ 177 ຄົນ, ທີ່ເດີນທາງມາຈາກ ລັດປາຫັງ ມາເລເຊຍ.

ເດີນທາງໂດຍສາຍການບິນ ແອຣ໌ເອເຊຍ ຂອງບໍລິສັດອຸດົມສິນນີ້, ຄືເດີນທາງ ຈາກກົວລາລໍາເປີ ຂຶ້ນເຮືອບິນປະມານ 6 ໂມງ ແລະ ເຖິງສະໜາມບິນວັດໄຕ 8 ໂມງ30ນາທີ, ເຈົ້າໜ້າທີ່ໄດ້ຈັດໃຫ້ເຂົ້າຄິວ, ເຂົ້າແຖວແຈ້ງພາສປອດ.

ພ້ອມຮັກສາໄລຍະຫ່າງ ລວມເຖິງກວດວັດຫະພູມ, ລວມເຖິງກວດຫາເຊື້ອໂດຍການແຍ່ປາກ ແລະ ແຍ່ດັງ, ເອົາສານຄັດລັ່ງໄປເພາະເຊື້ອໂຄວິດ, ຕາມມາດຖານ, ທາງສູນເພິ່ນຈັດໄປຮັບ ເປັນລົດຕູ້, ລົດທະຫານ ພ້ອມທັງເກັບຄ່າລົດຄົນລະ 50 ພັນກີບ.

ຄ່າລົດໂດຍສານ ຈາກສະໜາມບິນ ມາສູນກັກໂຕ ຫຼັກ 27ຄົນງານທັງ 177 ຄົນນັ້ນ ປັດຈຸບັນນີ້ ແມ່ນຖືກກັກບໍລິເວນ ເພື່ອປ້ອງກັນ ການແຜ່ລະບາດ ຂອງເຊື້ອໂຄວິດ-19 ຢູ່ ກັກກັນ ຫຼັກ 27 ທີ່ພັກອາໄສ ກໍ່ສະດວກສະບາຍ:

“ພີ່ນ້ອງ ຖ້າຜູ້ໃດຢູ່ໃກ້ ເພິ່ນກະເອົາເຂົ້າ ເອົາປາມາສົ່ງກະໄດ້ຢູ່ ໂດຍຝາກເຈົ້າໜ້າທີ່ ລະເຮົາກະລົງໄປເອົາ.” ທຸກໆຄົນກໍເວົ້າເປັນສຽງດຽວກັນວ່າ ດີໃຈ ທີ່ໄດ້ກັບບ້ານເກີດ.

-ຮຽບຮຽງຂ່າວໂດຍ: ແອໂຣລາວ |ເພຈຂ່າວການບິນ

Related Posts

Leave a Reply

Your email address will not be published. Required fields are marked *