ຕົ້ນ ລຽງໃຕ້ໃບ ເປັນຢາ ບຳລຸງສາຍຕາ, ແກ້ໄອເດັກ ແລະ ແກ້ອາການຫາຍໃຈຝືດ

ລັກສະນະ: ເປັນໄມ້ລົ້ມລຸກ ລຳຕົ້ນສູງປະມານ 10- 50 ຊມ, ເປືອກສີຂຽວເຂັ້ມ. ໃບປະສົມຂັ້ນໜຶ່ງແບບຂົນນົກປາຍຄີກ, ຈັບຮຽງສະຫຼັບ, ຮູບຮີ, ຮູບຂອບຂະໜານ ຫຼື ຮູບໄຂ່ປີ້ນ, ກ້ວາງ 0,2-0,9 ຊມ, ຍາວ 0,6- 2,5 ຊມ, ໂຄນໃບມົນ ຫຼື ບ້ຽວ, ຂອບໃບມີຂົນ, ປາຍໃບມົນ ຫຼື ຕິ່ງໜາມ.

ດອກແຍກເພດ ດອກຜູ້ເປັນຊໍ່ກະຈຸກົມມີ 5-7 ດອກຍ່ອຍ, ກີບດອກມີ 6 ກີບ ຮູບຮີ ຫຼື ຮູບຂອບຂະໜານ, ກ້ວາງ 0,2-0,4 ຊມ, ຍາວ 0,3-2,5 ຊມ,​ ຖົງລະອອງມີ 3 ອັນຈັບຢູ່ປາຍກ້ານສູຖົງລະອອງ. ດອກແມ່ເປັນດອກດ່ຽວ, ມີຂະໜາດໃຫຍ່ກ່ວາດອກຜູ້ເລັກນ້ອຍ. ໝາກຮູບກົມ, ມີເສັ້ນຜ່າສູນກາງປະມານ 2-4 ມມ, ໝາກແຫ້ງແລ້ວແຕກ.

ການນຳໃຊ້: ລຽງໃຕ້ໃບໄດ້ຖືກນຳມາເປັນສິນຄ້າເນື່ອງຈາກມີສັບພະຄຸນທາງດ້ານການຢາຄື:

– ຮາກ ແລະ ໃບ: ໃຊ້ຊົງດື່ມກັບນ້ຳເປັນຢາບຳລຸງຮ່າງກາຍ. ໃບ: ຊ່ວຍຕົ້ມກິນບຳລຸງສາຍຕາ, ຊ່ວຍຮັກສາໄຂ້ມາລາເລຍ, ໃບອ່ອນໃຊ້ເປັນຢາແກ້ໄອໃຫ້ກັບເດັກ.

– ລຳຕົ້ນ: ນຳມາຕົ້ມກິນຊ່ວຍຄວບຄຸມ ແລະ ລົດລະດັບນ້ຳຕານໃນເລືອດ, ຊ່ວຍລົດຄວາມດັນເລືອດ, ລົດຄວາມຮ້ອນ ລົດໄຂ້ທຸກຊະນິດ, ຊ່ວຍແກ້ອາການໄອ ແລະ ແກ້ອາການຫາຍໃຈຝືດ

ຂໍ້ມູນຈາກ: ພາເຂົ້າລາວ

Related Posts

Leave a Reply

Your email address will not be published. Required fields are marked *